Connect with us
Pakote Ahi

Polítika

KHUNTO Deklara Fó Apoiu Totál Bá Programa IX Governu Iha PN

Published

on

Hatutan.com, (26 Juñu 2023), Díli—Partidu Kmanek Haburas Unidade Nasionál Timor Oan (KHUNTO), liuhosi Xefe Bankada, deputada Olinda Guterres deklara ona katak, sei fó ‘apoiu totál’ bá programa IX Governu Konstitusionál nian iha Parlamentu Nasionál (PN).

Xefe Bankada KHUNTO, deputada Olinda Guterres.

Deputada Olinda Guterres dehan, líder sé de’it no mai hosi partidu ne’ebé de’it, atu Frente Revolusionáriu bá Timor-Leste Independente (FRETILIN) ka atu Congresso Nacional de Reconstrucção Timorense (CNRT) mak atu kaer ukun mós, KHUNTO firme hodi kontinua fó apoiu, hodi a-favór bá programa sira governu nian.

Lee Mós: Deputada Maria Fernanda Lay Eleita Nu’udár Prezidente PN Períudu 2023-2028

“Ami sei kontinua nafatin. Ida ne’ebé mak atu bá ukun ne’e, ami tenke kontinua bá iha ne’ebá, karik aban-bainrua FRETILIN mak ukun fali mós ami bá nafatin. Ami lakohi sai fali hosi ne’e. Opozisaun, bele opozisaun, maibé opozisaun ida ne’ebé mak sei fó apoiu bá Governu,” Deputada Olinda Guterres hateten iha PN, Segunda (26/06/2023).

Advertisement

Xefe bankada KHUNTO iha PN ne’e, fó ona mós orientasaun bá ninia kolega deputadu na’in-haat seluk atu a-favór bá programa IX Governu Konstitusionál nian, hodi nune’e bele aselera prosesu dezenvolvimentu iha nivel nasionál.

“Ha’u sei fó orientasaun bá ha’u nia membru nain-haat, tanba ami partidu KHUNTO, mai atu serví. La’os atu mai sai buat seluk. Ne’ebé, Governu kuandu hala’o nia servisu ita hamutuk. KHUNTO hakarak hamutuk, fó a-favór bá iha programa governu atu nune’e ita-nia nasaun ida ne’e, ninia dezenvolvimentu bele la’o bá oin,” deputada Olinda Guterres esplika.

Kontinua Lidera Bankada

Hatán kona-bá iha VI Lejislatura ne’e, bankada KHUNTO sei nomeia ka hili fali deputadu seluk ruma atu lidera bankada ne’e iha PN, ka atu kontinua ho nia, deputada Olinda informa, konsilleiru másimu partidu nian, José dos Santos “Naimori” Bucar, nafatin fó fiar bá nia, atu sai hanesan xefe bankada iha PN.

“Nu’udár xefe bankada ne’ebé maka hili liuhosi konseleiru superior partidu ninian, mak ha’u ata. Oras ne’e dadaun, ha’u ata mak sei lidera hela. Maibé, ha’u husu tiha ona informasaun, konsulta ona ho konseleiru superiór, maibé, konseleiru superiór fó nafatin konfiansa bá ha’u atu nune’e, lidera tán tinan ida ne’e. Iha VI Lejislatura, ha’u mak sei xefe da bankada,” nia hateten.

Advertisement

Maski nune’e, deputada Olinda Guterres dehan, bainhira iha tempu ruma mak karik nia enfrenta problema ruma, liu-liu karik kondisaun saúde ladun permite, nia sei husu bá KHUNTO atu konseleiru bele hatudu ema ruma, bele mai, tuur provizóriu iha ninia fatin.

“Agora dadaun, iha Sexta-Lejislatura ha’u mak lidera bankada partidu KHUNTO no ha’u nia vise nafatin, ha’u hili deputadu António,” Olinda Guterres subliña.

Hosi bankada KHUNTO, deputadu hamutuk na’in-lima (5) ne’ebé nomeadu hosi partidu, hodi reprezenta bankada KHUNTO iha PN mak hanesan, deputada Iréne Gonzaga Sarmento (substitui deputada Armanda Berta dos Santos), deputadu António Verdial de Sousa, António Verdial da S. Ferreira, deputadu Luis Roberto da Silva, no deputada Olinda Guterres.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Komisaun A Halo Audiénsia Públika bá Projetu Lei Direitu Petisaun

Published

on

Hatutan.com, (28 Fevereiru 2024), Dili—Parlamentu Nasionál (PN) liuhosi Komisaun A ne’ebé trata asuntu Lejizlasaun no Justisa halo audiénsia ho entidade relevante sira hodi halo diskusaun bá inisiativa Projetu Lei Direitu petisaun bá sidadaun Timoroan hotu ne’ebé komisaun A prepara tiha ona, Kuarta-Feira (28/02/2024).

(more…)

Kontinua Le'e

Polítika

PN Seidauk iha Inisiativa Revoga Artigu Sira Lei Indultu Ne’ebé TR Konsidera Inkonstitusionál

Published

on

Hatutan.com, (28 Fevereiru 2024), Díli– Komisaun A Parlamentu Nasionál (PN) ne’ebé trata asuntu Lejizlasaun no Justisa, seidauk iha inisiativa hodi revoga artigu sira iha lei indultu ne’ebé Tribunál Rekursu deklara inkonstitusionál.

(more…)

Kontinua Le'e

Polítika

Deputada Nurima Alkatiri Preokupa ho Falta Kampu Traballu no Joven Barak Sai bá Rai-liur

Published

on

Hatutan.com, (27 Fevereiru 2024), Díli—Deputada Nurima Ribeiro Alkatiri preokupa ho númeru dezempregu ne’ebé sa’e makaas iha Timor-Leste (TL) rezulta joven barak tenke sai nafatin bá buka servisu iha rai-li’ur.

(more…)

Kontinua Le'e
Advertisement

Trending