Hatutan.com, (23 Setembru 2025), Díli- Primeiru-Ministru  Malázia Dato Seri Anwar Ibrahim to’o  ona iha Timor-Leste iha tuku 14:30  Otl simu dirata husi Prezidente Repúblika (PR), José Ramos-Hosta ho Primeiru-Ministru (PM) Xanana Gusmão iha Aeroportu Internasionál Prezidente Nicolau Lobato.

Lee Mós: Timor-Leste Kongratula Malázia Ne’ebé Sei Lidera Prezidénsia ASEAN

PR Ramos-Horta kondus karreta tula PM Anawa Ibrahim ho PM Xanana husi Aeroportu mai Palásiu Prezidensiál, Tersa (23/09/2025). Foto/PNTL

Bainhira Primeiru-Ministru  Malázia Dato Seri Anwar Ibrahim  tuun husi aviaun Airbus ACJ319 hodi sama ain iha Timor-Leste simu parada militár, ne’ebé asiste direta husi membru Governu no  estudante  sira ne’ebé forma iha luron ninin kaer bandeira Timor-Leste no Malázia hodi fó bem-vindu.

Prezidente Repúblika, José Ramos-Horta kondus rasik nia karreta privadu mini Moke lendáriu hodi tula Primeiru Miinistru Dato Seri Anwar Ibrahim   ne’ebé PM Xanana Gusmão mós hamrik akompañia iha karreta nia laran.

Husi aerportu Prezidente Repúblika José Ramos-Horta tula PM  Dato Seri Anwar Ibrahim    ho PM Xanan liu mai bá Palasiu Prezidensiál Ai-tarak Laran.

Primeiru-Ministru  Malázia Dato Seri Anwar Ibrahim iha Timor-Leste sei vizita halo vizita mós  ba Palásiu Governu, no partisipa iha Banquete ofisial iha Salaum Multioso GMN no  Parlamentu Nasionál, nune’e iha loron 24 fulan Setembru sei fila-fali bá Malázia.

 Jornalista: Zita Menezes