Connect with us
Pakote Ahi

Nasionál

EUA Finansia Instalasaun Fasilidade Bee-Moos, Saneamentu no Ijiene

Published

on

Hatutan.com, (27 Janeiru 2022) Dili – Enkarregadu Negósiu Embaixada Estadus Unidus Amerika (EUA) iha Timor-Leste, Tom Daley no Diretora Misaun Ajénsia Dezenvolvimentu Internasionál EUA – USAID, Zema Semunegus ba haree direta fasilidade bee-moos, saneamentu no ijiene (WASH) ne’ebé finansia husi EUA iha Sentru Saúde Venilale, Munisípiu Baucau.

Enkarregadu Negósiu Embaixada EUA iha Timor-Leste, Tom Daley no Diretora Misaun Ajénsia Dezenvolvimentu Internasionál EUA – USAID, Zema Semunegus ba haree direta fasilidade bee-moos, saneamentu no ijiene (WASH) ne’ebé finansia husi EUA. Foto/Media EUA

Komunikadu imprensa ne’ebé Hatutan.com asesu informa, apoiu fundu $500,000 husi Estadus Unidus liu husi USAID, projetu ida-ne’e promove apoiu sira atu hametin Sistema WASH iha sentru saúde komunitária sira iha Timor-Leste ho parseria Ministériu Saúde no UNICEF.

“Realizasaun ida-ne ‘e labele akontese se bainhira laiha parseria ne’ebé di’ak ntre Ministériu Saúde, Ajénsia Estadus Unidus ba Dezenvolvimentu Internasionál, no UNICEF hodi fó apoiu ba komunidade lokál,” Enkarregadu Negósiu Embaixada EUA, Tom Daley hateten.

“Rezultadu husi projetu ne’ e mak ba fornesedór kuidadu saúde sira, pasiente sira, no komunidade sira sei iha posibilidade ne’ebé ki’ik atu hetan moras ka sai moras bainhira sira hala’o tratamentu saúde. Projetu ne ‘e sei permite mós Timor-Leste forte liu tan hodi hapara propagasaun COVID-19.”

Advertisement

“Bee-moos no saneamentu ne’ebé seguru importante tebes atu fornese servisu saúde ho kualidade,” Marcelo Amaral, Diretór Jerál Servisu Korporativu Ministériu Saúde hateten.

“Servisu WASH ne’ebé konfiavel sai hanesan baze importante ba ijiene liman no pesoál ba pasiente no pesoál saúde sira. Ita iha nesesidade boot atu asegura abastesimentu bee ne’ebé sustentável no sentina ne’ebé funsiona di’ak, fasilidade fase liman no sistema jestaun lixu iha ita-nia ospitál no sentru saúde sira. Ida nee so bele alkansa liu husi jestaun responsavel ba fonte bee ne’ebé limitadu no sistema ativu ida ba kuidadu no manutensaun. Ministériu Saúde identifika tiha ona nesesidade krítiku ida-ne ‘e no oras ne’ e daudaun iha hela dalan atu dezenvolve manual operasaun no manutensaun nian sira ba infraestrutura saúde nian sira, inklui instalasaun WASH nian sira no hametin kapasidade funsionáriu sira nian iha operasionalizasaun manuál hirak ne ‘e nian. Ha’ u hato’o ami-nia agradesimentu sinseru ba Governu Estadus Unidus Amérika no UNICEF ba parseria sira ho Ministériu Saúde hodi reforsa “WASH” iha fasilidade kuidadu saúde iha Timor-Leste.”

Iha fulan-Abríl 2020, USAID oferese $500.000 ba UNICEF atu haluan esforsu Timor-Leste nian ba prevensaun no kontrolu infesaun, inklui relasiona ho bee, saneamentu no ijiene, fornesimentu esensiál ijiene, rekolla dadus no análize, no komunikasaun kona-bá risku sira no envolvimentu komunidade nian.

Hadi’ak system WASH sei fó apoiu ba Governu Timor-Leste nia kapasidade atu presta servisu saúde nian sira ho kualidade ba komunidade sira. Hanesan parte husi Estadus Unidus nia resposta ba COVID-19 iha Timor-Leste, USAID anunsia iha fulan-Dezembru 2021 fundus adisionál millaun $1.5 ba UNICEF hodi apoia Timor-Leste nia esforsu ba fornesimentu bee, saneamentu, no esforsu ijiene iha fasilidade saúde, fornesimentu médiku ba resposta COVID-19, no komunikasaun kona-bá risku.

Fasilidade bee-moos. Foto/Media EUA

“Infesaun no kontrolu liuhosi fornesimentu bee-moos, saneamentu, no sistema ijiene iha fasilidade saúde nu’udar komponente esensiál ida hosi prestasaun servisu kuidadu saúde hodi mantein labarik no família sira seguru, maski nune’e, globalmente mundu tomak la hetan atensaun no finansiamentu ne ‘ebé merese,” hatete Bilal Durrani, Reprezentante UNICEF iha Timor-Leste.

“Obrigadu ba apoiu husi USAID, ami bele hadi’a bee-moos iha fasilidade saúde 34 iha munisípiu lima iha Timor-Leste, no asegura katak ema iha asesu ba fasilidade saúde hirak ne ‘e seguru no iha asesu ba bee no sentina. Inisiativa ida ne’ e hanesan modelu ida ne’ebé di’ak tebes ne’ebé bele haluan liu tan hodi garante sustentabilidade bee moos iha fasilidade kuidadu saúde nian sira. ”

Advertisement

Estadus Unidus Amérika servisu hamutuk ho Governu Timor-Leste hahú husi inísiu pandemia ne’e hodi fornese vasina Pfizer doze 100,620, millaun $ 5.9 iha asisténsia krítiku hodi kombate COVID-19. Apoiu Estadus Unidus Amérika nian ne’e nu’udar parte ida husi millaun $250 ne’ebé USAID kontribui ona hodi apoia dezenvolvimentu inkluzivu, dame iha Timor-Leste dezde tinan 2002 ba ita nia parseria longu-prazu.

Jornalista: Vito Salvadór

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

FPCI Apresia Toleránsia Relijiozu iha Timor-Leste Ne’ebé Reflete Fiar no Kultu Moris Povu Nian

Published

on

Hatutan.com, (17 Maiu 2024), Díli- Foreign Policy Community in Indonesia  (FPCI) apresia ho toleránsia relijiozu iha Timor-Leste ne’ebé reflete ho fiar no kultu moris povu nian.

(more…)

Kontinua Le'e

Nasionál

Suku Lequitura Avansa bá Re-eleisaun

Published

on

Hatutan.com, (17 Maiu 2024), Díli – Eleisaun órgaun suku-lima (5) bá segunda volta nian remata ona iha loron 13 fulan-Maiu 2024. Prosesu hotu-hotu la’o normal, maibé iha Suku Lequitura, Munisípiu Aileu, tenke avansa bá re-eleisaun  iha loron 18 fulan-Maiu ne’e tanba kandidatu na’i- rua hetan votu hanesan.

(more…)

Kontinua Le'e

Nasionál

Xanana Hateten Labele Hakfodak ho Índise Liberdade Imprensa Tuun

Published

on

Hatutan.com, (16 Maiu 2024), Díli—Primeiru Ministru (PM), Kay Rrala Xanana Gusmão husu atu keta hakfokdak ho índise liberdade imprensa   Timor-Leste nian tuun hosi pozisaun TOP 10 20 iha nivel mundiál.

(more…)

Kontinua Le'e
Advertisement

Trending