Connect with us
Pakote Ahi

Nasionál

Governu Aloka Millaun $1,6 Bá Festa 20 Maiu

Published

on

Hatutan.com, (25 Abríl 2022), Díli- Governu liuhusi Ministériu Administrasaun Estatál (MAE) aloka millaun $1,6 bá  preparativus no serimónia selebrasaun loron restaurasaun independénsia ba dala-XX (20 Maiu 2002-2022), inklui toma pose ba Prezidente Repúblika eleitu, José Manuel Ramos-Horta ne’ebé sei konsentra iha Tasitolu, Díli.

Lee Mós : Governu Aloka $430,000 Bá Preparasaun Terrenu Festa 20 Maiu iha Tasitolu

Preparasaun bá serimonia 20 Maiu iha Tasitolu, Díli. Foto/Hatutan.com

Ministru Administrasaun Estatál nu’udár mós Prezidente komisaun organizadora, Miguel Pereira de Carvalho, informa, komisaun organizadora simu ona karta pedidu husi ekipa prezidente eleitu ne’ebé halo pedidu hodi husu ba komisaun organizadora atu servisu hamutuk ho ekipa tranzisaun, hodi nune’e, bele hetan autorizasaun informasaun sira hodi bele informa ba prezidente eleitu no konteúdu seluk husi karta ne’ebé prezidente eleitu manda ne’e mós informa kona-bá membru sira ne’ebé prezidente eleitu husu atu komisaun organizadora halo nomeasaun hodi sira bele tama hotu iha komisaun organizadora.

“Hanesan prezidente komisaun organizadora ha’u ona karta ida para atu integra ekipa tranzisaun husi prezidente eleitu iha komisaun organizadora, hodi nune’e, ami hamutuk diskute preparativus sira bá tomada de posse no mós serimónia hasa’e Bandeira nu’udár komemorasaun tinan 20 restaurasaun independénsia Timor-Leste,” Miguel Pereira de Carvalho, informa ba jornalista sira hafoin hasoru malu ho Prezidente Repúblika iha Palásiu Prezidensiál, Díli, Segunda (25/04/2022).

Advertisement

Komisaun organizadora preparadu no sei garante atu preparativus sira tenke termina molok loron 19 fulan-Maiu 2022, tamba preparasaun ba fatin tomada  posse iha Tasitolu hahú dezde fulan ida bá kotuk.

“Konvidadu sira hanesan bai-bain Xefe Estadu sei konvida nia omólogu sira, Xefe Governu mós nune’e inklui mós ho Prezidente Parlamentu Nasionál sei konvida mós nia omologu sira no ne’e kabe ba kompeténsia gabinete órgaun soberanu nian,” Miguel Pereira hateten.

Selebrasaun loron restaurasaun independénsia no tomada  posse ba prezidente eleitu tinan ne’e, Governu prevee orsamentu  millaun $1,6. Kustu ida-ne’e, tuir Ministru Miguel Pereira, ki’ik liu kompara ho montante orsamentu ba tomada  posse PR eleitu iha 20212 no 2017 ne’ebé iha momentu ne’ebá Governu prevee orsamentu kuaze millaun $6.

Serimónia 20 Maiu iha kada munisípiu Governu prevee orsamentu ho despeza media ne’ebé ho montante $10,000.00 ba kada munisípiu hodi bele hala’o serimónia hasa’e Bandeira.

Hanesan komisaun organizadora ba eventu tomada de posse no selebrasaun restaurasaun independénsia Timor leste ba dala-XX,  Ministru Miguel Pereira, ko’alia ho Prezidente Repúblika (PR) relasiona ho planu no servisu sira ne’ebé komisaun halo iha terrenu liuliu preparativus iha terrenu no akomodasaun durante selebrasaun sira ne’ebé sei involve mós bainaka husi nasaun estranjeiru.

Advertisement

Lee Mós : Kompañia Jonize Rehabilita Estrada Kuaze Metru 680 Hosi Tasi-Tolu To’o Raikotu

Jornalista: Vito Salvador

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Prezidente Repúblika Sei Asiste Asinatura Ofisializasaun TL bá OMK

Published

on

Hatutan.com, (24 Fevereiru 2024), Díli- Prezidente Repúblika (PR), José Ramos-Horta,  halo viajen bá Emiradu Arabes Unidus (EAU) hodi partisipa iha asinatura tratadu fornalizasaun Timor-Leste nian bá Organizasaun Mundiál Komérsiu (OMK) no kontinua vizita estadu dahuluk ba Laos hodi hametin liután kooperasaun bilaterál entre país amigu rua.

(more…)

Kontinua Le'e

Nasionál

PM Xanana La iha Informasaun kona-bá SEKOMS “Hatama” Funsionáriu Kazuál 109

Published

on

Hatutan.com, (22 Fevereiru 2024), Díli—Primeiru-Ministru (PM), Kay Rala Xanana Gusmão seidauk iha informasaun kona-bá Sekretaria Estadu Komunikasaun Sosiál (SEKOMS) “hatama” de’it funsionáriu kazuál 109 laliu hosi rekrutamentu normal tuir regra funsaun públiku nian.

(more…)

Kontinua Le'e

Nasionál

Repúblika Ejitu Hakarak Apoia Dezenvolve Timor-Leste iha Setór Importante Haat

Published

on

Hatutan.com, (21 Fevereiru 2024), Díli– Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy, afirma Governu Ejitu nia  hakarak  apoia dezenvolve Timor-Leste iha  setór importante haat.

(more…)

Kontinua Le'e
Advertisement

Trending