Connect with us

Ekonomia

Governu Nia Pozisaun Kona-bá Kadoras Greater Sunrise Tenke Mai TL

Published

on

Hatutan.com, (01 Agostu 2022), Díli- Ministru Petróleu no Minarál (MPM), Víctor da Conceição Soares, hateten prozisaun Governu Timor-Leste nian kona-bá kadoras Greater Sunrise tenke dada mai Timor-Leste tamba haree bá viabilidade tékniku, komersiál no ekonomia.

Lee Mós : Ekipa Negosiadór Reafirma ba Austrália Atu Dada Kadoras Greater Sunrise Mai TL

Ministru Petróleu no Minarál (MPM), Víctor da Conceição Soares. Foto/Hatutan.com

Ema barak sei tau duvida kona-bá pozisaun Governu TL nian kona-bá kadoras Greater Sunrise nian ne’e. Ho nune’e, Segunda (01/08/2022), Prezidente Repúblika (PR), José Ramos-Horta bolu MPM hamutuk ho Autoridade Nasionál Petróleu no Minerál (ANPM) no Timor Gap hodi ko’alia  oituan liga ho progresu setór petróleu minerál no Xefe Estadu husu liuliu kona-bá dezenvolvimentu Greater Sunrise.

Iha sorumutuk ho Xefe Estadu ne’e, parte sira MPM, ANPM no Timor Gap foka liubá progresu oinsá diskusaun sira entre Governu Timor-Leste no Austrália ba dokumentu PMC no Product Sharing Contract (PSC), rejime fiskál, dokumentu sira seluk ne’ebé oras ne’e parte rua dezenvolve hela inklui ho kalendáriu bá dokumentu sira hotu ne’ebé sei konklui iha fulan-Novembru 2022.

Advertisement

“Prezidente Repúblika ohin husu tuir situasaun sira ne’e tanba ne’e ita informa katak progresu sira no negosiasaun hotu la’o di’ak no pozisaun Timor-Leste nian klaru kona-bá oinsá kadoras ne’e bá iha ne’ebé, no konserteza katak durante ne’e públiku hatene katak kadoras sei mai Timor-Leste no ida ne’e la’ós ho razaun polítika de’it,” Víctor da Conceição Soares hateten.

Governante ne’e hatutan iha razaun tékniku, komersiál ho ekonómiku nune’e pozisaun Governu nian atu lori kadoras mai Timor-Leste parte ANMP no Timor Gap fundamentu ona liu husi estadu viabilidade ne’ebé iha no permite atu dada kadoras mai Timor-Leste.

MPM nafatin husu atu Xefe Estadu kontinua ko’alia ba públiku pozisaun Timor-Leste nian atu lori kadoras Greater Sunrise mai Timor-Leste.

Uainhira tama ba iha dezenvolvementu kampu Timor Gap hanesan share ne’ebé boot liu ho porsentu 56 Woodsite hanesan operadór no Osaka gás sira sei ko’alia hamutuk kona-bá planu dezenvolvimentu no Governu sei akompaña ho seriedade.

“Governu oras ne’e iha hela seriedade atu bele resolve problema Greater Sunrise durante tempu naruk no hakarak duni no ita haree katak kampu Bayu Undang mós termina ona nune’e tenke fó atensaun no prioridade bá kampu Greater Sunrise atu bele halo dezenvolvimentu lalais,” Nia afirma.

Advertisement

Prezidente Repúblika husu atu Timor-Leste nafatin esplora rikusoin ne’ebé Timor-Leste iha no nafatin iha kolaborasaun servisu  ho Indonézia no Austrália bá dezenvolve interese nasaun nian.

Jornalista: Vito Salvadór

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published.

Ekonomia

Janeiru-Jullu, Autoridade Aduaneira Kolleta Millaun $40,6

Published

on

Hatutan.com, (10 Agostu 2022), Díli—Autoridade Aduaneira to’o iha Fulan Dahuluk, Trimestre Datoluk tinan 2022 kolekta ona reseitas aduaneira hamutuk $40.589.715,76 ba kofre Estadu.

(more…)

Kontinua Le'e

Ekonomia

Ministru Finansas Enkoraza g7+ Kontinua Promove TL Iha Nível Globál

Published

on

Hatutan.com, (10 Agostu 2022), Díli—Ministru Finansas Rui Gomes simu vizita kortezia hosi ekipa Sekretariadu g7+ ne’ebé lidera hosi Sekretáriu Jerál g7+, Helder da Costa hodi atualiza kona-bá g7+ nia progresu servisu no susesu sira ne’ebé mak organizasaun intergovernamentál ne’e alkansa ona iha área konstrusaun pás no konstrusaun Estadu iha nível mundiál.

(more…)

Kontinua Le'e

Ekonomia

Alkatiri: Problema Hotu Kona-bá Ró Haksolok Rezolvidu

Published

on

Hatutan.com, (09 Agostu 2022), Díli- Antigu Prezidente Autoridade Rejiaun Administrativa Espesiál Oé-Cusse Ambeno (RAEO) no Zona Ekonomia Espesiál Sosiál Merkadu (ZEESM), Mari Bin Amude Alkatiri, informa katak problema hotu kona-bá ró Haksolok nian rezolvidu ona.

(more…)

Kontinua Le'e

Trending