Hatutan.com, (18 Agostu 2022), Díli—Governu Timor Leste (TL) oferese millaun $1 hodi apoia eleisaun jerál iha Guiné Bissau.

Governu mós haruka ona ekipa ida ba Guiné Bissau, ekipa ne’e fila fali mai ona no halo aprezentasaun iha Konsellu Ministru.

Lee Mós: PM Taur Agradese Apoiu Ne’ebé Durante Ne’e Xina Oferese ba TL

Advertisement

Oras-ne’e governu mós haruka ona ekipa tékniku ida atu halo preparasaun tékniku no resensiamentu hodi fasilita eleisaun iha Guiné Bissau.

“Ita deside ekipa ida fila fali ba Guiné Bissau, atu halo prepartivu ajuda apoiu tékniku atu sira nia resensiamentu no preparativu tékniku sira seluk,” Primeiru Ministru (PM), Taur Matan Ruak hateten hafoin hasoru-malu ho Prezidente Repúblika José Ramos-Horta iha Palásiu Prezidensiál Nicolao Lobato Bairru-Pité, Kinta (18/08/2022).

Apoiu ida-ne’e governu Timor Leste halo ona iha 2013-2014, iha 2018 mós governu haruka grupu ida ba, foin daudauk  ida tán, antes ida ne’e mós Timor Leste nia grupu ida ba prepara kondisaun tékniku hotu atu ajuda sira.

Entaun, ne’e kontinua de’it no la’ós atividade foun ida, tanba Timor Leste investe tiha ona ekipamentu iha ne’ebá.

“Fundus ita aloka millaun $1 ba de’it atividade ida-ne’e, desde despeza ba ita nia ekipa no mós apoiu tékniku sira,” nia esplika.

Advertisement

Jornalista: Vito Salvadór