Connect with us
Pakote Ahi

Dili

Breaking News: Mgr. José António Baixa Hela iha ICU

Published

on

Hatutan.com, (27 Dezembru 2022), Díli– Amu Pároku bá Parókia Nossa Señora Imaculada da Conceição, Katedrál, Díli, Mgr. José António da Costa, hala’o hela tratamentu intensivu iha Unidade Cuidado Intensivo (ICU, sigla Ingles) Ospitál Nasional Guido Valadares (HNGV), Díli.

Mgr. José António da Costa tuur iha kadeira roda bainhira paritispa iha misa ida iha Ifgreja Katedral Dili, foin lalais ne’e. Foto/Dok. Dioseze Dili

Xefe Departamentu bá Kuidadu Intensiva-HNGV, Vidál de Jesus Lopes, informa katak, kondisaun saúde Mgr. José António da Costa nian iha sala ICU  iha  faze kritiku, mas seidauk hakotu iis.

“Informasaun ida ne’ebé empalla iha média sosiál ne’e katak Amu José hakotu ona iis ne’e laloos no lansa hosi ema ne’ebé laiha responsabilidade. Nune’e, husu bá povu no sarani tomak atu labele fiar informasaun ida ne’e. Amu José António sei moris hela, sei baixa hela iha ICU-HNGV iha faze krítiku,” Xefe Departamentu bá Kuidadu Intensiva, Vidál de Jesus Lopes, informa bá jornalista sira iha sala ICU, HNGV, Bidau Dili, tersa (27/12/2022). 

Mgr. José António da Costa, baixa ka tama iha HNGV iha loron 23 fulan-Dezembru, no bazeia bá informasaun hosi família katak, durante semana ida ona iha uma, nia la han, la hemu. Nune’e, bainhira família sira lori to’o iha emerjénsia ho kondisaun ida ne’ebé koma.

Advertisement

“Nia nivel konsiénsia ne’e menus. Ne’e mak hosi ne’ebá kedas, médiku sira halo intervensaun no agora daudauk iha ona ICU, iha faze krítiku. Nia iha faze ida ne’ebé krítiku. Signifika ho ventiladór hela, agora nia apoiu hosi ventiladór, hodi nia dada iis,” médiku espesialista Timoroan, Vidál de Jesus Lopes hateten.

Molok ne’e, padre José António, apaña ona moras balu, no moras ne’ebé nia apaña ne’e kleur ona, baibain família sira lori nia bá halo kontrola iha HNGV. Uainhira tama loron 23 fulan-Dezembru ne’e, amu nia kondisaun komesa komplika ona.

“Nia iha moras ne’ebé agora daudauk iha ICU ne’e, ita bele dehan nia órgaun sira ne’e la funsiona ho di’ak, nia ami konsidera hanesan nia failure multi pleoreant. Ne’ebé, ami mantein nafatin ho ai-moruk, posibilidade rekursu ne’ebé mak iha, ami fó ida di’ak liu,”   nia hateten.

Hatán kona-bá ho kondisaun Padre José António nian ne’ebé oras ne’e iha ona faze krítiku nia laran ne’e, bele rekomenda bá hala’o tratamentu saúde iha rai li’ur, Vidál de Jesus Lopes, esplika, iha situasaun ida hanesan ne’e, primeiru, bazeia bá padre nia kondisaun. Segundu, bazeia bá idade.

“Idade 82 anus, nia kondisaun ne’ebé mak iha, bazeia bá esperiénsia no kritériu iha ne’e, nia laiha kritériu atu transfere bá li’ur,” Vidál de Jesus Lopes esplika.

Advertisement

Médiku Timoroan ne’e esplika tán, atu transfere bá li’ur, tenke halo tuir mós bá prosedimentu lubun ida, Ospitál ne’ebé mak atu simu, atu manda hosi ne’e bá mós, tenke liuhosi faze ida junta médika.

“Junta médika uainhira iha posibilidade bá mak ita bele salva iha li’ur, okey, ne’e ita bele bá ona. Mais bá mak, nia outcome, nia rezultadu nafatin, ne’e signifika ita laiha kritériu atu rujuk bá li’ur,” Vidál de Jesus Lopes, hateten.

Mgr. José António da Costa, afeta moras ran-midár no tensaun. Nia apaña kleur ona, nia halo intervensaun iha rai-li’ur mós dala-barak ona, depois komplikasaun iha loron 23 fulan-Dezembru, lori nia mai to’o iha ICU no agora nia iha faze koma hela.

Jornalista: Rogério Pereira Cárceres

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Austrália Komprometidu Kontinua Promove Pás no Prosperidade iha Sudeste Aziátiku no Timor-Leste

Published

on

Hatutan.com, (26 Fevereiru 2024), Díli- Embaixadóra Austrália mai Timor-Leste, Caitlin Wilson hateten Austrália iha kompromisu  atu hametin kooperasaun no promove pás no prosperidade ho nasaun sira Sudeste Aziátiku no Timor-Leste.

(more…)

Kontinua Le'e

Dili

PN husu Governu Kriá Kondisaun bá Vendedór Roupa Obralan Ai-mutin

Published

on

Hatutan.com, (22 Fevereiru 2024), Díli– Reprezentante povu iha Parlamentu Nasionál liuhosi Bankada n FRETILIN husu Governu kriá uluk kondizaun molok muda  vendedór obralan Ai-mutin.

(more…)

Kontinua Le'e

Dili

Governu Sei Sobu Loja no Konstrusaun sira Ne’ebé Okupa Espasu Públiku

Published

on

Hatutan.com, (19 Fevereiru 2024), Díli- Governu liuhosi Sekretária Estadu Toponímia no Organizasaun Urbana (SEATOU) hamutuk ho ekipa konjuntu Ministériu Obras Públikas (MOP), Sekretáriu Estadu Protesaun Sivíl (SEPS), Sekretáriu Estadu Teras (SET), Autoridade Munisípiu Dili, no Polísia Nasionál Timor-Leste (PNTL) sei sobu obrigatóriu loja sira ne’ebé taka valeta no konstrusaun seluk ne’ebé okupa espasu públiku iha Dili.

(more…)

Kontinua Le'e
Advertisement

Trending