Hatutan.com, (03 Novembru 2022), Díli— Prezidente Repúblika Portugál, Marcelo Rebelo de Sousa atribui medalla kondekorasaun Ordem de Camões bá Prezidente Republika Timor Leste, José Ramos-Horta.

Prezidente Repúblika Portugál, Marcelo Rebelo de Sousa atribui medalla kondekorasaun Ordem de Camões bá Prezidente Republika Timor Leste, José Ramos-Horta. Foto/Média PR.

Ordem de Camões nu’udár Ordem Honorífica Portuguesa ida ne’ebé rekonesimentu nível aas bá pessoál sira ne’ebé ajuda habelar lingua Portugueza iha mundu.

Lee Mós: Ramos-Horta Partisipa Abertura Konferénsia Websummit bá Dala 22 Iha Lisboa

Prezidente Repúblika José Ramos-Horta konsidera kondekorasaun ne’e nu’udár rekonesimentu importante ida, ne’ebé la’òs atribui de’it ba nia, maibé Governu Portugueza oferese mós ba líder nasionál sira hanesan, Kay Rala Xanana Gusmã, Taur Matan Ruak, Mari Alkatiri no Fransisco Guterres Lú-Olo hodi hametin lasu amizade entre Timor-Leste ho Portugál.

“To’o agora ne’e ha’u hetan kondekorasaun boot tolu ne’ebé Governu Portugés fó ba ha’u. Primeiru kondekorasaun, Ordem De Liberdade, Portugal (1998), Ordem Dom Infante Portugál (2011) no terseiru mak Ordem de Camões nu’udár Ordem Honorífica Portuguesa hanesan orden ida aas liu, tanba ita nia relasaun di’ak loos entre Timor ho Portugál,” Hatutan.com sita deklarasaun Ramos-Horta iha komunikadu, Kuarta (03/11/2022).

Xefe Estadu hatutan Medalla Ordem de Camões hanesan orden ida aas liu ne’ebé Xefe Estadu Portugés atribui de’it ba nivel Xefe Estadu sira bainhira hala’o vizita Estadu hodi hametin kooperasaun bilaterál.

Durante ne’e, Xefe Estadu Ramos-Horta hetan ona rekoñesimentu prémiu mundiál hanesan, Premiu Novel da Paz (1996), Orden de Australia (2015),Ordem de Timor-Leste (2012),Ordem Dom Boaventura (2006), Orden de Brazil, Cuba, Guinea-Bissau no  Cavo Verde.

Jornalista: Vito Salvadór