Connect with us
Pakote Ahi

Ekonomia

Feira Nasionál Promosaun Produtu Lokál Atu Promove Inovasaun

Published

on

Hatutan.com, (21 Dezembru 2022), Díli— Feira Nasionál Promosaun Produtu Lokál ne’ebé Governu liu hosi Ministériu Turizmu, Komérsiu no Indústria (MTKI) organiza iha Portu Díli ho objetivu atu promove Inovasaun no kooperasaun entre parte sira tantu aprezentadores, vendedores ho vizitantes.

Lansamentu Feira Nasionál Promosaun Produtu Lokál Periúdu 20 Dezembru 2022 – 20 Janeiru 2023 iha Portu Díli – Casa Europa, Tersa (20/12/2022). Foto/AIFAESA,I.P.

Ministru MTKI, José Lucas do Carmo da Silva ko’alia asuntu ne’e iha ámbitu Lansamentu Feira Nasionál Promosaun Produtu Lokál Periúdu 20 Dezembru 2022 – 20 Janeiru 2023 iha Portu Díli – Casa Europa, Tersa (20/12/2022).

Lee Mós: Governu Agradese bá Partisipasaun Manatuto Oan Iha Feira Nasionál

“Feira ne’e hakarak fó oportunidade ba Seitór Privadu, Emprendedores Mikro, Pekenas no Medias Emprezas iha nível lokál no nasionais bele partisipa hodi hatudu sira nia produtu lokál, nunee vizitante sira bele mai hola no halo kontaktu ema ho ema no buka halo konvivénsia hodi nune’e hetan koñesimentu, experiénsia, iha ideia inovadoras no loke oportunidade ba kooperasaun entre parte interesadu sira,” José Lucas do Carmo da Silva hateten.

Advertisement

Bazeia ba obeservasaun durante tinan lima nia laran, ekonomia Timor-Leste (TL) hasoru dezafiu boot tebes tanba situasaun no dinámika polítika ne’ebé afeta tebes ba estabilidade governativa, Covid-19, dezastre naturál no estabilidade politika globál afeta mós ba ekonomia família, komunidade no nasaun TL.

Maski nune’e, Governo ho Seitór Privadu no Empreendedor sira buka nafatin atu hamosu oportunidade negósiu hodi tulun Micro, Pekena no Media Empreza sira atu hala’o sira nia atividade negósiu hodi hetan evolusaun no transformasaun iha kultura negósiu hosi negósiu tradisionál ba negósiu modernu ho sistema dijitalizasaun hahú hosi negósiu grosir to’o retaillu.

Tanba nee, Governu hamutuk ho seitór Privadu no Empreendedór sira tau esforsu hamutuk hodi organiza Feira Nasionál Promosaun Produtu Lokál ida-ne’e bele promove edukasaun, inovasaun no kooperasaun entre partes tantu aprezentadór no vendedór ho vizitantes no kompradór sira.

Ba ne’e, Governu liuhosi MTKI prepara ona Planu Estratéjiku Nasionál ba Dezenvolvimentu Turizmu Timor-Leste 2023 – 2030 ho vizaun dezenvolve Timor-Leste nu’udár destinu ida ne’ebé úniku, Inkluzivu, Sustentável no Responsável.

Partisipante sira iha feira ne’e mak hanesan Autoridade Inspesaun no FIskalizasaun, Atividade Ekonómika Sanitária no Alimentar, Trade Invest, SERVE, INDMO, CLN, IADE, IGT, CNEFP-Tibar no CNFP Becora hanesan Ajénsia tuteladu ne’ebé hamutuk ho MKAE.

Advertisement

Jornalista: Elio dos Santos da Costa

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Governu Suspende Temporariamente Jogu Bola Guling

Published

on

Hatutan.com, (27 Marsu 2024), Díli- Inspetór Jerál do Jogu (IGJ, sigla portugés) hasai rezolusaun Nú.14/2024 de 20 de Março, hodi suspende temporariamente atividade jogu bola guling.

(more…)

Kontinua Le'e

Ekonomia

Kada Fulan, Timoroan Lori Millaun $5 bá Kompras iha Atambua

Published

on

Hatutan.com, (27 Marsu 2024), Díli-Prezidente  Kamara Komérsiu no Indústria Timor-Leste (CCI-TL, sigla portugés), Jorge Manuel de Araújo Serrano, hateten timoroan nia osan kada fulan purvolta  millaun $5-resin mak semo bá merkadu Atambua, Timor Osidentál hodi bá kompras produtu báziku sira, hanesan tomate, supermie, sutate, masako, sigaru, trigu, mina dapur nian, raupa ho seluk-seluk tan.

(more…)

Kontinua Le'e

Ekonomia

Vizita Surpreza Vise-PM bá SERVE, I.P, Diretór Ezekutivu Laiha Fatin Tanba Partisipa Kongresu ATCPTL

Published

on

Hatutan.com, (26 Marsu 2024), Díli—Vizita surpreza Vise-Primeiru-Ministru no Ministru Koordenador bá Assuntu Ekonómia no Ministru Turizmu no Ambiente, Francisco Kalbuadi Lay,  bá   Servisu Verifikasaun Emprezarial, Institutu Públiku (SERVE I.P), Tersa (26/03/2024), la bele simu hosi Diretór Ezekutivu SERVE,I.P, Florêncio da Costa Sanches tanba partisipa hela iha kongresu Assosiasaun Transporte Kontentóres Portu Timor-Leste (ATCPTL-sigla portugés).

(more…)

Kontinua Le'e

Trending