Connect with us
Pakote Ahi

Justisa & Krime

Traballadora Na’in-hitu “Abandona” iha Abudabi

Published

on

Hatutan.com, (23 Juñu 2022), Díli-Daudaun ne’e traballadora timoroan na’in-hitu (7) “abandona” ka “terlantar” hela iha sidade Abudabi, Uniaun Emiradu Árabe nian.

Lee Mós : Deskonfia Envolve iha Krime Tráfiku Umanu, PCIC Detein Autór Na’in-tolu

Kampaña kona-bá hapara krime trafíku umanu. Foto/Ilustrasaun husi Google

Inan-feton timoroan na’in-hitu ne’e sai husi Timor-Leste bá Uniaun Ermiradu Árabe ho objetivu bá serbisu, ne’ebé maka fasilita husi ajénsia nasionál balun iha Díli.

Durante ne’e, Ajénsia sira iha Díli ne’e maka fó no fasilita formasaun lingua Ingles bá timoroan sira ne’ebé ho objetivu atu bá serbisu iha  Uniaun Emiradu Árabe. Mas, realidade balun akontese oin-seluk bá inan-feton na’in-hitu ne’ebé moris “terus” iha Abudabi.

Advertisement

Liuhusi keixa ne’ebé mak parte família sira iha Timor-Leste  submete bá iha autoridade kompetente sira hodi halo investigasaun bá ajénsia sira-ne’e, Kuarta (22/06/2022), Policia Ciêntífica de Investigação Criminál (PCIC) kumpre mandadu buska, apreendasuna no detensaun husi Tribunál Distritál Díli (TDD) hodi detein ona  suspeitu sira ho inisiál MV, JG no HdS.

Durante ne’e, suspeitu sira envolve an ka serbisu hamutuk ho timoroan sira seluk iha ajénsia privada ida iha Díli. Atividade ne’ebé sira halo maka fasilita formasaun lingua Ingleza bá timoroan sira, no haruka ba serbisu iha nasaun estranjeiru.

Hosi prosesu ida-ne’e, iha fulan-Abríl 2022, parte ajénsia sira ne’e konsege haruka juventude timoroan sira lubun ida mak bá ona estranjeiru atu serbisu. infelizmente, inan-feton timoroan na’in-hitu  (7) ne’ebé mak sai vítima ona tanba daudaun ne’e la hetan serbisu iha Abudabi no sira-nia moris “abandonadu”.

Adjuntu PCIC, Adino Nunes Cabral, hateten, ajénsia ida ne’ebé suspeitu sira serbisu bá, iha ninia rede ne’ebé boot ho krime transnasionál.

Ajénsia ne’e iha Timor-Leste, sira halo komunikasaun fali ho ajénsia sira seluk iha Indonézia, hafoin komunika tutan ba ajénsia sira seluk iha Abudabi hodi haruka timoroan sira ba rai-li’ur.

Advertisement

“PCIC identifika hotu kedas, ajénsia Indonézia nia enderesu iha ne’ebé, sé mak na’in, PCIC identifika hotu kedas, no ajénsia Indonézia mak halo komunikasaun ho ajénsia balu iha Abudabi. Entaun, lori ita-nia Timoroan iha na’in-hitu (7) mesak feto de’it, no agora daudaun vítima sira iha hela Abudabi,” Adjuntu diretór PCIC, Adino Nunes Cabral, hateten bá jornalista sira, liuhosi konferénsia imprensa iha Kuartél PCIC, Caicoli, Díli.

La’ós ne’e de’it, tuir informasaun adisionál ne’ebé PCIC asesu katak, iha mane timoroan na’in-tolu tán mak sai mós vítima bá aktu ida-ne’e iha Malázia ho ilegalmente, liuhosi oknum ajénsia sira ne’e.

Hatán kona-bá prosesu oinsá mak PCIC bele halo hodi lori fila vítima sira ne’e mai TL, Adino Nunes Cabral dehan, sira tenta hela atu halo komunikasaun liuhosi MCP, Interpol Dili, ho MCB Abudabi, atu bele lokaliza ka buka hatene vítima sira.

Maske nune’e, atu deporta vítima sira ne’e fila mai sira nia nasaun orijen, Estadu no Governu TL, Ministériu Negósiu Negósiu Estranjeiru no Kooperasaun (MNEK), liuhosi kanál diplomátika, atu bele halo komunikasaun ho Governu ka autoridade sira iha Abudabi, nune’e bele lori fila timoroan sira ne’e.

Prosesu Kona-bá Kapturasaun Bá Suspeitu Sira 

Advertisement

Adjuntu diretór PCIC, Adino Nunes Cabral, informa, prosesu kapturasaun ida ne’e, inisia hosi PCIC nia servisu pikéte ho servisu sira informasaun polisiál nian.

PCIC simu informasaun katak, iha indikasaun ba “tráfico de pessoas e venda das pessoas” no krime organizadu.

“Familia vítima sira mai halo keixa iha PCIC servisu pikéte ho ita-nia informasaun polisiál, ita rekolla informasaun, ita remete autu-notisia bá Ministériu Públiku, hodi solisita mandadu detensaun bá Tribunál, para atu halo detensaun bá suspeitu sira, ho indikasaun krime ne’ebé mak ohin ha’u mensiona ba ita-boot sira,” Adino Nunes Cabral informa.

Bazeia ba prosesu autu-notísia ne’ebé PCIC submete, parte TDD hatún “mandado de busca domiciliária e apreensão” bá PCIC, ho Númeru Único Críme (NUC), 0248/22/PCIC.

Konteúdu mandadu hosi TDD ne’e haktuir katak, halo detensaun no investigasaun ba suspeitu sira, tanba deskonfia envolve iha krime tráfiku umanu no asosiasaun kriminoza, ne’ebé mak previstu no punidu iha artigu 163, númeru 1, Alinea (d) ho (e), iha Lei Kódigu Penál Timor-Leste.

Advertisement

Hatán kona-bá ajénsia ne’ebé komete daudaun krime tráfiku umanu ne’e, rejista ka lae, Adjuntu diretór PCIC ne’e dehan, labele anunsia bá públiku, tanba sei iha segredu justisa, oras ida investigasaun mak bele deskobre.

Prosesu kontinuasaun ba autór sira ne’e, hafoin kumpre oras 72 iha sela detensaun PCIC, sei aprezenta suspeitu sira bá tuir prosesu primeiru interrogatóriu judisiál iha TDD hodi aplika medida koasaun.

Oras ne’e PCIC hala’o hela ninia akompañamentu bá prosesu sira rekrutamentu nian mak hala’o hosi ajénsia sira hotu no sidadaun sé de’it iha TL, hodi haruka timoroan sira ba serbisu iha estranjeiru.

Tuir dadus, iha 2021 PCIC rejista kazu tráfiku umanu hamutuk tolu, no 2022 foin mak rejista kazu ida.

Jornalista: Rogério Pereira Cárceres     

Advertisement

 

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e

Justisa & Krime

PTR Deolindo Deklara TR La Pronunsia Kazu Konkretu Ruma iha Fiskalizasaun Abstrata Nia Laran

Published

on

Hatutan.com, (23 Fevereiru 2024), Díli- Prezidente Tribunál Rekursu (PTR), Deolindo dos Santos deklara, Tribunál Rekursu (TR) la pronunsia kazu konkretu ruma iha fiskalizasaun abstrata nia laran, maibé halo apresiasaun de’it ba pedidu husi 1/5 (um quinto) deputadu Parlamentu Nasionál ba artigu sira ne’ebé deputadu sira dehan kontra Konstituisaun RDTL.

(more…)

Kontinua Le'e
Advertisement

Trending