Connect with us
Pakote Ahi

Saúde

Povu EUA Apoia Tan ICU Movel Ida Mai Timor-Leste

Published

on

Hatutan.com, (24 Juñu 2022), Díli- Estadus Unidus Amérika (EUA) apoiu tan Intensive Care Unit (ICU) movel ida mai Timor-Leste hodi fasilita servisu atendimentu emerjénsia bá sidadaun sira ne’ebé presiza tratamentu emerjénsia iha Ospitál Nasional Guido Valadares (HNGV).

Lee Mós : EUA Tau Millaun $420 Apoia Programa Edukasaun, Bee-Moos ho Saneamentu

Foto Hamtuk. Foto/Hatutan.com

Enkarregadu Negósiu Embaixada EUA, Zema Semunegus bá jornalista sira iha Portu Díli, Sesta (24/06/2022), hateten ICU movel ne’ebé sei entrega bá HNGV sei haluan signifikativamente kapasidade servisu saúde Timor-Leste nian no sei fó kuidadu intensivu bá pasiente COVID-19 no populasaun vulneravel sira.

“Prezente ne’e mai husi povu EUA ne’ebé hakarak ajuda Governu hodi responde bá nesesidade servisu saúde nian iha fatin hotu iha nasaun ne’e. Bainhira funsiona, ICU nia kapasidade sei aumenta porsentu 150,” Zema Semunegus hateten.

Advertisement

Doasaun husi povu Estadus Unidus Amérika mak hanesan kama ICU movel hamutuk sia (9). ICU movel ne’e dezeña inkluzivu atu mós fornese asesu fasil bá ema ho defisiénsia sira.

ICU movel ne’e, parte ida husu millaun $20 ne’ebé Estadus Unidus oferese hodi apoia Timor-Leste ninia seguransa saúde. Millaun $20 ne’e inklui doasaun vasina Pfizer doze liu 200,000. Xegada ICU movel ne’e mos reflete kompromisu atuál Estadus Unidus nian hodi luta hasoru COVID-19 no moras sira seluk hodi salva vida Timoroan sira nian.

“Komandu Indo-Pasífiku Estadus Unidus no Ajénsia Estadus Unidus bá Dezenvolvimentu Internasionál serbisu hamutuk ho ajénsia Nasoins Unidas no Governu Timor-Leste mak harii no fornese ICU movel ne’e,” Nia subliña.

Iha fatin hanesan  Ministra Saúde, Odete Belo hateten, bainhira Timor-Leste hahú enfrenta Covid-19 hotu-hotu la fiar katak Timor-Leste bele enfrenta moras ida ne’e maibé ho kontribuisaun hotu liu-liu bá Timor-Leste nia oan sira ne’ebé hamriik fiar an katak bele luta hasoru moras ida ne’e.

Apoiu sira husi povu EUA mai Timor-Leste. Foto/Hatutan.com

Nia afirma apoiu ICU movel ne’e Governu EUA liu husi USAID promete atu bele fó ICU mobile ida ho esperansa katak nia lalais liubá atendimentu no Ministériu saúde hein ekipamentu ICU mobile ne’e dezde fulan-Novembru no tempu ne’ebé la’o ohin mak bele simu maibé ba Ministériu Saúde nafatin konta katak ho servisu hamutuk ho atividade vasinasaun ne’ebé iha kontribuisaun ema hotu-hotu nian.

“Ekipamentu sira ne’ebé haruka mai la’ós katak ba Covid-19 de’it no ha’u nafatin ko’alia katak ita husik Covid-19 ne’e ba kotuk no ita koko atu haree moras seluk liu-liu ba inan isin rua sira ba labarik sira ne’ebé presija tebes fatin ida ne’e.” Odete Belo hateten.

Advertisement

Ministra Saúde hatutan, HNGV bainhira Timor Leste ukun an ospitál ne’e iha tiha ona no tuan tebe-tebes no iha ICU ho kama 25 de’it ne’ebé la sufisiente entaun ho fatin ida ne’e di’ak no kondisaun di’ak liu kompara ho fasilidade ICU ne’ebé iha no hanoin katak ida ne’ebé bele ajuda la’ós halo tratamentu de’it maibé bele ajuda halo treinamentu ba ICU ne’ebé kona-ba kuidadu intensivu ne’ebé lidera husi apoiu OMS no médiku sira iha HNGV.

“Ha’u promete katak fatin ida ne’e ami sei uza tanba ami presiza tebe-tebes,” Ministra Saúde  hateten.

Ukun na’in ne’e hodi Governu nia naran aagradese dala ida tan ba Governu Amérika ne’ebé apoiu fatin ida ne’e ba Timor Leste no ba servisu hamutuk ami konta nafatin ho povu Amerikanu.

Prezidente Repúblika (PR), José Manuel Ramos-Horta hateten hodi estadu nia naran agradese ba povu Amerikanu ne’ebé nafatin ho kompromisu boot apoiu povu Timor Leste. Ho ekipamentu ida ne’e bele tulun solusiona difikuldade ne’ebé servisu saúde iha Timor Leste enfrenta.

Xefe Estadu mós agradese ba Ministra Saúde ne’ebé nafatin hatudu vontade servisu hodi serbí timoroan sira, liuliu oinsá fó solusaun ba saúde populasaun iha Timor-Leste.

Advertisement

“Bá Ministra Saúde agradese bá ita-boot nia lideransa iha periódu difisil tebe-tebes iha Covid-19 no parabéns bá ita hotu,” José Ramos-Horta hateten.

EUA mos apoiu Tanke mina bá FALINTIL-Forsa Defeza Timor-Leste (F-FTL) no mós Karreta Bombeiru ida ba iha Aeroportu Baucau hodi fasilita no mellora servisu unidade Bombeiru Aeroportu Baucau.

Jornalista: Vito Salvador

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Saúde

Ema ho HIV/SIDA 400-resin Halai hosi Tratamentu

Published

on

Hatutan.com, (19 Marsu 2024), DíliPasiente Human Immunodeficiency Virus no Acquired Immune Deficiency (HIV/SIDA, sigla portugés) hamutuk 400-resin halai hosi tratamentu saúde.

(more…)

Kontinua Le'e

Saúde

Stock Out Ai-Moruk iha INFPM Hela 26% no HNGV 13%

Published

on

Hatutan.com, (12 Marsu 2024), Díli-Ministériu Saúde (MS) liuhosi Ekipa Integradu Saúde (EIS), Tersa (12/03/2024),  atualiza stock out ai-moruk ne’ebé dadaun ne’e eziste iha armájen Institutu Nasionál Farmásia no Produtu Médikus (INFPM) hela porsentu 26 (26%), no iha Hospitál Nacional Guido Valadáres (HNGV) ho pursentu 13 (13%).

(more…)

Kontinua Le'e

Saúde

Timor-Leste Rejista Ema ho HIV/SIDA 2006

Published

on

Hatutan.com, (11 Marsu 2024), Díli- Instituto Nacional de Combate ao HIV- SIDA, Instituto Publico (INCSIDA,IP) rejista ema ho HIV/SIDA daudaun ne’e iha Timor-Leste hamutuk na’in-2006.

(more…)

Kontinua Le'e
Advertisement

Trending