Connect with us
Pakote Ahi

Defeza & Seguransa

Tuda-malu Iha Bidau, PNTL Detein Joven Na’in-tolu ho Sasan Kro’at

Published

on

Hatutan.com, (24 Outubru 2022), Díli— Polísia Nasionál Timor-Leste (PNTL), liu hosi Servisu Sekreta SIPN, SNI, N2, S2, Makikit, kaptura ona joven na’in-tolu ne’ebé involve iha konfrontasaun tuda-malu entre Bidau Akadiruhun no Bidau Tahu-laran iha Suku Akadiruhun, Postu Administrativu Na’in-Feto, Munisípiu Díli, Domingu kalan (24/10/2022).

Polísia Nasionál Timor-Leste (PNTL), liu hosi Servisu Sekreta SIPN, SNI, N2, S2, Makikit, kaptura ona joven na’in-tolu ne’ebé involve iha konfrontasaun tuda-malu entre Bidau Akadiruhun no Bidau Tahu-laran iha Suku Akadiruhun, Postu Administrativu Na’in-Feto, Munisípiu Díli, Domingu kalan (24/10/2022). Foto repro /PNTL.

“Informasaun ne’ebé ekipa servisu sekreta rekolla katak, konfrontu ne’e hahú hosi joven sira bolu malu iha tuku 18:00 lorokraik, hodi halibur hamutuk hemu tua iha Largo Lecidere, nune’e iha tuku 20:00 kalan, sira la’o grupu lori sasan kro’at halo provokasaun ba malu hodi hakilar no temi ’milisia’ no kontinua kedan tuda-malu iha estrada públiku,” Hatutan.com sita komunikadu.

Lee Mós: Membru PNTL Na’in-rua Hetan Tuda ho Bomba Molotov iha Comoro

Iha loron rua antes, ekipa servisu sekreta ba ona iha terrenu hasoru-malu ho vítima hodi hetan informasaun kona-bá autór sira, maibé autoridade lokál no komunidade rasik la koñese tanba maioria joven sira ne’e mesak oin foun de’it.

Advertisement

Hafoin rona informasaun hirak ne’e, ekipa servisu sekreta forsa rua kompostu hosi SIPN, SNI, N2, S2, Makikit, hetan akompañamentu seguransa hosi Polísia Militár, BOP no Forsa Rezerva, la’o tama-sai Bairru laran hodi kaptura suspeitu sira ne’ebé família subar, halo mós apreensaun ba sasan kro’at hanesan katana, tudik, fiska no rama oan hodi lansa ne’ebé kategoria kontra lei númeru 5/2017, prátika arma branca.

Joven na’in-tolu ne’ebé ekipa konjunta kaptura mak hanesan ASM tinan 30, hela iha Kintál Boot, Suku Santa Cruz, nu’udár traballadór iha kompañia produsaun Kafé.

SPF tinan 26, hela fatin aldeia Bedik, Suku Bidau Akadiruhun nu’udár estudante akadémiku no ikus liu suspeitu DM tinan 30, hela iha aldeia 01 Bedik, Suku Akadiruhun, nu’udár motorista iha embaixada akreditadu ida iha Timor-Leste.

Suspeitu na’in-tolu ne’e hamutuk ho evidénisa hirak ne’e, ekipa konjunta etrega ona ba Eskuadra PNTL Na’in-Feto, hodi kontinua halo prosesu.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Ezersísiu CARAT 2024, Forsa TL ho EUA Hala’o Treinamentu Kona-bá Atuasaun Peska Ilegál

Published

on

Hatutan.com, (24 Juñu 2024), Díli-Komandu FALINTIL-Forsa Defeza Timor-Leste (F-FDTL) liuhosi Komponente Naval ho Forsa Komponente Naval hosi Estadus Unidus Amérika (EUA), Segunda (24/06/2024), halo abertura bá ezersísiu militár ne’ebé koñesidu ho Ezersísiu CARAT (Cooperation Afloat and Readiness Training) bá tinan 2024 nian.

(more…)

Kontinua Le'e

Defeza & Seguransa

OPS Tenke Rejísta Komunidade Ne’ebé Partisipa Misa Vizita Papa Francisco iha Tasi-tolu

Published

on

Hatutan.com, (20 Juñu 2024), Díli-Komandante Jerál Polisia Nasional Timor-Leste (PNTL), Komisáriu Polisia Henrique da Costa, fó ona orientasaun bá membru Ofisial Polísia Suku (OPS) hamutuk na’in-452 iha territóriu nasionál atu rejista hotu identidade hosi komunidade ka sarani sira ne’ebé hakarak atu partisipa misa vizita papa Francisco nian iha Tasi-tolu, Díli.

(more…)

Kontinua Le'e

Defeza & Seguransa

F-FDTL ho PNTL Armoniza Regra Operasaun no Seguransa bá Vizita Papa Francisco

Published

on

Hatutan.com, (10 Juñu 2024), Díli-Komandu FALINTIL-Forsa Defeza Timor-Leste (F-FDTL) ho Polísia Nasionál Timor-Leste (PNTL), Segunda (10/06/2024), selebra ona akordu ida hodi armoniza regra sira kona-bá atividade operasaun no seguransa nian bá preparasaun simu vizita Sua Santidade Papa Francisco iha Timor-Leste, iha loron 09 to’o loron 11 fulan-Setembru 2024.

(more…)

Kontinua Le'e
Advertisement

Trending