Hatutan.com, (23 Novembru 2023), Díli—Jurista ka Advogadu Timoroan, Lukeno Alkatiri, seidauk bele simu knaar nu’udár Embaixadór Timor-Leste nian bá Tailándia,   tanba razaun tetu bá aspetu profisionál ho família.

Lee Mós: Horta Propoin no Xanana Konkorda Nomeia Kuadru FRETILIN Sira bá Embaixadór

Jurista, Lukeno Alkatiri. Foto/Espesiál

Tuir mai, Hatutan.com, sita konteúdu kompletu narrativu sira ne’ebé Lukeno Alkatiri  partilla iha nia kontra Facebook kona-bá notísia ninia nomeasaun atu asume knaar nu’udár Embaixadór Timor-Leste bá  Tailándia;   

Iha fulan hirak liubá, notísia ida sai kona-bá ha’u nia nomeasaun atu asume knaar nu’udár Embaixadór Timor-Leste ba Tailándia.

Liuhosi reflesaun ida ne’ebé naruk no kle’an, ha’u hakarak hato’o informasaun katak ha’u foti desizaun atu, agora daudaun, la assume knaar ne’ebé refere. Desizaun ida-ne’e bazeia bá aspetu profisionál no familiár, no mós aspetu seluk tan. Ha’u hanoin katak agora daudaun importante atu foka nafatin bá ha’u nia karreira nu’udár advogadu, hodi kontribui nafatin atu haforte prezensa no relevánsia advogadu sira ho sistema justisa Timor-Leste nian iha nivel lokál no internasionál.

Maske nune’e, ha’u la bele ignora no tenke agradese bá konfiansa hotu-hotu ne’ebé ha’u hetan, liu-liu husi Sua Exelénsia Prezidente Repúblika, Dr. José Ramos-Horta, bainhira halo konvite mai ha’u atu assume knaar nu’udár embaixadór.

Ha’u sei kontinua dedika ha’u nia aan bá misaun no kauza Timor-Leste nian, liu-liu nu’udár advogadu no jurista.

Obrigadu bá ema sira hotu ne’ebé foo apoiu mai ha’u! Lukeno

Jornalista:  Lazaro Pereira Quefi