Connect with us
Pakote Ahi

Justisa & Krime

MP Husu Aplika Pena Multa ba Eis Diretór Merenda Eskolár

Published

on

Hatutan.com, (20 Jullu 2022), Díli—Tribunál Distritál Díli (TDD) iha Kuarta 20 fulan ne’e, liu hosi alegasaun hosi Ministériu Públiku (MP) ne’ebé reprezenta hosi Prokuradór Rogério Viegas, husu ba Tribunál atu aplika pena multa ho montante $180 no selu kustu judisiáriu ba eis-koordenadór merenda eskolár Postu Administrativu Ataúro arguidu IS, ba krime abuzu konfiansa agravadu no administrasaun danoza no abuzu de podér  relasiona ho konstrusaun armazén fóos iha tinan 2018 no motorizada inklui mobiliáriu ne’ebé Ministériu Edukasaun (ME) oferese ba arguidu.

Foto Ilustrasaun Google.

Maske nune’e, MP husu ba Tribunál atu fó pena ne’ebé justu ba krime administrasaun danosa, abuzu konfiansa agravadu no halo mós alterasaun no aumenta tan krime pekulatu de uzu hodi aplika pena multa $180 no kustu judisiáriu.

Lee Mós: Kazu Eis Diretór Merenda Eskolár, Sasin Deklara Konstrusaun Armazén Fos ho Tipu Emerjénsia

Maibé advogadu privadu Tomasia Umbelina Magno no Xisto Pedroso husu ba Tribunál atu absolve nia kliente hosi krime administrasaun danosa, abuzu konfiansa agravadu no krime pekulatu de uzu, tanba konsidera la prienxe elementu krime bazeia ba arguidu no sasin nia deklarasaun tanba arguidu mós fó kontribuisaun hodi halo dezenvolvimentu iha Ataúro liu-liu halo armazen foos.

Advertisement

Hafóin alegasaun Tribunál adi’a hikas julgamentu ba loron seluk hodi rona leitura sentensa.

Antes ne’e, tuir akuzasaun hosi Ministériu Públiku (MP), katak iha tinan 2014 to’o 2018, arguidu selebra kontratu ho Ministériu Edukasaun (ME) númeru Ref. 248/DNRI—IfNWI/2016 ba pozisaun Koordenadór Merenda Eskolár iha Postu Administrativu Ataúro ho saláriu mensál $221.00.

Tanba ne’e ME fórnese fasilidade ba apoiu serbisu hanesan motór ho marka Honda Mega Pro, matrikula 1012 GA, termu entrega kupon mina, komputadór Desktop I, UPS I, printer HP I, tinta printer unidade 4, surat tahan rim 2 kada periodu trimestrál, armáriu vidru ba arkivu I, armáriu ki’ik ho gaveta l, meza servisu I, kadeira servisu l.

lha fulan-Dezembru 2018, ME hapara kontratu serbisu ba funsionáriu kontratadu hamutuk 273, inklui arguidu liu hosi Ministeriál Nú 14/GMEJD[XlV2018.

Maske nune’e, hahú hosi fulan-Dezembru 2018 to’o fulan-Juñu 2020, arguidu Ia entrega fila fasilidade hirak-ne’e ba ME, maibé arguidu rai nafatin sasán hirak ne’e iha ninia uma.

Advertisement

Alende ne’e, arguidu utiliza komputadór, printer no tinta printer, meza no kadeira serbisu nian hodi imprime matéria ba ninia privadu no família nia interese.

Iha tinan 2018, arguidu hanesan funsionáriu kontratadu ba Ajente Administrasaun Públika, halo proposta konstrusaun armazén merenda eskolár iha Postu Administrativu Ataúro utiliza ME ba iha Rotary Club of Moruya (IRCM) iha Austrália ho apoiu osan dolar Austrália $14.250.00, ekivalente ho dolar amérikanu $10. 241,50.

Rezultadu hosi proposta ne’e, arguidu mak jere rasik hodi harii konstrusaun armazén ho medida naruk metru 12, Iu’an metro 6 no as metru 3 iha arguidu nia pai rasik nia kintál-laran, ho totál osan ne’ebé fundasaun IRCM transfere mai iha testemuña BH nia konta bankária iha ANZ Díli no entrega ba arguidu ho montante $14.250.00, ekivalente ho dolar amérikanu $10.241,50.

Arguidu aproveita oportunidade no konfiansa ne’ebé IRCM fó, tanba funsaun ne’ebé nia okupa iha momentu faktu ne’e akontese no arguidu hatene katak, apoiu osan ho montante $10.241,50 ne’e la’ós pertense ba nia, maibé arguidu jere no utiliza osan ne’e tuir ninia interese hodi fó benefísiu ba nia aan.

Arguidu hatene katak, fasilidade ne’ebé ME entrega ba arguidu liu hosi Diresaun Nasionál Lojístika, tanba funsaun ne’ebé arguidu okupa iha altura ne’ebá nu’udár koordenadór Merenda Eskolár iha Postu Administrativu Ataúro.

Advertisement

Fasilidade hirak ne’e, hetan ona apreensaun hosi Komisaun Anti-Korrupsaun (CAC, sigla portugés), hafóin hetan delegasaun kompeténsia hosi Ministériu Públiku hodi halo investigasaun ba arguidu no ekipamentu hirak ne’e agora CAC entrega ona ba MP.

Ho hahalok arguidu nian, MP akuza arguidu ba pratika krime rua mak hanesan abuzu konfiansa agravadu, administrasaun danoza ne’ebé previstu iha artigu 257, 274 hosi kódigu penál TL.

Audiénsia julgamentu ne’e prezide hosi juiz koletivu Alvaro Maria Freitas, José Gonçalves, Argentino Nunes, MP reprezenta hosi Prokuradór Rogério Viegas no arguidu hetan asisténsia legál hosi advogadu privadu Tomasia Umbelina Magno no Xisto Pedroso.

Jornalista: Carmelita Isaac

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Eviksaun, PDHJ Konsidera Aprosimasaun SEATOU Sees Hosi Prinsípiu Direitus Umanus

Published

on

Hatutan.com, (19 Abríl 2024), Díli—Provedoria Direitus Humanus no Justisa (PDHJ), lamenta no konsidera aprosimasaun ne’ebé Governu halo liu hosi Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias  hasoru komunidade iha Díli, sees hosi prinsípiu direitus umanus ninian.

(more…)

Kontinua Le'e

Justisa & Krime

Prizioneiru Na’in-Lima Okupa Kuartu Ida, HAK Husu Governu Estabelese-tán Prizaun Foun

Published

on

Hatutan.com, (18 Abríl 2024), Díli—Asosiasaun HAK sujere atu Governu estabelese tán prizaun foun tanba liu hosi monitorisazaun ne’ebé mak sira halo iha prizaun Díli, Gleno no Suai hatudu katak kondisaun infra-estrutura barak mak aat no la sufisiénte bá dadur sira ne’ebé ema na’in-lima okupa lisku kuartu ida ho medida ne’ebé kiik.

(more…)

Kontinua Le'e

Justisa & Krime

MJ Sérgio Hornai Sei Foti Medida Hasoru Pesoál PCIC Husu Osan bá Oan-Mane Fujitivu Teves Jr

Published

on

Hatutan.com, (17 Abríl 2024), Díli-Ministru Justisa (MJ), Sérgio de Jesus Fernandes da Costa Hornai, sei foti medida forte to’o bele halo demisaun bá pesoál membru Policia Ciêntíficia e de Investigação Criminal (PCIC) ida ne’ebé deskonfia husu osan bá fujitivu Arnolfo Teves Jr nia oan-mane, foin lalais ne’e.

(more…)

Kontinua Le'e
Advertisement

Trending