Hatutan.com, (28 Janeiru 2025), Díli- Ministru ba Assuntu Interinu, Ministru ba Imigrasaun no Asuntu multikultural, ministeu ba seguransa sibernetika, Ministru ba arte no lider ba Casa, Tony Burke MP hateten Austrália iha komprimisu apoiu Timor-Leste iha seguransa sibernetika hodi kombate krime organizadu sira liu-liu iha tráfiku umanu no garante mos seguransa online.

Primeiru-Ministru (PM), Kay Rala Xanana Gusmão simu Ministru ba Imigrasaun no Asuntu multikultural, ministru bá seguransa sibernetika, Ministru bá arte no lider bá Casa, Tony Burke MP iha Palásiu Governu, tersa (28/01/2025).

Primeiru-Ministru Kay Rala Xanana Gusmão ba jornalista sira iha Palásiu Governu, tersa (28/01/2025) hateten Ministru Austrália Tony Burke MP ho responsabilidade oin-oin, mai iha Timor-Leste no iha sorumutuk ne’e ami koali’a liu kona-ba relasaun no Kooperasaun amizade entre Timor-Leste no Austrália, koali’a kona-ba Timoroan sira ne’ebé ba servisu iha ne’eba, koali’a kona-ba seguransa, seguransa sibernetika no asuntu sira seluk.

Lee Mós: Ramos-Horta husu Governu Austrália Kontinua Simu Traballadór Timoroan

“Ita apresia tebe-tebes, Ministru Tony Burke MP bele mai iha ne’e para bele hanesan reforsa ita nia Kooperasaun no agora ita atu tama ASEAN, sira mos fo apoiu bo’ot.” Hateten Primeiru-Ministru Kay Rala Xanana Gusmão.

Xefe Governu Subliña iha sorumutuk ne’e koalua em jeral deit no iha sorumutuk sira ho kada ministériu mak sei deskute klean liután ho Assuntu sira espesífiku iha,area sira ne’ebé país rua bele halo Kooperasaun diak liután ba futuru.

Ministru ba Assuntu Interinu, Ministru ba Imigrasaun no Asuntu multikultural, ministeu ba seguransa sibernetika, Ministru ba arte no lider ba Casa, Tony Burke MP hateten onra bo’ot ida bele mai vizita Timor-Leste hodi halo enkontru ho entidade sira Timor-Leste nian hanesan Primeiru-Ministru, Prezidente Repúblika no mos Ministru sira relevante iha area sira ne’ebé país rua iha Kooperasaun ba.

Relasaun no amizade kle’an entre povu Timor-Leste no povu Australia forte tebes, ida-ne’e laos deit iha relasaun bilaterál maibé liu-liu iha area Edukasaun, Traballadór no relasaun forte entre ema no ema, família, no relasaun íntimemsira ne’ebé akontese desde passadu too ohinloronn no agora ami koali’a ona kona-ba buat hotu.

“Ami halo diskusaun barak, kona-ba area seguransa nian, liu-liu iha seguransa sibernetika, kona-ba kontra bandu sira ba rede krime nian, liu-liu iha tráfiku umanu, no mos kona-ba seguransa online.” Hateten Tony Burke MP.

Tuir ajenda, durante vizita Ministru ba Assuntu Interinu, Ministru ba Imigrasaun no Asuntu multikultural, ministeu ba seguransa sibernetika, Ministru ba arte no lider ba Casa, Tony Burke MP iha Timor-Leste sei hala’o enkontru Prezidente Repúblika José Ramos-Horta, Ministru Justisa Sérgio de Jesus Fernandes da Costa Hornai, Ministru Interiór Francisco Guterres, Ministru Transporte no Telekomunikasaun Miguel Marques Gonçalves Manetelo no akompaña husi Ministru Negosiu Estranjeiru no Kooperasaun Bendito dos Santos Freitas.

Jornalista: Vito Salvadór