Connect with us
Pakote Ahi

Manatuto

Komunidade Afetadu Inundasaun 04 Abril iha Laclo Simu Nesesidade Bázika Hosi Prezidénsia Repúblika

Published

on

Hatutan.com, (10 Dezembru 2022), Díli—Prezidénsia Repúblika oferese apoiu umanitáriu ba komunidade uma-ka’in 200 iha postu Administrativu Laclo, munisípiu Manatuto, tanba tinan rua ona la halo toos no natar hafoin hetan estragus hosi dezastre naturais iha 04 abril 2021.

Prezidénsia Repúblika oferese apoiu umanitáriu ba komunidade uma-ka’in 200 iha postu Administrativu Laclo, munisípiu Manatuto, tanba tinan rua ona la halo toos no natar hafoin hetan estragus hosi dezastre naturais iha 04 abril 2021, Sábadu (10/12/2022). Foto/Média PR.

Problema ne’ebé komunidade enfrenta, identifika hosi Assesór Polítiku Prezidénsia Repúblika, Tomás do Rosário Cabral, hafoin halo monitorizaun iha àrea Laclo no Manatuto Vila.

Lee Mós: Governu Kontinua Abandona Vítima Dezastre Naturál 04 Abríl 2021

Nune’e Prezidente Repúblika, José Ramos-Horta orienta kedan ekipa hodi distribui ai-han nesesidade bázika sira-ne’e hodi hein Institutu Jestaun no Ekipamentu (IJE) normaliza irrigasaun ne’ebé mak hetan estragus.

Advertisement

“Lori apoiu umanitáriu ne’ebé mak Prezidente entrega hela ba sira iha área ne’e tanba sira afetadu hosi inundasaun iha dia 04 abríl tinan rua liu bá. Estraga natar barak tebes, irrigasaun mós ladún la’o di’ak, komunidade uza de’it ai-han lokál ne’ebé iha hanesan akar,” reprezentante ekipa Prezidénsia Repúblika, Júlio Gonçalves hateten iha komunikadu, Sábadu (10/12/2022).

Prezidénsia Republika sei tulun mós komunidade iha àrea Bazartete, Munisipiu Liquiça, Bobonaro, Aileu no no Koléjiu Madre sira nian iha Postu Administrativu Soibada, Munisípiu Manatuto ne’ebe hasoru problema hanesan.

Xefe Suku Laicore, Postu Administrativu Laclo, Munisípiu Manatuto, Zeltino Tino do Rosário Cárcerres, agradese Xefe Estadu ne’ebé tulun komuidade tanba tinan rua ona la halo to’os no natar.

Reprezentante Komunidade Afetadu, José Kai Soares sente kontente tanba bele hetan apoiu nessesidade bázika hosi Prezidénsia Repúblika.

Durante ne’e povu agrikultór iha aldeia Ilihuli, Suku Iliheu Postu Administrativu Manatutu Villa hasoru difikuldade no han de’it akar, hafoin sira-nia natar kuaze ektares 500-resin hetan estragus hosi mota.

Advertisement

Apoiu ai-han bázika ne’ebé Prezidente Repúblika fó bá komunidade afetadu sira hanesan fo’os sakas 400, supermie kaixa 400 inklui mina bimoli lítru rua hamutuk 400.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Komunidade Natarbora Prontu Oferese Rai Harii Sentru Dezenvolvimentu Integradu bá Petróleu

Published

on

Hatutan.com, (13 Favereiru 2024), Manatuto-Komunidade sira iha Suku Aubeon, Postu Administrativu Barique/Natarbora, Munisípiu Manatuto, prontu oferese sira-nia rai bá Governu liuhosi Ministériu Petróleu no Rekursus Minerais (MPRM) atu harii sentru dezenvolvimentu integradu bá petrólu nian.

(more…)

Kontinua Le'e

Manatuto

Governu Sei Harii Uma Dignu 50 bá Komunidade Aubeon ho Orsamentu kada Uma $40,000.00

Published

on

Hatutan, (12 Fevereiru 2024), Manatuto – Vise-Primeiru Ministru no Ministru Koordenadór Asuntu Sosiál ho Ministru Dezenvolvimentu Rural no Abitasaun Komunitáriu, Mariano Assanami Sabino, kompromete harii uma dignu unidade 50 bá komunidade Suku Aubeon, Postu Administrativu Barieque, Munisípiu Manatuto.

(more…)

Kontinua Le'e

Manatuto

Filomeno Cárceres Manán Maioria Absoluta Iha Suku Lakumesak

Published

on

Hatutan.com, (29 Outubru 2023), Lacló—Kandidatu númeru sorteiu 03, iha eleisaun órgaun suku tinan ne’e nian, Filomeno Rodriguês Pereira Cárceres, manán ho votu maioria absoluta iha Suku Lakumesak, Postu Administrativu Lacló, Munisipiu Manatuto.

(more…)

Kontinua Le'e
Advertisement

Trending