Connect with us
Pakote Ahi

Justisa & Krime

Investigasaun Bá Kazu José Bernardo Sei Konklui Iha Marsu Nia Rohan

Published

on

Hatutan.com, (27 Marsu 2023), Díli—Investigasaun ba Kazu sidadaun ne’ebé mate iha sela Polísia Nasionál Timor Leste (PNTL) Caicoli, ho naran José Bernardo sei finaliza iha fulan Marsu nia rohan.

Matebian José Bernardo. Foto/Ilustrasaun

Prokuradór Jerál Repúblika (PJR), Alfonso Lopez  hateten, iha momentu ida-ne’e prosesu análize la’o hela besik atu remata ona no informasaun ida-ne’e mai hosi Majistradu Titulár.

Lee Mós: Família Matebian José Bernardo Ezije PCIC Fó-Sai Rezultadu Investigasaun

Tanba ne’e, Alfonso Lopez informa bá públiku katak, fulan Marsu ida-ne’e sei konklui ona iha titulár asaun penál nian no baibain investigasaun ne’e remata sempre iha buat rua maka hanesan akuza ka arkiva.

Advertisement

“Bainhira akuza entaun tenke lori ba Tribunál no iha ne’ebá Tribunál nia kompeténsia sei marka audiénsia ba julgamentu. Ita sempre respeita prinsípiu kontraditóriu no sira nia advogadu. Maibé, kuandu arkiva mós sempre iha reklamasaun no iha ierarkia. Kuandu la simu ho despaixu ida, sempre lei fó dalan,” Alfonso Lopez hateten iha Komandu Unidade Espesiál Polísia (UEP), Bairru-Pité, Segunda (27/03/2023).

Parte Prokuradoria Repúblika mós observa katak, sistema ne’ebé monta iha Ministériu Públiku kapás ona, sistema modernu, kuandu kazu tama sempre liu hosi prosedimentu prosesuál no bainhira iha prosesu investigasaun ne’ebé Ministériu Públiku halo remata ona sempre iha despaixu rua, akuza ka arkiva parsialmente.

Rezumu kronolojia

Sidadaun ho naran José Bernardo de Jesus Soares, tinan 21, hela iha Audian, Kampu Futeból nia sorin ne’ebé mak lakon vida iha Sela Detensaun Komandu Polisia Munisipiu Díli, tama bá detensaun iha 01 Setembru 2022, tanba sai suspeitu bá kazu baku-malu ne’ebé rezulta vítima hetan ofensa integridade grave no baixa iha sela ICU Hospitál Nasionál Guido Valadares (HNGV).

Suspeitu ka vítima mate iha sela detensaun iha tuku 19:0 kalan Otl, ho tali tara iha karokok.

Advertisement

Hafoin mate, polísia munisípiu Díli kontaktu kedan bá família hodi bá haree no akompaña, lori bá mortuáriu HNGV hodi hein desizaun bá autópsia.

Iha momentu kalan ne’ebá, autoridade sira hosi Ministériu Públiku Distritu Díli, PNTL Munisípiu Díli, Komandante PNSIK, PDHJ, Advogadu halo sorumutu hodi define investigasaun tuir ida-idak nia mandatu.

Jornalista : Vito Salvadór  

Advertisement

Justisa & Krime

Tribunál Aplika TIR bá Arguido Nain-Tolu Ameasa Sekretáriu Estadu Toponímia Organizasaun Urbana

Published

on

Hatutan.com, (19 Marsu 2024), Díli – Tribunál Judisiál Primeira Instánsia Díli (TJPID), liuhosi Juis turnu Jumiati Freitas, deside aplika medida koasaun Termu Identidade Rezidénsia ( TIR) bá arguido na’in-tolu ne’ebé ameasa ekipa inspesaun ho  Sekretáriu Estadu Asuntu Toponímia no Organizasaun Urbana (SEATOU) Germano Santa Brites  bainhira atua bola guling iha área Aitarak-Laran, Postu Administrativu Dom Aleixo, Munisípiu Díli, foins lalais ne’e.

(more…)

Kontinua Le'e

Justisa & Krime

Polítiku Sira iha Intensaun Hafraku CAC

Published

on

Hatutan.com, (16 Marsu 2024), Díli—Tinan ida liu ona, partidu polítiku sira ne’ebé asentu iha Parlamentu Nasionál (PN), liuliu partidu FRETILIN ho CNRT dada eleisaun komisáriu foun bá Komisaun Anti Korrupsaun (CAC, sigla portugés) ho razaun seidauk iha konsensu.

(more…)

Kontinua Le'e

Justisa & Krime

Deskonfia Halo Manifestasaun Ilegál, Tribunál Absolve Arguidu Na’in-10

Published

on

Hatutan.com, (12 Marsu 2024), Díli—Tribunál Judisiál Primeira Instánsia Díli (TJPID), deside absolve krime akuzadu bá arguidu na’in-10 ne’eb’e deskonfia halo manifestasaun ilegál hasoru Ministériu Edukasaun (ME), iha edifísiu Vila-verde, Tersa (05/03/2024).

(more…)

Kontinua Le'e

Trending