Connect with us
Pakote Ahi

Justisa & Krime

Kazu Omesídiu UNPAZ, Tribunál La Konsege Rona Arguidu ZC

Published

on

Hatutan.com, (12 Jullu 2022), Díli—Tribunál Distritál Díli (TDD) iha Tersa 12 fulan ne’e, kontinua hala’o julgamentu ba krime omesídiu agravadu ne’ebé deskonfia involve arguidu na’in 18, tanba oho no so’e vitima Henrique Soares iha Arredór Universidade da Paz (UNPAZ).

Kampus Universidade da Paz (UNPAZ). Foto/Média UNPAZ.

Arguidu na’in 18 mak hanesan FP, FT, DIC, FC, QB, SP, JL, JP, AV, LS, JS, JS, DP, LS, ZC, GP, NI no JC.

Lee Mós: Kazu Omisídiu UNPAZ, Arguida Laiha Koñesimentu Kona-bá Vítima Nia Mate

Tuir ajenda TDD katak, iha oras tuku 9:00 dadeer sei rona arguidu ZC nia depoitementu kona-bá ninia involvimentu no koñesimentu iha kazu refere, maibé Tribunál seidauk bele rona arguidu ho razaun MP ne’ebé reprezenta hosi Prokuradór Matias Soares la marka prezensa ka auzénsia.

Advertisement

Tanba ne’e Tribunál liu hosi juiz kolektivu José Gonçalves, Argentino Nunes, Alvaro Maria Freitas deside adi’a hikas julgamentu ba loron 18 fulan ne’e, hodi kontinua rona arguidu sira.

Antes ne’e, tuir akuzasaun hosi Ministériu Públiku (MP) katak, iha loron 20 fulan juñu 2020, vitima hamutuk ho arguidu sira halibur-malu iha JS nia uma hodi so’e osan hamutuk hodi ko’alia arguidu JS nia inan nia barlake tanba mesak familia de’it hanesan tiun, subriñu no primu de’it.

Maibé, totál osan refere la atinji montante ne’ebé sira atu lori no komesa mosu diskusaun entre arguidu JS ho arguidu JC tanba arguidu JC soe osan $250 dollar, nune’e vitima Henrique Maia Soares ko’alia “ha’u mak servisu hanesan o ne’e, ha’u la tau hanesan ne’e. Nune’e, arguidu JC ko’alia ba arguidu sira seluk no testemuñ sira dehan “o labarik ida, hanesan o ne’e, bele ko’alia fali mai ha’u ho idade tanba ne’e nia sai ba liur hodi dehan ha’u tun mai mak ha’u halo buat ida, hatudu ba o nia maun sira haree”.

Arguidu JC ho nia kaben A sai hosi fatin so’e osan fila ba uma no to’o iha kios arguidu sosa serveza lata haat hodi kontinua ko’alia ba nia fen A dehan “o uluk ona ba, ha’u sa’e leten oras ida nia laran, ha’u tun fali mai mak ha’u halo buat ida hatudu ba o nia maun sira haree, maibé Hermengido Soares ko’alia ba arguidu katak la’ós hanesan ne’e, buat ida bolu maun alin ne’e, se o laiha la obriga no arguidu sa’e nia motór hodi fila ba uma.

Hermengildo Soares kontinua hein arguidu JC kuaze oras rua nia laran hodi buka hatene saida maka atu akontese, maibe haree arguidu FP ba bolu vitima Henrique Maia Soares hodi sa’e vitima nia motorizada no vitima mak kondus ba diresaun kampuz UNPAZ no liu tiha tempu balun, arguidu FP ho vitima ba fali sira nia Bairru.

Advertisement

Bainhira sira na’in-rua to’o iha dalan kurva entre arguidu JS no JP nia uma oin, vitima para motor no arguidu JP hadau vitima nia xave no arguidu sira seluk hamrik hale’u iha vitima nia kotuk diskute-malu ho vitima kuaze minute 30 no Hermengildo Soares haree arguidu JC aperta vitima nia kakorok no arguidu SP rasta vitima tama ba arguida JS nia uma laran no arguidu sira hanesan JC, SP, FC, JL, LSX, DP, LSM, hamutuk ho arguidu sira seluk, lori besi ida no martelu ida baku mate vitima hanesan provas besi kanu ne’ebé iha ran.

Bainhira vitima mate ona, arguidu JL no arguidu SP sae motorizada Honda Beat, halai uluk no arguidu NI konduz vitima nia motor no arguidu AV kous vitima iha ninia hiti leten tuur iha kotuk, halai iha klaran no arguidu JS no arguidu FT halai hosi kotuk ba so’e vitima iha resintu UNPAZ.

Depois soe tiha vitima, arguidu sira fila ba uma hodi rai hela motor iha sira nia uma no vitima nia motorizada para hela iha UNPAZ no arguidu sira fila fali ba UNPAZ hodi ba haree vítima nia mate-isin no sira komesa halo barullu no dehan katak estudante UNPAZ mak oho vítima nune’e arguidu sira komesa tuda estudante UNPAZ ne’ebé halo hela estájiu iha fatin so’e vitima nia mate-isin.

Antes so’e vitima nia mate-isin, arguidu sira futu lia ho seguransa UNPAZ arguidu QB hodi taka lampu boot iha arredór UNPAZ nian halo nakukun nune’e fásil so’e vítima nia isin-mate ne’ebé iha momentu ne’ebá vitima nia ran nakonu iha arguidu AV nia faru.

Tanba ne’e, MP akuza arguidu sira ba pratika krime omesídiu agravadu ne’ebé previstu iha artigu 139 hosi kódigu penál Timor-Leste.

Advertisement

Audiénsia julgamentu prezide hosi juiz kolektivu José Gonçalves, Argentino Nunes, Alvaro Maria Freitas no MP reprezenta hosi Prokuradór Matias Soares, arguidu sira hetan asisténsia legál hosi Defensór Públiku Fernando no Advogada Privada Adelina Lobo, Virna Carvalho no Manuel Tilman.

Jornalista: Carmelita Isaac

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Xanana Enkoraza PCIC Servisu Onestu no Profisionál, Koopera ho PNTL-SNI

Published

on

Hatutan.com, (14 Maiu 2024), Díli Primeiru-Ministru (PM), Kay Rala Xanana Gusmão husu bá instituisaun Polísia Sientífika Investigasaun Kriminál (PCIC, sigla portugés) atu servisu ho onestu no profisionál.

(more…)

Kontinua Le'e

Justisa & Krime

Reforma Estrutura Lei Ne’ebé La Kompativel Bá PCIC no Iha Ona Relatóriu Reforma Justisa

Published

on

Hatutan.com, (14 Maiu 2024), Díli-Iha serimónia pose bá membru IX Governu Konstitusionál nian, Sábadu 01 fulan-Jullu 2023, Primeiru Ministru, Kay Rala Xanana Gusmão  deklara no kompromete halo re-estruturasaun bá Polísia Sientífika Investigasaun Kriminál (PCIC,sigla portugés) tanba la hatudu liu integridade no profisionalizmu.

(more…)

Kontinua Le'e

Justisa & Krime

Candice Teves Husu Estadu TL Salva Nia Kaben Fujitivu Arnolf Teves

Published

on

Hatutan.com, (12 Maiu 2024), DíliCandice Teves husu Estadu Timor-Leste (TL) atu salva nia kaben Fujitivu Arnolf Teves Jr hodi aseita no aprova pedidu aziliu politiku ne’ebé fujitivu ne’e husu.

(more…)

Kontinua Le'e
Advertisement

Trending