Defeza & Seguransa
Joven Na’in-rua Uza Farda Arte Marsiál “Asalta” Membru PNTL
Hatutan.com, (29 Novembru 2022), Díli—Ekipa Konjunta kompostu hosi Ekipa Investigasaun Móvel, Servisu Informasaun Polísia (SIP), Servisu Nasionál Intelijénsia (SNI) datein ona joven na’in-rua ne’ebé uza farda Arte Marsiál no tenta asalta membru Polísia Nasionál Timor-Leste (PNTL) na’in-ida iha área Taibesi Monumentu Chalma, Suku Lahane Orientál, Postu Administrativu Na’in-Feto, Segunda (28/11/2022) tuku 21:00 otl.
Ekipa Konjunta kompostu hosi Ekipa Investigasaun Móvel, Servisu Informasaun Polísia (SIP), Servisu Nasionál Intelijénsia (SNI) datein ona joven na’in-rua ne’ebé uza farda Arte Marsiál no tenta asalta membru Polísia Nasionál Timor-Leste (PNTL) na’in-ida iha área Taibesi Monumentu Chalma, Suku Lahane Orientál, Postu Administrativu Na’in-Feto, Segunda (28/11/2022) tuku 21:00 otl. Foto/PNTL.
Tuir kronolojia, membru PNTL ho naran Januário de Jesus hosi Servisu Informasaun Polísia, sai hosi uma ho motór atu ba servisu fatin iha Kuartél Jerál PNTL, maibé iha dalan joven sira uza atributu Grupu Arte Marsiál (GAM) hosi PSHT hemu tua iha dalan ninin ho kondisaun lanu koko hapara membru polísia ne’e.
Lee Mós: Suspeitu Sira Asalta Membru F-FDTL Submete bá Primeiru Interrogatóriu
Haree ba kondisaun iha ameasadu nia laran, vítima dehan nia nu’udár membru PNTL maibé grupu joven sira ne’e la fiar, nune’e vítima halo rezisténsia no bolu kedan ekipa apoiu mai hamutuk ho patrullamentu Na’in-Feto iha na’in-51 hodi duni no buka-tuir suspeitu sira to’o kaptura.
Ekipa apoiu to’o iha fatin akontesimentu, suspeitu sira konsege halai maibé komunidade iha área ne’e ajuda PNTL hodi informa suspeitu sira nia subar fatin no PNTL mos halo kedan kapturasaun ba joven mane na’in-rua ho naran inisial FXDRP tinan 23 hela iha Taibesi Monumentu Chalma, Suku Lahane Orientál, Postu Administrativu Na’in-Feto, nu’udár traballadór iha kompañia lokál no hosi GAR 77. Enkuantu suspeitu ida seluk ho naran KJAC tinan 20, hosi GAM IKS.
“Iha prosesu identifikasaun, suspeitu sira koopera di’ak hodi deklara katak sira la’ós grupu PSHT, maibé tanba ho kondisaun lanu entaun sira halibur hamutuk uza atributu PSHT nian hodi asalta sira nia inimigu balun no laiha intensaun atu hapara membru PNTL ne’e,” Hatutan.com sita komunikadu.
Hafoin asegura suspeitu na’in-rua, PNTL kontinua buka-tuir tán suspeitu seluk ne’ebé involve iha kazu perturbasaun órden públika ne’e.
Enkuantu, ekipa patrulla Na’in-Feto hamutuk na’in 51 lori kedan suspeitu na’in-rua ne’e ba iha Eskuadra PNTL hodi kontinua halo prosesu investigasaun.
Jornalista: Rogério Pereira Cárceres
Defeza & Seguransa
PM Xanana Observa Direta Atuasaun PCIC Desmantela Scam Call Centre iha City-8 no Kaer Mós Xinés 18 iha Kuluhun
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
