Internasionál
Ramos-Horta Partisipa Assembleia Jerál ONU bá Dala LXXVII
Hatutan.com, (21 Setembru 2022), Díli—Prezidente Repúblika (PR), José Ramos-Horta ho delegasaun dezloka ona ba Nova Iorke hodi partisipa Assembleia Jerál Organizasaun Nasoens Unidas (ONU) nian ba dala-LXXVII, Kuarta (21/09/2022).
Membru F-FDTL hala’o Parada militár iha Aoeroportu Internasionál Nicolau Lobato hodi halo despedida ba Prezidente Repúblika, José Ramos-Horta ne’ebé atu dezloka ba ONU iha Kuarta (21/09/2022). Foto/Média PR.
Iha enkontru asembleia jerál ONU ba dala LXXVII ne’e, José Ramos-Horta sei hato’o diskursu Estadu Timor-Leste nian.
Lee Mós:Xanana Partisipa Simeira Internasionál Kona-bá Edukasaun Iha ONU
Xefe Estadu sei ko’alia assuntu nasionál no sei sai hanesan relatóriu ne’ebé pozitivu ba komunidade internasionál kona-bá situasaun iha Timor-Leste.
“Ha’u nu’udár Xefe Estadu, ha’u la ko’alia lori ha’u-nia naran pessoál, ha’u lori naran Estadu nian. Entaun ha’u-nia diskursu kuaze bele hateten, relatóriu ida Timor-Leste nian ba komunidade internasionál kona-ba progressu ne’ebé Timor-Leste halo iha pás, iha seguransa iha rai laran, iha toleránsia polítika, toleránsia rekonsiliasaun Timor-Leste nian ne’ebé ita rai ida segundu maiór país Katóliku iha mundu ho minoria Musulmanu no Protestante, maibé relasaun ho komunidade sira seluk di’ak teb-tebes, laiha konflitu relijiózu, laiha konflitu étniku, ne’e relatóriu ida di’ak ba mundu,” Hatutan.com sita komunikadu.
Prezidente Repúblika, José Ramos-Horta iha Aoeroportu Internasionál Nicolau Lobato atu dezloka ba ONU, Kuarta (21/09/2022). Foto/Média PR.
Assembleia Jerál ne’e Xefe Estadu sei ko’alia mós kona-bá situasaun iha Ukránia ne’ebé fó impaktu ba mundu, adezaun Timor-Leste ba ASEAN, Organizasaun Mundiál Komérsiu (OMK), susesu Timor-Leste iha mitigasaun no kombate ba pandemia Covid-19 no seluk tán.
Durante iha Nova Iorke, Xefe Estadu mós sei hala’o enkontru bilaterál ho Primeira-Ministra Nova Zelándia, Jacinta Ardern, Primeiru-Ministru Kambodia, Hun Sen, Prezidente Kosovo no juíz hosi Tribunál anti-korrupsaun internasionál, Juíz Mark Wolf.
Enkontru ho Senadór Patrick Dodson, enviadu espesiál ba rekonsiliasaun no implementasaun kona-bá deklarasaun Uluru hodi fuan, no partisipa mós iha simeira altu-nível g7+ nian.
Xefe Estadu ho delegasaun sei fila hikas mai Timor-Leste iha loron 27 Setembru 2022.
Jornalista: Vito Salvadór
Internasionál
Xanana Husu Universidade sira iha Portugal Aumenta Vaga Bá Estudante Timoroan iha Área Direitu
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
