Connect with us
Pakote Ahi

Manatuto

Dezde 04 Abríl 2021 To’o Agora, Populasaun Suku Laku Mesak La Asesu Eletrisidade

Published

on

Hatutan.com, (19 Dezembru 2022), Díli-Tinan ida liu ona dezastre  naturál, 04 fulan-Abríl 2021. Kalamidade ne’e lori sofrimentu oioin bá abitante sira kuaze rihun iha territóriu Timor-Leste.

Lee Mós : Komunidade Afetadu Inundasaun 04 Abril iha Laclo Simu Nesesidade Bázika Hosi Prezidénsia Repúblika

besi-riin eletrisidade monu tanba inundasaun iha 04 fulan-Abríl 2021. Foto/GPR

Alem de iha Dili laran, abitante atus resin iha munisípiu balun sofre direita bá dezastre naturál ne’e. Barak lakon sira-nia hela fatin, ai-han sira la salva, animal hakiak mate mohu, kintál no natar sira ektare ba ektare naksobu, inklui fasilidade públiku sira mós naksobu.

Ema balun lakon vida no lakon sira-nia membru família tanba kauza hosi inundasaun ne’ebé rai monu no mota boot tuun tama to’o komunidade sira nia horik fatin.    

Advertisement

Temin de’it abitante sira iha Suku Laku Mesak, Postu Administrativu Laclo, Munisípiu Manatuto. Dezde dezastre naturál 04 fulan-Abríl 2021 to’o agora moris terus iha nakukun laran tanba dezde tempu ne’ebá liña distribuisaun  eletrisidade kotu total inklui besi-riin eletrisidade sira balun tohar no monu.

Xefe Suku Laku Mesak, Filomeno Rodrigues Pereira Carçeres, hateten  problema ida-ne’e aprezenta ona ba Autoridade Munisípiu Manatuto hodi levanta to’o governu sentrál, maibé to’o agora seidauk foti desizaun haruka ekipa tekniku no Ministériu Obras Públika (MOP liu hosi Institutu Gestaun Ekipamentu (IGE) atu bele koloka ekipamentu pezadu bá hadi’a hikas kondisaun estrada no ponte hirak ne’ebé kotu.

“Mota boot tun mai sobu hotu besi-riin eletrisidade nian no to’o agora besi-riin eletrisidade nia lubuk ida monu no rai halai halo fiu eletrisidade lubuk kotu ahi la lakon to’o agora,” Xefe Suku Laku Mesak,  Filomeno Rodrigues Pereira Cárceres hateten.

besi-riin eletrisidade monu tanba inundasaun 04 fulan-Abríl 2021 to’o agora seidauk hadi’a. Foto/GPR

Sita hosi komunikadu imprensa hosi Gabinete Palásiu Prezidensiál, Segunda (19/12/2022), Maria Batu-Leci, abitante ida hosi Suku Laku Mesak triste boot tanba  sira-nia aldeia to’o agora eletrisidade riin harii ona, maibé intalasaun fiu eletrisidade seidauk to’o sira-nia horik-fatin.

“Ida ne’ebé halo ha’u tristi liu maka to’o agora eletrisidade seidauk lakan, udan tinan kotuk halo besi-riin eletrisidade monu hotu, ahi la lakon to’o agora,” Maria Batu-Leci hateten.

Xefe Aildeia Raihatu, José da Silva husu bá governu tau konsiderasaun ba problema ne’ebé povu enfrenta bele solusiona hodi povu bele moris ho kontente no goja liberdade independensia ne’e.

Advertisement

Nia dehan, povu Laclo no aldeia lubuk ida durante tempu rezistensia subar mós lider rezidensia sira hanesan atuál Primeiru Ministru, Taur Matan Ruak no veteranu lubuk bá  hela iha ne’ebá povu maka salva  no tau matan.

Agradese bá Prezidente Repúblika

Populasaun sira hosi Suku tolu hanesan, Uma Naruk, Laku Mesak no Suku Laikore Postu Administrativu Laclo, Munisípiu Manatuto hato’o agradese bá Prezidente Repúblika, José Ramos-Horta ne’ebé distribui ai-han bazika hanesan, foos, mina, supermi bá povu ne’ebé moris vulneravél liu.

Assesor Logistika no Patrimóniu Presidensia Repúblika, Joel Cristovão entrega apoia nesesidade baziku bá komunidade sira iha Uma Naruk, Laku Mesak no Suku Laikore Postu Administrativu Laclo, Munisípiu Manatuto. Foto/GPR

Apoia ai-han ne’e distribui direita hosi Assesor Logistika no Patrimóniu Presidensia Repúblika, Joel Cristovão bá populasaun sira kompostu Aldeia Fahilakor ema na’in-71, Suku Uma Naruk, Aldeia Labubu na’in-93, Suku Laku Mesak, no Suku Laikore na’in-31.

Populasaun Maria Batu-Leci hosi Suku Laku Mesak hato’o agradese bá apoia ai-han hirak ne’e bele ajuda sira nesidade uma laran.

“Ami agradese tebes ba apoiu aihan ne’e labele haree bá ninia kuantidade ituan ka barak, agradese liu ita-nia prezidente bele fó apoiu hirak ne’e too duni mai ami,” Maria Batu-Leci hateten.

Advertisement

Iha fatin hanesan, Xefe Aldeia Raihatu, José da Silva apresia tebes ho apoia PR Ramos-Horta ne’ebé halo distribuisaun ai-han bá povu tomak inklui sira-nia aldeia bele konsumu hodi simu selebrasaun festa Santu Natál no tinan foun 2023 .

Populasaun sira iha área ne’ebá maioria moris ho vida agrikultura halo toos hanesan kuda batar, forerai, ai-farina no ai-han sira seluk tan, tanba maioria povu hela iha foho leten.

Iha fatin hanesan, Assesor Logistika no Patrimóniu Presidensia Repúblika, Joel Cristovão dehan, apoia ne’e Xefe Estadu Ramos-Horta haruka distribui prioridade bá povu ne’ebé hela iha área remotas no la asesu ba eletrisidade, bee-moos no estrada.

 “Apoia ne’e fó hosi ita nia prezidente hodi ajuda ama no apa no alin sira bele konsumu durante loron boot natal,” Joel Cristovão hateten.

Joel hatutan, apoiu ne’e ekipa hala’o distribuisaun mós bá Aileu, Ermera, Maliana-Bobonaro no família sira ne’ebé ho kondisaun difisiensia.

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Komunidade Natarbora Prontu Oferese Rai Harii Sentru Dezenvolvimentu Integradu bá Petróleu

Published

on

Hatutan.com, (13 Favereiru 2024), Manatuto-Komunidade sira iha Suku Aubeon, Postu Administrativu Barique/Natarbora, Munisípiu Manatuto, prontu oferese sira-nia rai bá Governu liuhosi Ministériu Petróleu no Rekursus Minerais (MPRM) atu harii sentru dezenvolvimentu integradu bá petrólu nian.

(more…)

Kontinua Le'e

Manatuto

Governu Sei Harii Uma Dignu 50 bá Komunidade Aubeon ho Orsamentu kada Uma $40,000.00

Published

on

Hatutan, (12 Fevereiru 2024), Manatuto – Vise-Primeiru Ministru no Ministru Koordenadór Asuntu Sosiál ho Ministru Dezenvolvimentu Rural no Abitasaun Komunitáriu, Mariano Assanami Sabino, kompromete harii uma dignu unidade 50 bá komunidade Suku Aubeon, Postu Administrativu Barieque, Munisípiu Manatuto.

(more…)

Kontinua Le'e

Manatuto

Filomeno Cárceres Manán Maioria Absoluta Iha Suku Lakumesak

Published

on

Hatutan.com, (29 Outubru 2023), Lacló—Kandidatu númeru sorteiu 03, iha eleisaun órgaun suku tinan ne’e nian, Filomeno Rodriguês Pereira Cárceres, manán ho votu maioria absoluta iha Suku Lakumesak, Postu Administrativu Lacló, Munisipiu Manatuto.

(more…)

Kontinua Le'e

Trending