Hatutan.com,  (15 Jullu 2025), Dili--Tribunál Manila, Segunda  (14/07/2025),  hatama ona deklarasaun “La sala” (inosente)  ba eis reprezentante Negros Oriental Arnolfo Arnie Teves Jr iha nia kazu omisídiu ba alegasaun omisídiu iha Negros Oriental iha tinan 2019.

Lee Mós: PN La Aprova Rezolusaun Atu Loke Investigasaun Bá Prosesu Arnolfo Teves Jr Mai Timor-Leste

Fujitivu INTERPOL, Arnolfo Teves Jr halo video husi Ministériu Interiór hodi afirma kataka detesaun ho kapturasaun ne’ebé halo ba nia ilegál. Foto/Repro

Sita husi GMA News Online (gmanetwork.com) haktuir Advogadu Ferdinand Topacio hatuir katak pozisaun Teves Jr iha video konferénsia dehan nia lakohi atu hatama alegasaun durante audiénsia akuzasaun nian iha Tribunál Julgamentu Rejionál Manila, Filiál 12.

Topacio dehan audiénsia pre-julgamentu ne’e marka ona ba loron 29 fulan-Jullu, tinan ne’e,  Teves Jr  antes ne’e deklara, la kontesta akuzasaun kombinadu sira kona-bá pose ilegál ba kilat sira no pose ilegál ba esplozivu sira, no mós kazu omisídiu série nian ba alegadu omisídiu hosi matebian Governadór Orientál Negros nian, Roel Degamo.

Nia mós deklara katak la kontesta kazu finansiamentu terrorizmu nian ne’ebé nia hasoru iha RTC nia QC Branch 77.

Teves Jr ho ema na’in 12 seluk mós hetan dezignasaun hanesan terrorista hosi Konsellu Anti-Terrorizmu, hodi fó razaun ba alegasaun omisídiu no asédiu oioin iha Negros Orientál.

Nia hetan espulsaun hosi Kámara Reprezentante sira iha fulan-Agostu tinan kotuk tanba hahalok dezordenadu no auzénsia persistente.

Jornalista: Juvinal Cabral dos Santos