Hatutan.com, (26 Novembru 2022), Díli-Prezidente Repúblika (PR), José Ramos-Horta, husu joven timoroan sira atu estuda maka’as ho dixíplina to’o tempu ida bele sai matenek hodi ukun fali Timor-Leste.

Lee Mós : Governu Tau $500.000 bá Serimónia Komemorasaun Loron Proklamasaun Independénsia

Prezidente Repúblika (PR), José Ramos-Horta. Foto/Elio dos Santos da Costa

Xefe Estadu hato’o nia apelu ida-ne’e uianhira husu nia mensajen bá aniversáriu loron Proklamasaun Independénsia  bá dala-47 (28 Novembru 1975-28 Novembru 2022).

Dala-ida tán, Ramos-Horta dehan, Timor-Leste halo selebrasaun 28 Novembru  bá dala-47, kona-bá eventu istóriku bá deklarasaun uniletral independensia, tán ne’e, husu joven sira labele haluha. Katak sira ne’ebé halo deklarasaun unilateral independensia ne’e, uluk, balu sei ho idade tinan 23, tinan 24 no balu  tinan 25, menus Saudozu Nicolau Lobato, ne’ebé mak ho idade tinan 28, no sé la sala Proklamadór Francisco Xavier Amaral ho idade tinan 32. Maibé, sira hotu joven, esperiénsia laiha.

Advertisement

“Kuandu ita selebra 28 N ovembru, ha’u husu bá joven sira, primeiru, ami mós uluk joven, maibé ho korajen, halo duni deklarasaun bá independénsia. La hatene saida mak atu akontese aban. Uluk, bainhira nia simu ordém hosi Komandu En-xefe Nicolau Lobaro, sai hosi Timor-Leste bá Nova Yorke, Nasoins Unidas, nia nunka bá iha Nova Yorke, nunka bá iha sidade boot ida, la hatene, nasoins unidas mak saida no hahú iha ne’ebá halo negosiasaun  to’o tinan 24 nia laran. Iha tinan sira nia laran, ema rihun bá rihun lakon nia vida, mate, ami família rasik, alin mane rua, alin feto ida, mãe mós halai bá foho, no alin sira seluk halai bá foho. Ne’e istória ne’ebé ita timoroan la bele haluha no fó onra nafatin ba timoroan hotu nia luta no nia sakrifisiu ho dedikasaun ba rai ida ne’e,” Ramos-Horta, hateten, Sesta (25/11/2022).

Jornalista : Rogério Pereira Cárceres

Advertisement