Saúde
Lú Olo Alta Ona Hosi HNGV
Hatutan.com, (17 Setembru 2022), Díli—Prezidente partidu FRETILIN Francisco Guterres “Lú Olo”, Sábadu ne’e (17/09/2022) alta ona hosi Hospital Nasional Guido Valadares (HNGV) hafoin hala’o tratamentu médiku durante loron lima.
Lee Mós : Lú Olo Baixa iha HNGV Tanba Kondisaun Saúde Fraku Uitoan
Prezidente partidu FRETILIN, Francisco Guterres “Lú Olo”. Foto/Elio dos Santos da Costa
Prezidente Repúblika períodu 2017-2022 ne’e baixa iha HNGV hahú hosi kalan 12 fulan-Setembru to’o fali loron 17 fulan-Setembru ne’e, no hetan tratamentu médiku ida di’ak tebes hosi komponenti hotu ne’ebé hola papel importante iha área oioin hodi kontribui bá rekoperasaun Lú Olo ne’ebe ho lais tebes.
Komunikadu imprensa ne’ebé Hatutan.com sita hosi pájina Facebook Lú Olo Presidente da RDTL 2017-2022, relata katak Lú Olo ho nia família agradese tebes bá esforsu sira, atendementu di’ak no apoiu tomak la sura kole hosi ekipa médiku espesialista, infermeiras, ekipa laboratorista, ekipa Radiologia, ekipa emergensia ne’ebé fó ona asisténsia médiku ida kualidade nune’e kontribui Lú Olo bele alta lalais.
Bá alta entidade sira hanesan Prezidente Repúblika, Jose Ramos-Horta, Primeiru-Ministru Taur Matan Ruak, Prezidente Parlamentu Nasional Aniceto Guterres, Xefe Estadu Maior F-FDTL Tenenti Jeneral Falur Rate Laek, família bo’ot hosi Partidu FRETILIN, liuliu bá Sekretáriu Jerál FRETILIN, Mari Alkatiri ne’ebe halo vizita kuaze lorloron, veteranus, família hosi Ossu-Viqueque no Atauro no maluk sira seluk ne’ebé la temi naran Ida-ida.
“Ba imi tomak nia laran luak hola momentu balu halo vizita, no orasaun sira mak fó mós forsa no korajen bá Kamarada Lú Olo hodi rekopera lalais hosi nia moras. Bá solidareidade hirak ne’e eis-Prezidente Lú Olo dala ida tan hamutuk ho nia família hato’o agradese wain tebes,” sita hosi konteúdu komunikadu imprensa ne’e.
Jornalista : Rogério Cárceres
Waskita Garap Proyek Bandara Udara Timor Leste Senilai 72 Juta Dolar AS
PN Ratifika Akordu Servisu Aéreo Entre TL, Nova Zelándia Ho Qatar
PD Atu Hola Parte Iha Formasaun Governu Da-sia Depende Bá CNRT
CNE Konklui Apuramentu Nasionál, Sei Submete Keixa Haat Bá Ministériu Públiku
JSMP Rekomenda Pontu Haat Bá Membru Lejislativa Foun
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika6 days agoApuramentu CNE, Posibilidade Votu Válidu Aumenta
-
Defeza & Seguransa5 days agoPolísia Identifika Ema Na’in-tolu Deskonfia Halo Gravasaun “Ameasa” Militante Partidu Polítiku Balun
-
Polítika5 days agoCNE Halo Validasaun Bá Votu Reklamadu 515, CNRT Hetan-tán Votu 38
-
Nasionál7 days agoRezultadu Final STAE: CNRT Hetan Kadeira 31 no FRETILIN Kadeira 19
-
Justisa & Krime5 days agoTribunál Aplika Prizaun Preventiva Bá Sidadaun Indonézia Ne’ebé Atu Vota Iha Darulete
-
Polítika6 days agoMOE CPLP Observa Eleisaun Parlamentár Iha TL Livre no Transparente
-
Polítika3 days agoCNE Konklui Apuramentu Nasionál, Sei Submete Keixa Haat Bá Ministériu Públiku
-
Nasionál1 week agoHitung Awal: CNRT Raih Suara Terbanyak dalam Pemilu Timor Leste