Hatutan.com, (25 Maiu 2023), Díli—Comissão Nacional de Eleições (CNE) kontinua halo balansu ba apuramentu nasionál hodi halo mós validasaun ba votu reklamadu hamutuk 515 no partidu Congresso Nasionál Reconstrução Timorense (CNRT) hetan tán votu 38.

Vise-Prezidente CNE, Domingos Barreto realiza konferénsia imprensa iha edifísiu CNE, Colmera, Kinta (25/05/2023). Foto/Elio dos Santos da Costa.

CNE hahú halo Apuramentu Nasional iha Loron 24 fulan Maiu 2023, hodi Prosede akta Apuramentu Munisipal 13 no RAEOA, Akta sentru votasaun hamutuk 1.472 ne’e inklui sentru votasaun 12 iha diáspora, falta akta hosi Reinu Unidu, Irlanda do Norte, Portugál no Votu Reklamadu 515 ne’ebé CNE rejista mai hosi munisípiu Aileu, Ainaro, Ataúro, Bobonaro, Covalima no Baucau.

Lee Mós:  Rezultadu Final STAE: CNRT Hetan Kadeira 31 no FRETILIN Kadeira 19

Vise-Prezidente CNE, Domingos Barreto hateten, CNE hala’o nia funsaun, papel no kompeténsia haktuir atribuisaun iha artigu 65, alinea h) Konstituisaun Repüblika Demokrátika Timor-Leste (RDTL) no artigu 8, Lel Nú. S/2006, 28 Dezembru, ho redasaun alterasaun datoluk iha Lei Nú. 16/2021, 28 Jullu, Lei Nú 6/2006, 28 Dezembru, ho alterasaun dahat ba Lei Nú. 9/2017, 5 Malu, ho konjugasaun iha Decreto do Governo No. 21/2017, 10 Fevereiru kona bá Prosedimentu votasaun kontazen no apuramentu ba rezultadu eleisaun Parlamentár.

Advertisement

Votu Reklamadu ne’ebé iha hamutuk 515 hosi Aileu hamutuk Votu Reklamasaun 8 ne’ebé 4 nafatin sai nulu no 4 Sai validu atribui ba Partidu CNRT.

“Iha Aileu mosu mós deskripánsia numérika, maibé konsege detekta, tanba eleitór ne’ebé vota tau fali ba urna laran ne’ebé konsidera nu’udar Votu Rejeitadu. Hosi Ainaro nian votu reklamadiu 5 sai válidu 5 no atribui ba Partidu CNRT. Hosi Ataúro votu reklamadu 1 no sai válidu atribui ba CNRT. Hosi Bobanaro votu reklamadu iha 43, sai nulu 6 sai Branco 3 no Válidu 34, Atribui ba PD 3, KHUNTO 2, FRETILIN 5 no CNRT 24 Hosi Covlima Votu Reklamadu 9, Sai Nulu 2 no Validu 7, Atribui ba PD 1, FRETILIN 2 no CNRT 4,” Domingos Barreto hateten liu hosi konferénsia imprensa ne’ebé hala’o iha edifísiu CNE, Colmera, Kinta (25/05/2023).

Comissário ne’e hatutan, Baucau nian iha mós deskripansia Nurmérika, iha Buletin Votu tolu mak sai nu’udár Votu Abandonadu, tanba eleitór ne’ebé vota la tau Buletin ne’ebé nia vota ba Urna laran.

Durante loron dahuluk nianrealiza apuramentu Nasional, CNE simu mos Kiexa no Reklamasaun hamutuk 2 ne’ebé nia indisius ba iha elisitu eleitorál, ne’ebé mai hosi Elia da Costa babo, hamutuk ho reprezentante Partidu CNRT no PVT kona-bá partisipasaun Minoiridade iha votasaun ne’ebe konfirma Katak mosu prátika ne’ebé iha kategoria krime eleitorál.

Minoridade refere atinji idade nu’udár eleitór, tanba nia data moris iha fulan Agostu no Novembru 2006, Prosesu hotu sei enkarmiña ba Ministériu Públiku atu bele halo avariguasaun ba eleitór Minoridade ne no Ofisiál eleitorál responsável iha Sentru Votasaun aldeia Sordoliu Lourba, Bobonaro.

Advertisement

CNE mós simu reklamasaun hosi sidadaun ho naran Duarte Maia hamutuk ho representante partidus politiku CNRT no PVT nian iha Senrtu Votasaun EP Mazop Suku Ai-Assa Bobonaro, kona-ba Fiskais na’in rua ne’ebé uza de’it kartaun Kredensiál ida hodi asesu ba Sentru Votasaun.

Tanba kazu ne’e, Administrativu CNE hato’o ona resposta mós kazu ida ne’ebé akontese katak, iha eleitór ida ne’ebé vota dala rua, daudaun ne’e, prosesu ba kazu refere iha ona Ministériu Públiku nia liman.

Apuramentu ne’e sei la’o durante oras 72 nia laran ohin tama ona ba loron daruak nian, iha lorokraik CNE sei simu mós akta hosi Sentru Votasaun sira hosi Reinu Unidu, Irlanda do Norte no Portugál.

Jornalista: Vito Salvadór  

Advertisement