Hatutan.com, (05 Fevereiru 2025), Díli- Governu liu husi reuniaun Konsellu Ministru, Kuarta (05/02/2025), autoriza despeza ba projetu ualu ne’ebé aprezenta husi Ministru Obras Públikas, Samuel Marçal.

Lee Mós: Tempu Udan, PN Husu Aselera Projetu Reabilitasaun Valeta, Estrada no Ponte sira

Reuniaun Konsellu Ministru. Foto/Dok.Tome da Silva.

Iha komunikadu ne’ebé Hatutan.com asesu hateten projetu sira ne’ebé aprezenta husi Ministru Obras Públikas, Samuel Marçal, Konsellu Ministru delibera atu autoriza despeza ba:

• Instalasaun Kaixa Gabiaun iha Mota Laklo, Suku Berloik – Alas Manufahi (P32), ho montante $396,249,46;
• Konstrusaun moru protesaun gabiaun iha Mota Bolobu, Samutuaben, Kailaku, Munisípiu Bobonaru (P34), ho montante $532,503,81;
• Reabilitasaun estrada trosu/seksaun entre Remexio no Laklo – Pakote 2 (P36), ho montante $2,223,538;
• Konstrusaun seksaun Protesaun mota Naiboruk estrada Viqueque – Beasu – Pakote 1 (P41), ho $429,792,11;
• Konstrusaun seksaun Protesaun Mota Naiboruk estrada Viqueque – Beasu – Pakote 2 (P42), ho montante $484,602,09;
• Instalasaun liña transmisaun (voltajen média), distribuisaun (voltajen tun), transformadór no ligasaun rezidensiál iha suku Haupu, Asi–Manukatilete, Kairia, Riatoni-Lekidasi (P58), ho montante $637,190,35;
• Instalasaun liña transmisaun (voltajen média), distribuisaun (voltajen tun/baixa), transformadór no ligasaun rezidensiál iha postu administrativu Ermera, Suku Lauana (P59), ho montante $523,284,72;
• Instalasaun liña transmisaun (voltajen média), distribuisaun (voltajen tun/baixa), transformadór no ligasaun rezidensiál iha postu administrativu Ermera, Tidibesi, Taklela, Lalimlau-Sakubesilima (P61), ho montante $765,589,16;

Konsellu Ministru aprova projetu Dekretu Governu, ne’ebé aprezenta hosi Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, hodi estabelese taxa sira ne’ebé tenke selu tuir  prosedimentu lisensamentu ambientál.

Dekretu Governu ne’e ho objetivu atu regula pagamentu taxa ne’ebé iha relasaun ho emisaun lisensa ambientál sira, garante aplikasaun prinsípiu poluidór-pagadór no sustentabilidade servisu sira ne’ebé presta hosi Autoridade Nasionál Lisensiamentu Ambientál (ANLA, I.P.). Objetivu mak atu asegura prosesu lisensiamentu ida ne’ebé transparente no efisiente, atu nune’e bele promove responsabilizasaun husi proponente sira projetu nian ba impaktu ambientál husi sira-nia atividade. Taxas ne’ebé define ona varia tuir kategoria projetu nian, haree ba dimensaun potensiál hosi impaktu ambientál, no mós faze hosi prosedimentu lisensiamentu nian.

Jornalista: Vito Salvadór