Connect with us
Pakote Ahi

Nasionál

Papa Francisco Nomea Dom Virgílio Kardeál Dahuluk Uma Kreda Timor-Leste

Published

on

Hatutan.com, (29 Maiu 2022), Díli—Papa Francisco, Domingu (29/05/2022), ofisialmente nomea no fó sai naran Kardeál bá Santa Kreda hamutuk na’in-21.

Dom Virgílio do Carmo da Silva, SDB. Foto/Hatutan.com

Entre kardeál foun hirak-ne’e, ida mak  Arsebispu  Arkidioseze Metropolitana  Díli, Dom Virgílio do Carmo da Silva, SDB ne’ebé sai Kardeál dahuluk Uma Kreda Timor-Leste nian.

Komunikadu imprensa ne’ebé Hatutan.com asesu husi pájina Salesiano de Dom Bosco Timor-Leste     relata katak Dom Virgílio hetan nomeasaun sai bispu iha Janeiru 2016 no partisipa iha Sínodu ne’ebé dedika ba joven sira iha tinan 2018. 

Iha tinan 2019, Papa Francisco nomea Dom Virgílio sai Arsebispu bá Arkidioseze Metropolitana  Díli.

Advertisement

Consistorio bá kriasaun Kardeál foun sira nian sei realiza iha loron Sabádu, 27 fulan-Agostu 2022. Sira reprezenta Uma Kreda iha mundu ne’e no reflete kultura tomak ne’ebé eziste iha mundu ho ninia variedade tomak, kontestu no ministériu pastoral sira.

Tuir planu, Papa Francisco sei realiza enkontru ho kardeál sira hotu iha loron 29 no loron 30 fulan-Agostu 2022 atu reflete kona-bá Konstituisaun foun bá Cúria Roma nian, Servisu Sentral Governu Igreja Katólika nian, nu’udar projetu sentrál Papa atuál nian.

Konstituisaun Apostólika Praedicate Evangelium” (Haklaken Evangellu, ne’ebé publika iha loron 19 fulan-Marsu tinan ne’e, Papa Francisco sujere Cúria ida ne’ebé fó atensaun maka’as bá Uma Kreda ninia moris iha Mundu no iha sosiedade, rejeita atensaun espesiál bá jestaun interna asuntu Vatikanu nian.

Nune’e, iha Regina Coeli bá loron ohin (29  Maiu); Papa Francisco hateten “Ita reza atu Kardeál foun sira tulun ha’u iha ha’u nia missaun nu’udár Bispu Roma nian bá povu tomak Maromak nian.”

Koléjiu tomak Kardeál dadauk ne’e konsiste 208 Kardeál, husi sira 117 mak nu’udár Kardeál eleitór sira no 91 la’ós eleitór.

Advertisement

Iha loron 27 fulan-Agostu ne’ebé mai númeru Kardeál sira nian sei sa’e ba 229 Kardeál, no husi sira 131 mak sai nu’udár Kardeál eleitór.

Husi Kardeál foun sira ne’e; na’in-8 husi Europa,  na’in-6 husi Asia, na’in-2 husi Afrika,  na’in-ida (1) husi Amérika Norte, 4 husi Amérika Sentral no Latin Amérika.

Tuir mai Kardeál foun sira ne’ebé Papa Francisco nomea:

Kardeál Eleitór Foun (tuir orden Kriasaun nian)

  1. Arthur Roche (Inglaterra), prefeitu da Congregação para o Culto Divino e a Disciplina dos Sacramentos (Santa Sé)
  2. Lazzaro You Heung sik (Coreia do Sul), prefeitu da Congregação para o Clero (Santa Sé)
  3. Fernando Vérgez Alzaga (Espanha), presidente da Comissão Pontifícia para o Estado da Cidade do Vaticano e presidente do Goveratorado do Estado da Cidade do Vaticano
  4. Jean-Marc Aveline (França), arcebispo de Marselha
  5. Peter Okpaleke (Nigéria), bispo de Ekwulobia
  6. Leonardo Ulrich Steiner (Brasil), arcebispo de Manaus
  7. Filipe Neri António Sebastião do Rosário Ferrão (Índia), arcebispo de Goa e Damão
  8. Mons. Robert Walter McElroy (EUA), bispo de San Diego
  9. Virgílio do Carmo da Silva (Timor-Leste), arcebispo de Díli
  10. Oscar Cantoni (Itália), bispo de Como
  11. Anthony Poola (Índia), bispo de Hyderabad
  12. Paulo Cezar Costa (Brasil), arcebispo de Brasília
  13. Richard Kuuia Baawobr (Gana), bispo de Wa
  14. William Goh Seng Chye (Singapura), arcebispo de Singapura
  15. Adalberto Martínez Flores (Paraguai), arcebispo de Assunção
  16. Giorgio Marengo (Itália), prefeito apostólico de Ulaanbaatar (Mongólia).

Cardeal sira nebe nia otas liu 80

  1. Jorge Enrique Jiménez Carvajal (Colômbia), arcebispo emérito de Cartagena
  2. Lucas Van Looy (Bélgica), arcebispo emérito de Gent
  3. Mons. Arrigo Miglio(Itália), arcebispo emérito de Cagliari

Padre Gianfranco Ghirlanda, sj, (Itália), professor de Teologia

Mons. Fortunato Frezza (Itália), cónego de São Pedro

Advertisement

Iha loron 27 fulan-Agostu mai, Timor-Leste, Paraguai, Singapura no Mongolia sei iha reprezentante iha Koléjiu Kardeál sira nian hodi tulun Amu Papa Francisco tau matan bá Kreda iha mundu tomak.

Jornalista : Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Konstrusaun Altar Misa ho Papa Francisco Atinje 80%, Sekretariadu Komisaun Altu Nível iha Motael

Published

on

Hatutan.com, (19 Abríl 2024), Díli—Projetu konstrusaun altar misa hamutuk ho Papa Francisco iha Tasi-tolu, oras ne’e daudaun atinje ona 80%.

(more…)

Kontinua Le'e

Nasionál

KSTL Organiza Asaun Pasífiku Ezije Governu Hasa’e Saláriu Mínimu $115 bá $150

Published

on

Hatutan.com, (19 Abríl 2024), Díli – Konfederasaun Sindikatu Timor-Leste (KSTL) organiza asaun pasifika  da-uluk iha Díli  hodi  ezije Governu hasa’e saláriu mínimu  $115 bá  $150.

(more…)

Kontinua Le'e

Nasionál

Kandidatu Na’in-41 Sei Kompete iha Eleisaun Suku 10

Published

on

Hatutan.com, (18 Abríl 2024), Díli—Totál kandidau ne’ebé admitidu bé 𝐄𝐥𝐞𝐢𝐬𝐚𝐮𝐧 𝐎𝐫𝐠𝐚𝐮𝐧 𝐒𝐮𝐤𝐮 𝟐𝟎𝟐𝟒, ne’ebé sei realiza iha loron 27 fulan abril tinan ne’e hamutuk na’in-41, kompostu hosi 𝐌𝐚𝐧𝐞-𝟑𝟗 𝐧𝐨 𝐅𝐞𝐭𝐨-𝟐.

(more…)

Kontinua Le'e
Advertisement

Trending