Connect with us
Pakote Ahi

Nasionál

Abertura Festivál Múzika-Kultura, Ramos-Horta Fiar Ataúro Koñesidu iha Mundu

Published

on

Hatutan.com, (21 Novembru 2022), Ataúro—Prezidente Repúblika (PR), José Ramos-Horta halo abertura ba festivál Múzika no Kultura iha Munisípiu Ataúro, iha okaziaun ne’e Xefe Estadu fiar Illa ne’e sei koñesidu iha mundu nia matan ho sítiu turístiku no beleza naturál ne’ebé iha.

Prezidente Repúblika (PR), José Ramos-Horta hala’o abertura ba festivál Múzika no Kultura iha Munisípiu Ataúro, Segunda (21/11/2022). Foto/Vito Salvadór.

Xefe Estadu agradese ba povu Ataúro ne’ebé simu festivál ida-ne’e, agradese mós ba kolaborasaun institusaun Estadu hotu-hotu ne’ebé kolabora ba ida-ne’e, ba komunidade internasionál, Parseiru Internationál sira iha ne’e, Nasoens Unidas, Timor Leste nia parseiru iha tinan sira ne’e nia laran no sempre tulun Timor Leste.

Lee Mós: Festivál Múzika-Kultura Lori Ksolok bá Komunidade Ataúro

“Ataúro sai ona munisípiu. Ho festival ida ne’e  sei sai liu tán atrasaun turístiku ba mundu. Maibé, ita tenke haree, povu Ataúro imi mak hanesan kaer metin illa ida-ne’e. Kuda ai, kuda ai-fuan, kuda ai-funan labele soe lixu tama ba tasi. Ataúro tenke sai duni modelu ba meui ambiente di’ak ne’e iha imi nia liman, labele estraga de’it bee ne’ebé iha,” Ramos-Horta hateten iha diskursu, Segunda (21/11/2022).

Advertisement

Ramos-Horta husu Ataúro oan sira tenke aproveita Estadu, Governu nia komitmentu ba hametin programa nutrisaun nasionál hodi hatún tiha sub-nutrisaun iha Ataúro ba kosok oan sira, inan sira bele hetan hahán nutrisaun sufisiente bá saúde, estuda, ba rai Timor.

Xefe Estadu husu atu aproveita Governu ne’ebé iha ne’e, haensan oportunidade di’ak tebes atu hato’o problema ne’ebé tinan barak nia laran ko’alia  bele hetan solusaun, ladún difísil tanba uluk populasaun la barak bele iha orsamentu di’ak atu Ataúro bele dezenvolve.

Nune’e mós Administradór Munisípiu Ataúro, Domingos Soares iha nia diskursu agradese ba biban ida ne’e, sente orgullu no preveléjiu boot tebes lori Ataúro oan tomak nia naran hato’o liafuan, agradese wain tebes ba Prezidente Repúblika ho Primeiru Ministru nia laran luak hodi deside festivál múzika no kultura realiza iha Ataúro.

Festivál ida-ne’e nu’udár eventu boot tebes dahuluk nian, ne’ebé realiza iha Munisípiu Ataúro hafoin nakfilak an hosi Postu Administrativu ba Munisípiu.

Ataúro hori ukuk kedan tempu Portugés nian, sai parte integrante hosi Kámara Munisipál Díli nu’udár Postu Administrativu ne’ebé iha Munisípiu Díli iha tempu Indonézia nian.

Advertisement

Tuir mai, nu’udár Postu Administrativu hafoin Timor Leste restaura ukun rasik-an iha loron ida fulan Janeiru tinan 2022 trasnforma hosi Postu Administrativu ba Munisípiu.

“Ho transformasaun ida-ne’e lori Ataúro oan tomak nia naran hato’o ami nia agradesimentu ba Estadu no liu hosi VIII governu konstituisional ne’ebé ho vontade polítika tomak deside liu hosi dekretu lei númeru 11/2012 kona-bá divizaun administrativa territóriu, fó biban legál ba Ataúro nu’udár Munisípiu ida, ne’e oportunidade murak ba futuru dezenvolvimentu Ataúro,” Domingos Soares hateten.

Festivál múzika no kultura iha Ataúro durante semana ida nia laran ne’e bele hatene situasaun real sira molok hamutuk dezenvolve Ataúro sai fatin turistiku ida, nune’e nei-neik maibé bei-beik asaun sira promosaun nian, hanesan festival ida ne’e bele lori duni Ataúro ba mundu.

Ataúro oan sira hotu sempre hamutuk iha hanoin, asaun no hamutuk hodi goja rezultadu sira ne’ebé sei produs hamutuk, hein katak lema ida ne’ebé iha bele aplika mós ba ida-idak no hotu-hotu iha fatin ida ne’e ba festival murak, hein katak hamutuk ne’e sei lori duni Atauro ba mundu.

“Ami nia esperansa kontinua hadaet husi espiritu ita hotu nian, desizaun hodi realiza festival ida ne’e iha Atauro sai ezemplar ba ami hotu hodi dezenvolve ita nia futuru hamutuk,” nia tenik.

Advertisement

Prezidente Komisaun Organizadora, Azevedo Lourenço da Costa Marçal hateten, festivál ida-ne’e inisiativa hosi Xefe Estadu no Xefe Governu ne’ebé hetan apoiu hosi parseiru dezenvolvimentu sira liu-liu povu Ataúro.

Tanba ne’e partisipante ne’ebé partisipa iha festivál ne’e purvolta 2.500 to’o 3.000, hosi totál ne’e 1.200 mak sei hola parte iha kompetisaun ne’ebé komisaun organizadora organiza.

Iha serimónia abertura ba festivál ne’e hetan partisipasaun hosi Primeiru-Ministru Taur Matan Ruak,  Prezidente Tribunál Rekursu, membru Governu VIII governu konstituisional, partisipante sira iha feira, bainaka hosi nasaun Indonézia Nusa Tenggara Timur (NTT), inklui embaixadores hosi nasaun sanulu resin 14 ne’ebé reprezenta vestuáriu kulturál kada munisípiu hanesan Embaixadór Indonézia,  Austrália, Brunei Darussalam, Estadus Unidus Amérika, Tailândia, Malázia, Brazil, Filipina, França,  Nova Zelándia, Sarawi no Uniaun Europeia.

Munisípiu Ataúro jeografikamente ho luan 150 kilometrus kuadradu no administrativamente la forma hosi Postu Administrativu sira.

Munisípiu Ataúro kompostu hosi Suku lima maka hanesan Vila Maumeta, Beloi, Biqueli, Maquili no Makadade ho totál populasaun tuir Sensus tinan 2015 nian, hamutuk rihun 11.744, kompozisaun feto rihun 5.509 no mane 115 namkari iha aldeia 19 nia laran.

Advertisement

Jornalista: Vito Salvadór  

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

CI ho ABC-ID Lansa Matadalan Jornalizmu Inkluzivu

Published

on

Hatutan.cm, (16 Abríl 2024), Díli—Conselho de Imprensa (CI) servisu hamutuk ho Australia Broadcasting Coorporation-International Development (ABC-ID) hala’o lansamentu bá Matadalan Jornalízmu Inkluzivu.

(more…)

Kontinua Le'e

Nasionál

Projetu Reabilitasaun Estrada iha Díli Laran “La Obedese” bá Prinsípiu Transparénsia

Published

on

Hatutan.com, (16 Abríl 2024), Díli– Iha Rejime Jurídiku Aprovizionamentu (RJA) fó sentidu katak  projetu fíziku (projetu ho karater emerjénsia ka karater normal)  ne’ebé iha implikasaun bá Orsamentu Estadu nian tenke tane as no garante prinsípiu transparénsia.

(more…)

Kontinua Le'e

Nasionál

Prezidente Repúblika ho CCI-TL Diskute Dezafiu Investimentu iha TL

Published

on

Hatutan.com, (16 Abríl 2024), Díli Prezidente Repúblika (PR), José Ramos-Horta hamutuk ho Câmara Comercio Indústria Timor-Leste (CCI-TL) hala’o diskusaun kona-bá dezafiu investimentu iha Timor-Leste liuliu liga ho lejislasaun sira.

(more…)

Kontinua Le'e

Trending