Connect with us
Pakote Ahi

Internasionál

Ramos-Horta Konvida Emprezáriu Português Investe Iha TL

Published

on

Hatutan.com, (04 Novembru 2022), Díli—Prezidente Repúblika (PR), José Ramos-Horta hala’o enkontru ho emprezáriu Português ne’ebé hamahan an iha Konfederasaun Emprezária Portugeza atu loke investimentu oi-oin iha Timor-Leste (TL).

Prezidente Repúblika (PR), José Ramos-Horta hala’o enkontru ho emprezáriu Português ne’ebé hamahan an iha Konfederasaun Emprezária Portugeza atu loke investimentu oi-oin iha Timor-Leste (TL). Foto/Média PR.

Xefe Estadu garante kondisaun bá investimentu internasionál hanesan seguransa no polítika Timor-Leste ba setór privadu português sira no husu atu labele laran taridu hodi halo investimentu, tanba Timor-Leste seguru liu kompara ho nasaun sira seluk ne’ebé mosu bebeik konflitu.

Lee Mós: Ramos-Horta Ko’alia Problema Mundiál no Pás iha Semináriu Internasionál g7+

“PR prefere empreza sira atu loke investimentu iha área bankária hanesan BNU, fábrika sepatu, roupa, ai-moruk, no harii infraestrutra armajen hodi rai ai-moruk atu fahe ba nasaun sira iha ASEAN no seluk tan,” Hatutan.com sita komunikadu Sesta (04/11/2022).

Advertisement

Xefe Estadu esplika mós pozisaun Timor-Leste atu sai membru ASEAN hodi fó oportunidade boot ba merkadu, tanba ne’e produtu hosi Portugál nian reprezenta nasaun europeia tomak, bele tama ba merkadu ASEAN liu hosi Timor-Leste.

Tuir Xefe Estadu, iha loron 26 Setembru vizita ba Nova Iorke hodi koordena ho reprezentante Lideransa Fundasaun Open Society Foundation, George Soros nia ekipa ne’ebé antes ne’e bá ona Dili, hodi halo estudu ida kona-bá ekonomia Timor-Leste ne’ebé sei lansa polítika modernizasaun ekonomia Timor-Leste iha tinan 2023.

“Ha’u ko’alia ona ona George Soros haruka ona ekipa ida ba Timor-Leste hodi halo estudu ba ami-nia ekonomia ne’ebé ami sei lansa dokumentu ida hanesan dalan ida ba modernizasaun Timor-Leste nia ekonomia iha tinan 2023,” Prezidente Repúblika José Ramos-Horta hateten iha komunikadu.

Programa modernizasaun ekonomia sei la’o tuir Planu Estratéjiku Dezenvolvimentu Nasionál-PEDN 2011-2030 ne’ebé antes ne’e governu anteriór kria no sosializa ona ba povu tomak, maibé tuir Horta katak, planu hirak ne’e sei haree fila-fali.

Vise Prezidete Kámara Komérsiu Indústria Timor-Leste, Fernando da Silva agradese ba esforsu Prezidente Repúblika Ramos-Horta nian, tanba bele involve sira koopera ho seitór privadu Português hodi ba loke investimentu iha Timor-Leste.

Advertisement

“Ita prontu atu servisu hamutuk ho seitór privadu Portugál hodi kria kampu servisu ba ita nia Timoroan sira, no governu tenki asegura estabilidade polítika no kria seguru de vida, hodi fo garantia ba ema loke investimentu,” Fernando da Silva hateten.

Fernando sujere importante liu ba Timor-Leste maka governu presiza kria didi’ak lei investimentu no lei ba rai fó garante ba seitór privadu estranjeirus loke investimentu no kria kampu servisu ba Timoroan sira.

Asuntu seluk tán maka tenki regula investimentu sira ba Timor-Leste, mak tenki ba ho kapitál boot, tanba daudaun ne’e governu fó livre ba ema faan sasan nesesidade bázika husi estranjeiru, maibé Timoroan sai abandonadu iha nia rain rasik.

Ekontru Xefe Estadu Ramos-Horta ne’e akompaña direta hosi Vise Prezidente CCI-TL Asuntu Transporte no Telekomunikasaun, Fernando da Silva, Emprezáriu Sancão Gomes, Na’in ba Empreza Esperansa Timor Oan-ETO, Nilton Gusmão no grupu emprezáriu feto Timor.

Governu reprezenta hosi Ministra Negósiu Estranjeiru no Kooperasaun, Adaljiza Magno, Embaixadora Timor-Leste ba Portugál, Isabel Amaral Guterres, Embaixadora Portugál ba Timor-Leste, Maria Manuela Bairos.

Advertisement

Hafoin simu posse iha loron 20 fulan-Maiu 2022, Xefe Estadu hala’o vizita Estadu ba nasaun sira hanesan, Indonézia, Austrália, Amérika, Kambodia no Portugál hodi konvida emprezáriu bele loke investimentu oin-oin iha Timor-Leste.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Xanana To’o Ona Grécia Atu Partisipa Konferénsia Oseanu

Published

on

Hatutan.com, (15 Abríl 2024), Díli—Primeiru-Ministru (PM), Kay Rala Xanana Gusmão, domingu (14/04/2024) ho delegasaun kontinua viajen hosi Reinu Unidu bá país Grécia.

(more…)

Kontinua Le'e

Internasionál

Xanana Husu Timor-oan iha Reinu Unidu Servisu Disiplina Atu Hadi’a Moris

Published

on

Hatutan.com, (15 Abríl 2024), Díli—Primeiru-Ministru (PM), Kay Rala Xanana Gusmão apela bá Timor-oan sira ne’ebé hala’o atividade no manán espriénsia servisu oioin iha Reinu Unidu, atu servisu ho disiplina no profisonál hodi hetan osan hadi’a ekonomia família, no kontribui bá dezenvolvimentu Timor-Leste.

(more…)

Kontinua Le'e

Internasionál

Xanana Enkoraza Konsuladu Jerál iha Bali Presta Servisu ho Profisionál

Published

on

Hatutan.com, (10 Abríl 2024), Díli— Primeiru-Ministru (PM), Kay Rala Xanana Gusmão molok kontinua viajen bá Reinu Unidu, halo vizita ida bá Konsuladu-Jerál Repúblika Demokrátika Timor-Leste (RDTL), iha Provínsia Bali-Indonézia, iha área Tukad Mas I/no 4-Renon, Denpasar-Indonézia.

(more…)

Kontinua Le'e
Advertisement

Trending