Connect with us
Pakote Ahi

Nasionál

Infratór Utiliza Veíkulu Estadu iha Loron Feriadu, Na’in-tolu iha Indísiu Kríme Pekulatu bá Uzu

Published

on

Hatutan.com, (11 Abríl 2024), Díli-Infratór na’in-30 ne’ebé ekipa konjunta halo apreensaun tanba kondús veíkulu Estadu nian iha loron feridu hamutuk na’in-30, foin lalais ne’e, iha Díli, identifika katak  na’in-tolu mak iha indísiu krime pekulatu bá uzu.

Lee Mós: Ekipa Konjunta Prende Karreta ho Motór Estadu 30 Ne’ebé Sirkula iha Loron Feriadu

Ekipa Fiskalizasaun Konjunta halo aprrensaun bá karreta ho motór Estadu ne’ebé sirkula iha loron feriadu. Foto/Elio dos Santos da Costa

Ekipa fiskalizasaun konjunta kompostu hosi Ministériu Finansas (MF) liuhosi Diresaun Jerál Jestaun Patrimóniu Estadu (DJJPE), Ministériu Transportes no Komunikasaun (MTK) liuhosi Diresaun Nasionál bá Transporte Terrestre (DNTT), Comissão Função Pública (CFP), Inspesaun Jerál Estadu (IJE), Comissão Anti Corrupção (CAC) ho PNTL liuhosi Departamentu Tránzitu, sábadu liubá, halo auto stop hodi identifika veíkulu Estadu nian (motór ho karreta) ne’ebé halo operasaun iha loron la’ós servisu nian ka loron feriadu.

Iha operasaun ne’e, ekipa konjunta deteta no halo aprrensaun bá karreta Estadu nian 16 no  motór Estadu nian 14 ne’ebé pesoál ajente Estadu nian utiliza la tuir regra no prosedimentu utilizasaun veíkulu Estadu nian.  

Advertisement

“Relatóriu agora dadaun ekipa sira elabora hela, maibé iha indikasaun, karik iha karreta tolu mak sei submete bá iha pekulatu bá uzu. Ne’e hanesan indikasaun atu bá iha ne’ebá,” Diretora Nasionál bá Inventáriu no Jestaun bá Bens ho Moveis DJJPE , Timótea P. Marques, informa bá jornalista sira, foin lalais ne’e.

Diretóra Timótea hatutan, dadaun ne’e ekipa sira kontinua elabora relatóriu, seidauk finaliza, maibé iha relatóriu ne’ebé sei mai, iha mós rekomendasaun sira ne’ebé ekipa rekomenda, no DJJPE hanesan ekipa fiskalizasaun konjunta ninia sekretariadu, sira sei elabora, hodi hato’o bá iha entidade sira ne’ebé mak kompetente.

“Infratór sira kumpre regra, no komandu PNTL Munisípiu Díli mós orienta ona bá iha ita nia Tránzitu Díli atu iha loran fim de semena, sempre halo operasaun bá karreta no motór Estadu nian, kuandu laiha autorizasaun, ita sei prende, lori mai iha komandu,” nia tenik.

Atividade fiskalizasaun konuntu ne’e ho baze Dekretu-Lei Númeru 80/2022, ne’ebé koalia kona-bá Regulamentu Veíkulu Estadu nian. Ema hotu hatene katak, veíkulu Estadu ne’e, ninia utilizasaun bá finalidade profisionál.

Finalidade profisionál ne’e katak, utiluzasaun ne’e bá de’it atividade operasional hothotu, laiha ona karreta ne’ebé maka uza hanesan karreta bá kargu xefia nian. Katak, laiha ona autorizasaun funsionáriu sira ka kargu xefia sira uza atu lori bá mai uma, maibé, karreta sira ne’e uza hanesan bá fins prosionais de’it, ne’ebé mak nia estasiona iha ministériu no instituisaun ida-idak.

Advertisement

Ministériu no instituisaun sira Estadu nian ne’ebé mak envolve iha ekipa fiskalizasaun konjuntu nian ida ne’e, ida-idak ho ninia papél no kompeténsia rasik, hodi atua situasaun iha terrenu.

PNTL liuhosi Departamentu Tránzitu Nasionál, kontinua implementa lei no ordém tuir sira-ninia kompeténsia, katak, uainhira mosu infrasaun, oinsá mak sira bele prosesa ida ne’e. DJJPE hanesan parte ida ne’ebé mak asegura dadus, asegura evidénsia karreta no motor iha ne’e, hodi prosesa tuir sansaun administrativu nian.

Bá CAC, uainhira identifika liga ho kriminál ninian ruma, ka pekulatu de uzu, abuzu de poder, CFP haree kona-bá asuntu dixiplinár ninian. IJE prosesa kona-bá irregularidade ka violasaun sira ne’ebé mak akontese.

DJJPE nafatin rekomenda atu oinsá mak bele asegura prosesu sira ne’e tuir grau de infrasaun sira ne’ebé mak iha. Ida-ne’e maka ekipa sira nafatin halo ho objetivu ida bá fronta nasionál ne’e para oinsá atu iha efisiénsia bá iha despeza estadu nian no efetividade bá utiluzasaun veíkulu Estadu nian.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending