Hatutan.com, (18 Abríl 2024), Díli—Totál kandidau ne’ebé admitidu bé 𝐄𝐥𝐞𝐢𝐬𝐚𝐮𝐧 𝐎𝐫𝐠𝐚𝐮𝐧 𝐒𝐮𝐤𝐮 𝟐𝟎𝟐𝟒, ne’ebé sei realiza iha loron 27 fulan abril tinan ne’e hamutuk na’in-41, kompostu hosi 𝐌𝐚𝐧𝐞-𝟑𝟗 𝐧𝐨 𝐅𝐞𝐭𝐨-𝟐.

𝐌𝐮𝐧𝐢𝐬𝐢́𝐩𝐢𝐮 𝐀𝐢𝐥𝐞𝐮, 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐀𝐢𝐥𝐞𝐮 𝐕𝐢𝐥𝐥𝐚, 𝐒𝐮𝐤𝐮 𝐋𝐞𝐪𝐢𝐭𝐮𝐫𝐚, totál kandidatu mane na’in-5. 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐋𝐚𝐮𝐥𝐚𝐫𝐚, 𝐒𝐮𝐤𝐮 𝐁𝐨𝐜𝐨𝐥𝐞𝐥𝐨, total kandidatu mane na’in-2.

Lee Mós: 27 Abríl 2024, Realiza Eleisaun Bá Suku 10

𝐌𝐮𝐧𝐢𝐬𝐢́𝐩𝐮𝐢 𝐃𝐢𝐥𝐢, 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐂𝐫𝐢𝐬𝐭𝐨 𝐑𝐞𝐢, 𝐒𝐮𝐤𝐮 𝐀𝐢𝐥𝐨𝐜𝐤, totál kandidatu na’in-5, mane-4 no Feto-1.  𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐃𝐨𝐧 𝐀𝐥𝐞𝐢𝐱𝐨, 𝐒𝐮𝐤𝐮 𝐌𝐚𝐝𝐨𝐡𝐢, totál kandidatu na’in-9, mane-8 no feto-1, 𝐒𝐮𝐤𝐮 𝐌𝐚𝐧𝐥𝐞𝐮𝐚𝐧𝐚, totál kandidatu mane na’in-4. 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐌𝐞𝐭𝐢𝐧𝐚𝐫𝐨, 𝐒𝐮𝐤𝐮 𝐌𝐚𝐧𝐭𝐞𝐥𝐨𝐥𝐚̃𝐨 totál kandidatu mane na’in-1.

𝐌𝐮𝐧𝐢𝐬𝐢́𝐩𝐢𝐮 𝐌𝐚𝐧𝐚𝐭𝐮𝐭𝐨, 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐁𝐚𝐫𝐢𝐪𝐮𝐞, 𝐒𝐮𝐤𝐮 𝐒𝐢𝐤𝐨𝐧𝐞-𝐃𝐢𝐥𝐨𝐥𝐢, totál kandidatu Mane na’in-2. 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐋𝐚𝐜𝐥𝐨, 𝐒𝐮𝐤𝐮 𝐋𝐚𝐢𝐜𝐨𝐫𝐞, totál kandidatu mane na’in-3. 𝐌𝐮𝐧𝐢𝐬𝐢́𝐩𝐢𝐮 𝐕𝐢𝐪𝐮𝐞𝐪𝐮𝐞, 𝐏𝐨𝐬𝐭𝐮 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐮 𝐎𝐬𝐬𝐮, 𝐒𝐮𝐤𝐮 𝐁𝐮𝐢𝐥𝐨, totál kandidatu mane na’in-5.

Iha sorumutuk Konsellu Ministru (KM) loron 20 fulan-marsu tinan 2024, aprova ona projetu Dekretu Governu ne’ebé aprezenta hosi Ministru Administrasaun Estatal (MAE), 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, ne’ebé estebelese data ba realizasaun Asembleia Aldeia no Konsellu Suku iha ámbitu prosedimentu eleisaun lider komunitáriu sira.

“𝙏𝙪𝙞𝙧 𝙠𝙖𝙡𝙚𝙣𝙙á𝙧𝙞𝙪 𝙣𝙚’𝙚𝙗é 𝙖𝙥𝙧𝙤𝙫𝙖 𝙤𝙣𝙖, 𝙀𝙡𝙚𝙞𝙨𝙖𝙪𝙣 𝙓𝙚𝙛𝙚 𝙎𝙪𝙠𝙪 𝙣𝙚’𝙚 𝙨𝙚𝙞 𝙝𝙖𝙡𝙖’𝙤 𝙞𝙝𝙖 𝙡𝙤𝙧𝙤𝙣 27 𝙛𝙪𝙡𝙖𝙣-𝙖𝙗𝙧í𝙡 𝙣𝙤 𝙖𝙥𝙪𝙧𝙖𝙢𝙚𝙣𝙩𝙪 𝙗𝙖 𝙧𝙚𝙯𝙪𝙡𝙩𝙖𝙙𝙪 𝙩𝙚𝙣𝙠𝙚 𝙩𝙚𝙧𝙢𝙞𝙣𝙖 𝙞𝙝𝙖 𝙡𝙤𝙧𝙤𝙣 28 𝙛𝙪𝙡𝙖𝙣-𝙖𝙗𝙧i𝙡 𝙩𝙞𝙣𝙖𝙣 2024,” Hatutan.com sita komunikadu.

Bainhira laiha kandidatu xefe suku ne’ebé maka hetan votu válidu liu metade ne’ebé fó-sai, sei realiza fila fali votasaun daruak entre kandidatu rua ne’ebé hetan votu maioria iha loron 13 fulan-maiu tinan 2024.

Prosesu konstituisaun meza eleitorál suku no kandidaturas ba eleisaun Xefe Suku no ninia kontensiozu, sei hala’o iha loron 12 fulan-abríl tinan 2024.

Períodu informasaun públika no edukasaun eleitór kona-ba prosesu eleisaun lideransa komunitária nian sei hala’o to’o loron 24 fulan-abríl tinan 2024.

Iha loron 28 fulan-Outubru 2023, IX Governu liu hosi Servisu Tekníku Administrasaun Eleitoral, (STAE) halo tiha ona eleisaun sira ne’ebé koresponde ba maioria husi Sukus hotu, iha tinan kotuk, maibé eleisaun iha Suku sanulu ne’ebé mandatu sira iha tiha ona to’o tinan ida-ne’e, nune’e daudaun ne’e presiza atu ajenda ba realizasaun eleisaun ba suku sanulu iha loron 27 fulan-abríl tinan 2024.

Jornalista: Rogério Pereira Cárceres