Connect with us
Pakote Ahi

Justisa & Krime

Kazu Eis Diretór Merenda Eskolár, Sasin Haruka Koordena ho Autoridade Lokál

Published

on

Hatutan.com, (09 Marsu 2022), Díli—Tribunál Distritál Díli (TDD), kontinua hala’o julgamentu ba kazu eis-koordenadór merenda eskolár Postu Administrativu Ataúro arguidu Ibrahim Soares, ba krime abuzu konfiansa agravadu no administrasaun danoza relasiona ho konstrusaun armazén foos iha tinan 2018 no motorizada inklui mobiliáriu ne’ebé Ministériu Edukasaun (ME) oferese ba arguidu.

Julgamentu kontinuasaun iha Kuarta loron 09 fulan ne’e, sasin Cipriano Manuel Cabeças ne’ebé iha tempu ne’ebá asumi knaar hanesan Inspetór Eskolár Postu Administrativu Ataúro rekoñese arguidu lori pedidu konstrusaun armajén foos ba sasin, tanba ne’e sasin mós fó rekomendasaun ba arguidu atu koordena ho autoridade lokál hodi deside rai atu halo konstrusaun ba armajén.

Notisia iha Relasaun:Sasin Rekoñese Simu Osan Hosi IRCM Fó ba Eis Diretór Merenda Eskolár

Advertisement

Maibé,  kona-bá inspeksaun ba konstrusaun armajén fos ne’e, nia parte laiha koñesimentu tanba NGO mak fó apoiu hodi halo konstrusaun armajén la’ós hosi Governu.

Hafoin rona sasin, Tribunál adi’a hikas julgamentu ba loron seluk hodi kontinua rona sasin sira seluk. 

Antes ne’e, tuir akuzasaun hosi Ministériu Públiku (MP), katak iha tinan 2014 to’o 2018, arguidu selebra kontratu ho Ministériu Edukasaun (ME) númeru Ref. 248/DNRI—IfNWI/2016 ba pozisaun Koordenadór Merenda Eskolár iha Postu Administrativu Ataúro ho saláriu mensál $221.00.

Tanba ne’e, ME fornese fasilidade ba apoiu serbisu hanesan motór ho marka Honda Mega Pro, matrikula 1012 GA, termu entrega kupon mina, komputadór Desktop I, UPS I, printer HP I, tinta printer unidade 4, surat tahan rim 2 kada periodu trimestrál, armáriu vidru ba arkivu I, armáriu ki’ik ho gaveta l, meza servisu I, kadeira servisu l.

lha fulan-Dezembru 2018, ME hapara kontratu serbisu ba funsionáriu kontratadu hamutuk 273, inklui arguidu liu hosi Ministeriál Nú 14/GMEJD[XlV2018.

Advertisement

Maski nune’e, hahú hosi fulan-Dezembru 2018 to’o fulan-Juñu 2020, arguidu Ia entrega fila fasilidade hirak-ne’e ba ME, maibé arguidu rai nafatin sasán hirak ne’e iha ninia uma.

Alende ne’e, arguidu utiliza komputadór, printer no tinta printer, meza no kadeira serbisu nian hodi imprime matéria ba ninia privadu no família nia interese.

Iha tinan 2018, arguidu hanesan funsionáriu kontratadu ba Ajente Administrasaun Públika, halo proposta konstrusaun armazén merenda eskolár iha Postu Administrativu Ataúro utiliza ME ba iha Rotary Club of Moruya (IRCM) iha Austrália ho apoiu osan dolar Austrália $14.250.00, ekivalente ho dolar amérikanu $10. 241,50.

Rezultadu hosi proposta ne’e, arguidu mak jere rasik hodi harii konstrusaun armazén ho medida naruk metru 12, Iu’an metro 6 no as metru 3 iha arguidu nia pai rasik nia kintál-laran, ho totál osan ne’ebé fundasaun IRCM transfere mai iha testemuña BH nia konta bankária iha ANZ Díli no entrega ba arguidu ho montante $14.250.00, ekivalente ho dolar amérikanu $10.241,50.

Arguidu aproveita oportunidade no konfiansa ne’ebé IRCM fó, tanba funsaun ne’ebé nia okupa iha momentu faktu ne’e akontese no arguidu hatene katak, apoiu osan ho montante $10.241,50 ne’e la’ós pertense ba nia, maibé arguidu jere no utiliza osan ne’e tuir ninia interese hodi fó benefísiu ba nia aan.

Advertisement

Arguidu hatene katak, fasilidade ne’ebé ME entrega ba arguidu liu hosi Diresaun Nasionál Lojístika, tanba funsaun ne’ebé arguidu okupa iha altura ne’ebá nu’udár koordenadór Merenda Eskolár iha Postu Administrativu Ataúro.

Fasilidade hirak ne’e, hetan ona apreensaun hosi Komisaun Anti-Korrupsaun (CAC, sigla portugés), hafoin hetan delegasaun kompeténsia hosi Ministériu Públiku hodi halo investigasaun ba arguidu no ekipamentu hirak ne’e agora CAC entrega ona ba MP.

Ho hahalok arguidu nian, MP akuza arguidu ba pratika krime rua mak hanesan abuzu konfiansa agravadu, administrasaun danoza ne’ebé previstu iha artigu 257, 274 hosi kódigu penál TL.

Audiénsia julgamentu ne’e prezide hosi juiz koletivu Alvaro Maria Freitas, José Gonçalves, Argentino Nunes, MP reprezenta hosi Prokuradór Rogério Viegas no arguidu hetan asisténsia legál hosi advogadu privadu Tomazia Umbelina Magno no Xisto Pedroso.

Carmelita Isaac

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Tribunál Rekursu Absolve António “Kalohan” Hosi Pena Prizaun Tinan-Lima

Published

on

Hatutan.com, (12 Abríl 2024), Díli – Advogadu privadu, Pedro Camões ne’ebé fó asisténsia legal bá arguido António da Conceição ‘Kalohan’, informa  katak iha Kinta, 11 fulan-Abríl 2024, Tribunál Rekursu hasai ona desizaun hodi absolve pena prizaun efetivu tinan-lima (5) bá nia kliente Antonio da Conceição ‘Kalohan’.

(more…)

Kontinua Le'e

Justisa & Krime

Halo Investigasaun Profunda bá Pesoál PCIC Husu Osan bá Oan Mane Fujitivu Teves Jr

Published

on

Hatutan.com, (11 Abríl 2024), Díli– Komisaun B  Parlamentu Nasionál (PN),  ne’ebé trata asuntu Seguransa hein katak parte kompetente tenke halo investigasaun  ida profunda bá bá pesoál membru Polísia Sienteifika Investigasaun Kriminál (PCIC, sigla portugés) ne’ebé mak ho irresponsabilidade halo kobransa ka husu osan bá fujitivu Arnolfo Teves Jr  nian oan hodi fó seguransa bá fujitivu ho nasionalidade Flipina ne’ebé kumpre hela prizaun preventiva iha prizaun Becora, Díli.

(more…)

Kontinua Le'e

Justisa & Krime

PCIC Suspende no Averigua Membru Ne’ebé Deskonfia Husu Osan bá Oan Mane Fujitivu Alnolf Teves Jr

Published

on

Hatutan.com, (09 Abríl 2024), Díli—Polícia Ciêntífica e de Investigação Criminal (PCIC) liu hosi ekipa investigadór sira hahú loke prossesu averiguasaun hasoru membru ho inisiál OdCA ne’ebé deskonfia husu osan bá fujitivu Arnolf Teves Jr nia oan-mane liuhosi gravasaun audio iha média sosiál WhatsApp foin lalais ne’e.

(more…)

Kontinua Le'e
Advertisement

Trending