Hatutan.com, (11 Marsu 2025), Díli – Ró Berlin Nakroma, Tersa (11/03/2025), atraka fali iha Portu Díli hafoin halo manutensaun kuaze fulan-haat iha Surabaya, Indonézia.

Lee Mós: Bankada PLP Preokupa ho Kustu Manutensaun Ró Berlin Nakroma $785,000

Ró Berlin Nakroma atraka fali iha Portu Díli hafoin besik fulan-haat halo manutensaun iha Surabaya-Indonézia. Foto/Tome da Silva

Ró ne’e nia motór ida foin daudauk avaria ne’ebe iha manutensaun hadi’a hotu kedas hosi laran to’o mai li’ur to’o kulit sira ne’e hadi’a hotu tuir doklis ne’ebe mak parte tékniku sira fó sai tanba manutensaun ne’e iha fulan-Outubru 2024.

Tripulante hamutuk na’in-16 mak akompaña viajen ka operasaun Ró Berlin Nakroma hosi Surabaya, Indonézia to’o mai Portu Díli.

“Ita hotu harer Ró to’o fila fali ona Portu Díli ne’ebe ohin nia to’o se taka metin tuir autoridade ninia rekomendasaun aban mak foin halo inspesaun ba ró,” Prezidente Administrasaun APORTIL, I.P, José de Oliveira Leong, hateten ba jornalista iha Portu Díli.

Autoridade ne’ebe mak halo inspesaun ne’e hosi Alfándega, Imigrasaun, Quarentina, Saúde inklui Kapitaun Portu, tanba ne’e se haree ba dokumentu sira tuir idak-idak nia servisu.

José de Oliveira Leong hatutan iha Sesta bairua (14/03/2025) APORTIL ho komitiva Primeiru Ministru Xanana Gusmão sei Koko ró nia kondisaun hosi Díli ba Atauro.

Jornalista Estajiáriu: Lazaro Pereira Quefi