Hatutan.com, (10 Juñu 2025), Díli– Reinaldo Ximenes, membru FALINTIL–Forsa Defeza Timor-Leste (F-FDTL) lakon vida, Tersa dadeer (10/06/2025), iha Postu Komponente Naval Oebau, Rejiaun Administrativu Espesiál Oé-Cuse Ambeno (RAEOA) tanba deskuidu.

Membru F-FDTL Rezulta Reinaldo Ximenes Mate ho Deskuidu iha Postu Komponente Naval Oé-Cusse, Tersa (10/06/2025), hale;u tuku 09:00 dadeer. Foto/Repro. Espesiál

Informasaun ne’ebé Hatutan.com asesu husi sasin balu iha Postu Komponente Naval Oebau, katak matebian Reinaldo Ximenes haree hela kilat ne’ebé nia kaer iha liman, kala nia haluha tiha katak nia karrega hela no bala-musan ida tama hela ba kilat-laran no bainhira nia se ba nia ulun, mak nia karrega fali, rezulta bala-musan ida haksoit kona kedas nia ulun to’o nakfera no mate-fatin.  

Komandante Komponente Naval F-FDTL, Comodoro Higino das Neves ne’ebé hamutuk ho ekipa médiku sira lidera husi Diretór Rejional Saude Oé-Cusse, Manuel da Cunha, inklui ekipa Polísia Nasionál Timor Leste (PNTL) RAEOA to’o kedas lokál akontesimentu hodi  halo investigasaun no monta fita polísia nian.

Prosesu ne’e sei iha investigasaun nia laran no autoridade sira seidauk bele fó sai informasaun konkreta no loloos kona-bá insidente ne’e.

Jornalista: Zita Menezes