Hatutan.com, (18 Janeiru 2023), Díli—Prezidente Repúblika (PR), José Ramos-Horta hasoru-malu ho Primeiru Ministru Kosovo, Albin Kurti, hodi ko’alia kona-bá oportunidade kooperasaun entre rai rua iha futuru, Tersa (18/01/2023).

Prezidente Repúblika (PR), José Ramos-Horta hasoru-malu ho Primeiru Ministru Kosovo, Albin Kurti, hodi ko’alia kona-bá oportunidade kooperasaun entre rai rua iha futuru, Tersa (18/01/2023). Foto/Média PR.

Enkontru bilaterál ne’e hanesan ajenda privada hosi Prezidente Repúblika, José Ramos-Horta durante Fórum Ekonómiku Mundiál ne’ebé hahú iha loron 16 to’o 21 fulan Janeiru iha Davos Suísa.

Lee Mós: Ramos-Horta Sei Halo Promosaun bá Potensialidade Turístika no Kafé TL Iha WEF

“Sorumutu ho Primeiru-Ministru Kosovo ne’e hanesan oportunidade atu bele diskute oportunidade sira ba kooperasaun iha futuru, liu-liu iha área sira ne’ebé sei lori benefísiu ba Timor-Leste,” Hatutan.com sita deklarasaun Ramos-Horta iha komunikadu.

Advertisement

Fórum Ekonómiku Mundiál ne’e atu diskuti medida adaptasaun sustentál  ba panorama mundu ne’ebé afetadu hosi akesimentu polar, liu hosi servisu hamutuk ho aliansa sientista sira, povu indíjenas, foin sa’e, empreza, sosiedade sivil no inovadór sira.

Prezidente Repúblika mós sei ko’alia iha reflesaun kona-bá lideransa ligada ho vizaun inserteza ba mundu agora, kresimentu lideransa atu assume diferente formas no signifikativa ne’ebé ejize auto esplorasaun.

Xefe Estadu sei hola parte iha dikusaun, iha ámbitu seleberasaun loron Deklarasaun Universál Direitus Humanus ba dala 75 ne’ebé sai hanesan baze fundamentál bá direitus no liberdade sidadaun nian.

Ramos-Horta sei partisipa iha diskussaun meza redonda kona-bá jeopolítika, kooperasaun globál no mós hasoru-malu ho alta entidade hosi nasaun oi-oin no investidór balun, hodi ko’alia kona-bá programa kooperasaun iha área oi-oin.

Jornalista: Vito Salvadór  

Advertisement