Díli- Empreza Red Star liuhusi Lotaria Grand Dragon, Kuarta, 27 fulan-Abríl 2022) oferese prémiu motór ho marka Yamaha Mio 125 M3 ba Mário Freitas Alves ne’ebé durante ne’e sai hanesan kliente bá Lotaria Grand Dragon.

Mário Freitas Alves manan prémiu motór husi Empreza Red Star liuhusi Lotaria Grand Dragon

Prémiu bá manan na’in ne’ebé empreza Red Star oferese bá Mário Freitas Alves iha edifísiu Lotaria Grand Dragon, Pantai Kelapa, Díli, entrega direita husi Xefe Inspesaun Geral do Jogu (IGJ), Dolores  Martins.

Hafoin entrega premiu, reprezentante IGJ, Ivonio de Jesus, bá jornalista sira hateten, nia parte marka prezensa iha ne’e hodi reprezenta Inspetór Jerál ba Jogu nian bazeia ba karta pedidu husi Lotaria Grand Dragon atu ekipa ida husi IGJ mai oferese premiu bá kliente ne’ebé sai nu’udár manan na’in ba prémiu motorizada ne’ebé empreza prepara.

Manan na’in bá prémiu husi Lotaria Grand Dragon, Mário Freitas Alves, kontente tamba bele hetan prémiu ne’e no husu obrigadu bá empreza tamba bele oferese prémiu ne’ebé fantástiku ba nia kliente ka sosa na’in sira.

Reprezentante husi IGT entrega prémiu ba Mário Freitas

“Sente kontente ho prémiu ne’e tamba ida ne’e hanesan bonus bá ami sosa na’in sira,” Mário Freitas Alves hateten.

Mário  hetan premiu ne’e tamba durante ne’e sempre sosa númeru (Kupon) Lotari Grand Dragon nian ho valor liu husi dólar 10 no tuir promesa ne’ebé empreza Red Star iha ho nia kliente sira katak empreza sei oferese kupon ho númeru sortieu bá kliente sira no uainhira kliente ka sosa na’in nia númeru sorteiu ne’e hetan sorte (loteria) iha direitu ba premiu motorizada ida husi empreza.

“Empreza lotaria iha Timor barak, maibé Lotaria Grand Dragon di’ak liu tamba oferese bonus,” Mário Freitas Alves hateten. *REMATA*