Connect with us
Pakote Ahi

Justisa & Krime

Eldisen Henrique Lopes Mate Iha Yogyakarta Tanba Hetan Asalta Hosi Ema Deskoñesidu

Published

on

Hatutan.com, (02 Setembru 2022), Díli—Estudante Timoroan ida ho naran Eldisen Henrique Lopes (EHL) ho idade 25, mate tanba hetan asaltu hosi ema deskoñesidu, iha área Jalan HOS Cokroaminoto, Kemantren Tegalrejo, sidade Yogyakarta, iha Kuarta (31/08/2022) kalan.


Autoridade Polisia Yogyakarta Idham Madi esplika kazu omesídiu ba estudante Timoroan, Kinta (01/09/2022). Foto/KOMPAS.COM.

Autoridade Polísia Yogyakarta Komandante Idham Mahdi esplika, matebian hetan asaltu iha Kuarta (31/08/2022) tuku 23.45 Oras Indonézia Oeste.

Lee Mós: Faktus Provadu, Autór Omesídiu Elemloi Kondenadu Prizaun Tinan 14

Akontesimentu ne’e rezulta EHL hakotu-iis no vítima na’in-rua seluk sofre kanek iha parte isin lolon nian.

Advertisement

“Omesídiu hosi autór deskoñesidu ne’e sei iha hela prosesu identifikasaun. Iha mós vítima ne’ebé mate ho naran inisiál EHL, universitáriu. Vítima seluk ne’ebé kanek iha na’in-rua mak hanesan JVG no CDF,” Hatutan.com sita deklarasaun Idham Mahdi ne’ebé públika hosi KOMPAS.com, Kinta (01/09/2022).

EHL moris iha 02 Marsu 1997, iha Díli hela iha Veracrus Vila-Verde Timor Leste ne’ebé oras ne’e hanesan universitáriu ida no hala’o hela estudu iha Fakuldade Direitu iha Universidade Ahmad Dahlan Yogyakarta.

“Sidadaun Timor Leste ne’e ho identidade hanesan estudante ka universitáriu,” nia esplika.

Oras-ne’e daudaun autoridade Polísia Yogyakarta investiga hela kazu ne’e no identifika hela autór sira inklui sei halibur hela evidénsia sira iha fatin akontesimentu.

“Ita sei halibur hela sasan evidénsia sira iha fatin akontesimentu. Ita buka-tuir hela autór,” nia esplika tán.

Advertisement

Nune’e mós pesoál Polísia ida hosi Yogyakarta esplika kronolojia katak, akontesimentu ne’e hahú iha Kuarta (31/08/2022) kuaze tuku 20.00 Oras Indonézia Oeste, bainhira iha ema na’in-ualu mak tuur halimar hodi ko’alia halimar hela iha fatin akontesimentu.

Nune’e, iha tuku 20.15 Oras Indonézia Oeste, iha ema na’in-rua mak mai tán ho kerreta kór mutin iha fatin akontesimentu.

Estudante Timoroan ida ho naran Eldisen Henrique Lopes (EHL) ho idade 25, mate tanba hetan asaltu hosi ema deskoñesidu, iha área Jalan HOS Cokroaminoto, Kemantren Tegalrejo, sidade Yogyakarta, iha Kuarta (31/08/2022) kalan. Foto/Espesiál.

Bainhira ema na’in-rua ne’e to’o iha fatin akonteseimentu, lakleur de’it iha tuku 21.00 Oras Indonézia Oeste, iha tán ema na’in-tolu mai tán tanba hetan kontaktu hosi ema na’in-rua seluk ne’ebé mai uluk ne’e.

Bainhira ema na’in-tolu ne’e to’o mai, sira bolu ema na’in-ida hosi grupu ne’ebé antes ne’e tuur hela ne’e no ko’alia ba malu.

Nune’e, iha tuku 23.30 Oras Indonézia Oeste, ema na’in-tolu ne’e ba ona hodi husik hela fatin akonteseimentu inklui ema na’in-rua ne’ebé mai ho karreta kór mutin ne’e mós fila ona.

“Kuaze minutu sanulu hanesan ne’e, ema lubuk ida kuaze na’in-sanulu mosu mai ho karreta metik no la ko’alia barak maibé asalta direta ema hirak ne’ebé tuur iha fatin akontesimentu ho katana.Akontesimentu ne’e rezulta vítima mate tanba hetan sona ho tudik iha parte hirus-matan,” nia esplika.

Advertisement

Hosi akontesimentu ne’e iha balun mak halai ba Indomart laran, balun subar iha armazén, balun subar iha haris fatin no balun halai fila ba sira nia kost ne’ebé besik ho fatin akontesiemntu,” pesoál polísia ne’e esplika.

Hafoin akontesimentu, vítima konsege halai ho distánsia kuaze metru 300 hosi fatin akontesimentu maibé ikus mai monu.

Autoridade Polísia Yogyakarta mak konsege transporta vítima ba Ospitál Ludira Husada-Tama ho karreta patrullamentu Polísia Eskuadra Tegalrejo. Bainhira to’o iha Ospitál vitima iis-kotu.

Jornalista: Elio dos Santos da Costa

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Konsidera Buska Ilegál iha Rezidénsia Fulolo, Mari Alkatiri Halo Keixa Hasoru Rogério Lobato

Published

on

Hatutan.com, ( 23 Maiu 2024), DíliAntigu Prezidente Autoridade Rejiaun Administrativu Oé-Cusse Ambeno (RAEOA), Mari Alkatiri, Kinta (23/05/2024), hatama keixa bá Ministériu Públiku  kontra Prezidente RAEOA atuál  Rogério Tiago de Fátima Lobato tanba konsidera buska ne’ebé Rogério Lobato ho ekipa halo bá nia rezidénsia iha Fulolo, Aldeia Sanane, Suku Costa, Sub-Rejiaun Pante Makasar, ilegál no kontra Lei ne’ebé vigora.

(more…)

Kontinua Le'e

Justisa & Krime

Halo Diskursu Ódiu, Polísia Bolu Amaro Susar

Published

on

Hatutan.com, (23 Maiu 2024), Díli-Polísia Nasionál Timor-Leste (PNTL) liuhosi Departamentu Investigasaun Kriminál (DIK),  Kinta (23/05/2024), bolu ona Amaro da Costa “Susar”tanba halo diskursu ódiu hodi sadik Primeiru-Ministru Kay Rala Xanana Gusmão no ameasa Ministru Obras Públikas (MOP), Samuel Marçal, liuhusi gravasaun audio ne’ebé espalla rede média sosiál Facebook no WhatsApp.

(more…)

Kontinua Le'e

Justisa & Krime

Pesoál PCIC husu Osan bá Oan Mane Fujitivu Teves Jr, Ramos-Horta Ezije Rezultadu Investigasaun

Published

on

Hatutan.com, (22 Maiu 2024), Díli- Prezidente Repúblika (PR), José Ramos-Horta ezije rezultadu  investigasaun bá pesoál membru Polícia Ciêntífica e de Investigação Criminal (PCIC) ne’ebé husu osan bá  oan mane fujitivu Arnolfo Teves Jr.

(more…)

Kontinua Le'e
Advertisement

Trending