Connect with us
Pakote Ahi

Desportu

Ramos-Horta Konsidera Vizita Trofeu Kopa Mundiál Nu’udár Diplomasia Bá Pás

Published

on

Hatutan.com, (11 Juñu 2022), Díli- Prezidente Reúblika (PR), José Manuel Ramos-Horta, hateten eventu vizita trofeu kopa mundiál mai Timor-Leste atu hametin diplomasia entre pais sira hadomi futebol tamba liu husi futebol ema bele hametin diplomasia bá pás.

Prezidente Repúblika, José Manuel Ramos-Horta ho futebolista lendáriu husi Fransa, Cristian Lali Karambeu, hi’it trofeu kopa mundiál bainhira vizita Timor-Leste, Sábadu (11/06/2022). Foto/Mídia GPR

Ramos-Horta bá Jornalista sira hafoin simu trofeu kopa mundiál iha Palásiu Prezidensiál, Díli, Sábadu (11/06/2022), hateten loron di’ak tebes bá Timor-Leste tamba ho trofeu ne’e hatudu diplomasia, desportu mós promove pás ne’e dunik parabéns bá Timor-Leste bá Federasaun Futebol Timor Leste (FFTL) ne’ebé organiza vizita trofeu kopa mundiál hamutuk ho delegasaun ka reprezentante FIFA nian mai Timor-Leste.

“Ne’e hanesan loron boot no loron di’ak bá ita hotu tamba ho vizita ne’e tau Timor-Leste iha mapa liu husi diplomasia futebol,” Ramos-Horta hateten.

Xefe Estadu  kontente no momentu ne’e espesiál tebes tamba bele reprezenta povu no adeptus hadomi futebol sira hodi hit ka kaer direita trofeu kopa mundiál ne’e rasik.

Advertisement

“ Trofeu ne’e hanesan buat ida espesiál, so Xefe Estadu de’it mak bele kaer ne’e simboliku tebtebes.” Horta sublina.

 Vizita trofeu kopa mundiál importante tebetebes tamba hanesan publiku hotu hatene no rona  oinsa FIFA iha kompromisu boot atu tulun Timor-Leste liuhusi FFTL hodi harii estádiu ida ho estandar internasionál, atu nune’e, Timor-Leste mós bele halo kompetisaun internasional iha nia rai rasik.

Iha parte seluk, Sekretáriu Estadu Juventude no Desporto (SEJD), Abrão Saldanha hateten, ida-ne’e esperiénsia primeira vez iha istoria Timor-Leste nian hetan vizita husi trofeu kopa mundiál.

Nia hateten, fofoun halo negosiasaun ne’e FIFA ladún iha konfiansa atu Timor-Leste bele organiza eventu ne’e tamba Timor-Leste laiha fabrika Cocacola no kestaun seluk mak siguransa, maibé liu husi negosiasaun ne’ebé klean ikus mai trofeu ne’e too dunik Timor-Leste no delegasaun FIFA ne’ebé akompanha sente orgullu tamba situasaun hotu lao diak no seguru.

“Ida ne’e bele inspira liután ita-nia espíritu ba dezenvolve futeból iha ita-nia rain no ita hahú tiha ona ho buat barak nune’e ita hamutuk ho FIFA bele kontinua dezenvolve di’ak liután futeból iha ita-nia rain,” Abrão Saldanha hateten.

Advertisement

Sekretáriu estadu ne’e subliña Governu Timor Leste husu partisipasaun FIFA iha Timor-Leste hodi estandardiza estádiu munisipál Díli, atu nune’e, neineik bá oin timoroan bele realiza nia mehi atu lori jogu internasional no rejionál sira mai iha Timor-Leste.

Trofeu kopa mundiál ne’e tun iha aeroportu internasional Nicolau Lobato iha tuku 8:56 Otl ho aviaun espesiál FIFA nian marka N982RW.

Hafoin tun iha Aeroportu Internasionál Prezidente Nicolau Lobato, Comoro, Díli, kontinua  bá Palasiu Prezidensiál no ikus liu hodi bá iha Estádiu Munisipál Díli no iha estádiu lendáriu futebolista husi Fransa, Cristian Lali Karambeu, lori trofeu hale’u estádiu hodi demonstra bá adeptu futeból Timor-Leste ne’ebé hetan oportunidade atu haree direita trofeu ne’e.

Molok trofeu ne’e fila hikas hodi bá vizita nasaun seluk, jogadór lendáriu Fransa Cristian Lali Karambeu halo mos demonstrasaun hamutuk ho jogadór juvenil sira iha estádiu laran hodi anima no motiva ema hotu ne’ebé partisipa direita hodi hare trofeu kopa mundiál iha estádiu munisipál Dili.

Oras 6 iha Díli, “Uma-Na’in” Gasta $40.000

Advertisement

Diretór AJAR, Jose Luis Oliveira. Foto/Espesiál

Prezensa trofeu kopa mundiál iha Díli “obriga” Governu liuhusi SEJD hamutuk ho FFTL tenke hasai osan ho valor $40.000 atu organiza no halo preparasaun bá simu trofeu ne’e.  Ho nune’e, hetan kritika oioin husi ema oioin.

Liuhusi sira ida-idak nia konta Facebook sira espresa sira-nia lamentasaun no kritika hasoru SEJD ho FFTL tanba situasaun ekonomia Timor-Leste ida susar tebetebes no povu moris susar liu tan iha tinan sira ikus-ne’e, tuir loos osan ho montante $40.000 ne’e bele halo netik buat ruma bá povu iha situasaun ida difisil tebetebes ne’e.

José Luis de Oliveira, nu’udár ema ne’ebé hadomi futeból no hanesan mós Diretór AJAR (Asia Justice and Rights) espresa nia kritika iha nia konta Facebook hodi dehan, nia admiradu tebes ho vizita trofeu mundiál ne’e mai Timor-Leste hanesan uma-na’in tenke gasta fali osan to’o $40.000.

“Naun-medigas ita atu “adora” fali trofeu ne’e? Lori mai vizita no uma-na’in tenke gasta fali osan to’o $40.000 hanesan loos estátua Nossa Señora tama-sai uma no uma-na’in tenke halo despeza bá bainaka?,” José Luis de Oliveira hakerek iha nia konta Facebook.

Nia mós aprezenta duvida hodi dehan, serake FIFA no sponsor Coca Cola laiha osan atu finansia vizita ne’e? Serake modelu gasta subsídiu annual FIFA $1.000.000 bá FFTL hanesan ne’e mak dezenvolve futeból TL? To’o ona fulan-Juñu 2022 jogu liga futeból de’it seidauk komesa?

 Jornalista: Vito Salvador

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Trending