Justisa & Krime
MP Promove Kríme Tolu bá Arguidu Na’in-Haat Deskonfia Oho Dodi Adão de Jesus
Hatutan.com, (08 Maiu 2023), Díli—Ministériu Públiku (MP), liuhosi Prokuradór Ricardo Goudinho Leite, promove kríme tolu bá arguidu na’in-haat mak hanesan RdCB, EPdS, JPdS no APLA, tanba deskonfia involve iha kazu omesídiu ne’ebé rezulta vítima Dodi Adão de Jesus mate, iha área Kintál-Boot, Díli, Sábadu (06/05/2023).
Arguidu na’in-haat hanesan RdCB, EPdS, JPdS no APLA, ne’ebé deskonfia involve iha kazu omesídiu hodi oho Dodi Adão de Jesus, iha área Kintál-Boot, Díli, Sábadu (06/05/2023), submetee ba prosessu Primeiru Interrogatóriu Judisiál iha Tribunál Judisiál Primeira Instánsia Díli (TJPID), Mandarin, Dili, Segunda (08/05/2023). Foto/Elio dos Santos da Costa.
Kríme tolu ne’e mak hanesan, Omesídiu Simplés, Tentativa Omesídiu no Utilizasaun Arma Branka ne’ebé hatuur iha rezolusaun númeru 05/2017 kona-bá Arma Branka, iha ne’ebé uza sasán kro’at.
Lee Mós: Polísia Kaptura Suspeitu Na’in-haat Ne’ebé Envolve iha Kazu Oho Dodi Adão de Jesus
Ho aktu assasinatu ne’e maka, iha Segunda (08/05/2023), Polísia Nasionál Timor-Leste (PNTL), liuhosi Ekipa Investigasaun Komandu Munisipiu Dili, submete kedan suspeitu sira ne’e bá tuir Prosesu Primeiru Interrogatóriu Judisiál iha Tribunál Judisiál Primeira Instánsia Díli (TJPID), Mandarin, Dili.
Suspeitu na’in-haat ne’e, ekipa Investigasaun Komandu Munisipiu Dili, transporta bá Tribunál to’o iha tuku 15:30, lorokraik Otl no hahú tama bá iha interrogatóriu iha tuku 16:25 lorokraik Otl.
Prossesu primeiru interrogatóriu judisiál ne’e la’o kuaze oras haat resin to’o tuku 20:45 mak konklui, maibé, desizaun finál bá kazu ida-ne’e, Juiza Ercília adi’a bá aban Tersa (09/05/2023) tuku 14:00 lorokraik Otl.
Hafoin konklui faze ida-ne’e, ekipa investigasaun Komandu PNTL Díli, transporta fila kedan arguidu sira bá iha Caicoli.
Audiénsia primeiru interrogatóriu ne’e prezide hosi Juiza Ercília de Jesus, Ministériu Públiku (MP), reprezenta hosi Prokuradór Ricardo Goudinho Leite no Arguidu sira hetan Assiténsia Legál hosi Defensór Francisco Caetano Martins.
Molok ne’e, informasaun ne’ebé Hatutan.com asesu hosi ekipa servisu sekreta sira katak, Suspeitu na’in-haat (4) ne’e ho identidade inisial RdCB (idade 18).
Suspeitu EPdS (idade 24), Suspeitu JPdS (idade 19) oríjen hosi Postu Administrativu Na’in-Feto, Suku Santa Cruz, Aldeia 12 Novembru, hela iha área Kintál-boot.
Suspeitu APLA (idade 24) hosi Aldeia Caidawalari, Suku Makadiki, Postu Administrativu Uatulari, Munisipiu Viqueque, hela-fatin Kintál-boot.
Jornalista: Rogério Pereira Cárceres
Justisa & Krime
Tribunál Aplika Prizaun Preventiva Bá Sidadaun Indonézia Ne’ebé Atu Vota Iha Darulete
Justisa & Krime
Julgamentu Bá Sidadaun Indonézia Ne’ebé Atu Vota Iha Darulete, Defeza Husu Aprezentasaun Periódika
FIFA Prontu Servisu Hamutuk Ho Governu Foun Dezenvolve Infraestrutura Futeból TL
Ramos-Horta Kondekora Embaixadór Reinu Tailândia Ho Medalla Ordem de Timor-Leste
A-Deus Oitavu Governu Konstitusionál
PD La Ezije Pozisaun iha Governu Da-9 Maibé Prontu Serbí
Ministru Tiágo Garante iha Setembru Kaderneta Pasaporte To’o Timor
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika4 days agoLere Deklara Nia Mak Fó Informasaun bá Somotxo Kona-bá Planu Demisaun
-
Nasionál3 days agoDeskonfia, Jornalista Ajénsia Notisioza Tatoli,I.P Sai Mídia Ekipa Susesu Kampaña CNRT
-
Justisa & Krime1 week agoTribunál Absolve José Reis, Bartolomeu ho João Baptista hosi Kríme Fraúde Fiskál
-
Polítika5 days agoDeskobre Estratéjia sira Kontribui bá Vitória CNRT iha Eleisaun 2022-2023
-
Defeza & Seguransa1 week agoKomisaun B PN Kestiona Prosesu Reforma Membru PNTL Na’in-158
-
Polítika1 day agoA-Deus Oitavu Governu Konstitusionál
-
Nasionál6 days agoProjetu Timor Dijitál 2032, Bá Programa Edificador Úniku TIC Timor Sei Gasta Millaun $13,8
-
Nasionál6 days agoCFP Hasai Ofísiu Termina Servisu Pesoál Apoiu Gabinete Liña Ministeriál