Connect with us
Pakote Ahi

Justisa & Krime

Dadus Provizóriu PDHJ Kona-bá Polísia Tiru Joven iha Pairara

Published

on

Hatutan.com, (28 Setembru 2023), Díli—Provedór Direitu Umanus no Justisa (PDHJ) halo hela levantamentu dadus kona-bá insidente membru Polísia Nasionál Timor-Leste (PNTL) tiru joven ida, Martinho Gonçalves hosi Aldeia Irachao, Suku Pairara, Postu Administrativu Lospalos Vila, Munisípiu Lautem.

Lee Mós: Viral, Polísia Tiru Joven Ida iha Pairara

Tuir mai Hatutan.com sita kompletu dadus provizóriu PDHJ nian ne’ebé asesu direta hosi Provedór Direitus Umanus no Justisa, Virgílio da Silva Guterres, iha loron 28 fulan-Setembru 2023.

Advertisement

Logotipu PDHJ

Iha Kinta, loron 21 Setembru 2023, lokraik, mosu dezentendimentu entre joven na’in-ida husi Aldeia Caporo no ida seluk husi Aldeia Irachao, Suku Pairara.

Depois ida-ne’e, joven ne’ebé husi Aldeia Irachao fila bá uma hodi fo hatene nia maluk sira. Iha tuku 07.00 kalan, joven ne’e hamutuk ho nia maluk sira lori arma branka hanesan samurai, besi-kanu, fatuk, aí, bá tuda no baku uma  hitu (7) komunidade Caporo nian.

Aktu sira-ne’e rezulta uma nia odamatan, janela ho kalen aat. Uma-na’in sira halai bá kintal laran tanba tauk. Laiha asaun hasoru tanba maioria ferik, katuas ho labarik mak iha uma laran.

Iha akontesimentu ne’e, lia-na’in Suku Pairara ne’ebé mai ho joven sira husi Aldeia Lebono ho Irachao, konsege akalma situasaun. Remata asaltu uma, joven sira-ne’e mós fila bá uma ho la’o ain.

Bainhira iha dalan, membru polísia na’in-lima (5) husi Eskuadra Lautem ho karreta patrullamentu konsege toman sira. Iha ne’e, komesa mosu hakilar malu no tuda entre joven ho polísia, ikus-mai pistola tarutu no kona  vítima Martinho Gonçalves, idade 22,  nia ain rua.

Vítima husi Aldeia Irachao, Suku Pairara monu ba rai. Nune’e, lia-nain Crispin Maia Barros, ne’ebé akompana joven sira, aviza kedas bá polísia atu tula vítima bá sentru saúde Lautem. Nunee, polísia tula duni vítima bá karreta patrullamentu nia leten no lori kedas bá sentru saúde Lautem hodi hetan tratamentu iha kalan ne’e.

Advertisement

Tanba haree katak kondisaun vítima ladun di’ak, entaun kontinua lori bá Ospitál rejionál Eduardo Ximenes, Baucau. Agora daudauk vítima baixa hela iha HNGV Dili tanba HOREX Baucau, makina Rontgen avaria.

Iha Sesta, 22 fulan-Setembru 2023, Komandante Jerál PNTL, Komisáriu Henrique da Costa.   haruka kedas ekipa husi inspesaun no departamentu justisa PNTL halo investigasaun bá membru PNTL husi Eskuadra Lautem ne’ebé halo atuasaun hasoru joven sira.

Prosesu investigasaun ne’e remata ona no autor ne’ebé diskumfia tiru vítima agora daudauk asegura ona hodi hein prosesu tuirmai. Prosesu investigasaun kriminál hasoru suspeitu ho vítima husi kazu asaltu malu entre joven sira ne’e kontinua la’o. 

Jornalista : Rogério Pereira Cárceres    

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e

Justisa & Krime

PTR Deolindo Deklara TR La Pronunsia Kazu Konkretu Ruma iha Fiskalizasaun Abstrata Nia Laran

Published

on

Hatutan.com, (23 Fevereiru 2024), Díli- Prezidente Tribunál Rekursu (PTR), Deolindo dos Santos deklara, Tribunál Rekursu (TR) la pronunsia kazu konkretu ruma iha fiskalizasaun abstrata nia laran, maibé halo apresiasaun de’it ba pedidu husi 1/5 (um quinto) deputadu Parlamentu Nasionál ba artigu sira ne’ebé deputadu sira dehan kontra Konstituisaun RDTL.

(more…)

Kontinua Le'e
Advertisement

Trending