Connect with us
Pakote Ahi

Polítika

Ramos-Horta Simu Konvite Nu’udár Padriñu Partidu KHUNTO

Published

on

Hatutan.com, (20 Abríl 2024), Díli- Prezidente Repúblika (PR), José Ramos-Horta, simu konvite hosi partidu Kmanek Haburas Unidade Nasionál Timoroan (KHUNTO) hodi sai padriñu ka patronu bá partidu ne’ebé lidera hosi Konselleiru Supremu José dos Santos Naimori Bucar ho Armanda Berta dos Santos hanesan prezidente.

Lee Mós: KHUNTO Apoiu Laiha Rezerva Bá IX Governu Konstitusionál

PR José Ramos-Horta akompaña hosi Konseleliru Supremu ho prezidente partidu KHUNTO no konvidadu hosi resprezentante ParPol balun halo abertura bá kongrsu nasionál Partidu KHUNTO bá da-IV iha Salaun Delta Nova, Díli, Sábadu (20/04/2024). Foto/Elio dos Santos da Costa

Liuhosi prosesu  naruk, liu-liu enkontru final ne’ebé hala’o iha rezidénsia privadu Prezidente Repúblika, José Ramos-Horta nian iha Metiaut, Díli, Kinta loraik (20/04/2024), ekipa jurídiku partidu KHUNTO nian lori mensajen hosi Konselleiru Supremu José dos Santos Naimori Bucar, hodi husu prontidaun Laureadu Nobel da Pás 1996, José Ramos-Horta atu bele sai konselleiru onoráriu ka padriñu bá partidu KHUNTO.

Ho nune’e, liuhosi kongresu nasionál Partidu KHUNTO nian bá da-IV ne’ebé hala’o iha Salaun Delta nova, Díli, Sábadu (20/04/2024), Ramos-Horta konfirma katak nia simu konvite ida-ne’e no nia odamatan nakole bá partidu hotu-hotu.

Advertisement

“Susesu boot bá kongresu ne’e, ha’u nia odamatan sempre nakloke para simu ita boot sira. Ha’u simu konvite atu sai padriñu ka patronu partidu KHUNTO nian, ha’u simu tamba ha’u serbí partidu sira hotu. Mézmu prezidente, ha’u bele patronu para ko’alia kona-bá dame no ddemokrasia no iha karik problema ruma partidu polítiku sira, ha’u bele kontribui para ita haree ko’alia bá malu fali tanba rai ne’e ki’ik, lalika hirus malu beibeik, buka malu hamutuk dezenvolve rai-ne’e,” Ramos-Horta  hateten iha nia diskursu.  

Liuhosi biban kongresu nasionál bá da-IV ne’e, Ramos-Horta parabeniza Konselleiru Supremu Partidu KHUNTO, José dos Santos Naimori Bucar no Prezidente Partidu Armanda Berta dos Santos, atu kontinua lori partidu KHUNTO bá oin tuir prinsípiudDemokrasia ne’ebé Timor-Leste adopta.

Nia afirma partidu Kmanek Haburas Unidade Nasionál Timoroan (KHUNTO) tenke sai partidu ida dinámiku hodi kontribui bá dame, demokrasia no unidade nasionál iha Timor-Leste.

Prezidente Repúblika José Ramos-Horta iha nia diskursu subliña buat importante ne’ebé delegadu no kongresista sira hamutuk ho militante tomak partidu KHUNTO nian atu kaer metin mak partidu ida-ne’e joven hela, dinámiku tebes, ne’ebé kuaze ema hotu-hotu joven de’it, iha mós ema akadémiku barak iha partidu ne’e no bele kontribui bá prosesu demokrasia.

Kongresista sira partidu KHUNTO nian iha kongresu nasionál bá da-IV. Foto/Elio dos Santos da Costa

“Motivasaun mak ne’e, reforsa partidu no kontribui para rai-ne’e dame nafatin, Demokrasia nafatin tamba demokrasia la’ós luxu, buat ida espesiál, maibé naturál, ita tenke moris iha liberdade, povu tenke partisipa didi’ak iha nia desizaun rasik. Tenke iha unidade labele fahe-malu iha politika no klase sosiál no tenke buka kontribui para rai-ne’e labele iha kiak barak demais no riku uitoan deit, maibé tenke iha klaran ida-ne’e mak hau nia filozofia atu imi kaer mós,” Prezidente Repúblika José Ramos-Horta haktuir.

Xefe Estadu husu atu partidu KHUNTO kontinua apoiu Governu ne’e liu husi prosesu demokrasia ne’ebé bele kontribui bá dame no unidade nasionál.

Advertisement

Ramos-Horta deklara  sempre prontu iha kualkér momentu atu fó konsellu bá lideransa hotu-hotu partidu KHUNTO nian, liu-liu apoiu moral polítiku atu garante dame no unidade nasionál iha Timor-Leste.

Respeita Adversáriu Polítika

Iha biban ne’e, Konselleiru Supremu Partidu KHUNTO, José dos Santos Naimori Bucar, afirma iha vida politika ema ida-idak tenke rekoñese nia an, respeita adversáriu no kontinua tane valór sira demokrasia nian atu garante dame no estabilidade iha rai ida.

Nia fó hanoin tan katak politika labele loko aan, tenke rekoñese an atu povu bele fó fiar hodi sai serbí povu nu’udár servidór Estadu ne’ebé di’ak.

Konselleiru Supremu Partidu KHUNTO, José dos Santos Naimori Bucar. Foto/Elio dos Santos da Costa

“Iha politika ita tenke hanoin ida de’it katak maske diferente, maibé ita iha objetivu ida de’it, hakarak lori povu bá dame no unidade nasionál. Ita nia objetivu ida de’it, nasaun ne’e sei forte, tan polítika ne’e atu iha planu, hanoin no asaun ida di’ak  para lori dezenvolvimentu bá povu,” Naimori Bucar hateten.

Nia hatutan iha palku politika bele iha deferénsa no konfrontu ideia, maibé eleisaun hotu hamutuk ida de’it atu serbí povu, ukun ka la ukun nafatin kontribui nu’udár sidadaun di’ak.

Advertisement

“KHUNTO laiha inimigu, Partidu se de’it mak ukun KHUNTO nafatin kontribui, se hanoin mak ódiu no vingansa karik KHUNTO la fó votu ba aprovasaun orsamentu jerál estadu. Tamba hanoin unidade nasionál no orsamentu povu nian, KHUNTO kontribui,” Naimori Bucar afirma tan.

Prezidente Partidu KHUNTO Armanda Berta dos Santos hateten ho kongresu nasionál Partidu KHUNTO nian ba da-IV hatudu Partidu KHUNTO marka tan istória importante ida iha nia ezisténsia iha rai doben Timor-Leste.

Nia afirma KHUNTO hamriik nu’udár forsa polítika ida iha nasaun Demokratiku Timor-Leste tanba ne’e  iha kongresu nasionál ne’e Partidu KHUNTO kompostu husi estrutura nivel nasionál to’o baze liu husi delegadu no delegada sira hamutuk ho kongresista sira hotu sei diskute programa partidu nian no eleje hikas estrutura foun partidu nian hodi hamutuk hateke bá futuru tinan lima mai bá povu no nasaun nia dezenvolvimentu.

“Ha’u nia esperansa bá kongresu nasionál ida ne’e,  bá kuadru Partidu KHUNTO  tomak  diskute makas kona-ba problema no difikuldade ne’ebé mak partidu enfrenta, liuliu foku bá programa sira partidu KHUNTO nian hodi kontribui bá dezenvolvimentu setor Edukasaun, Saúde no mos problema sosiál seluk atu bele sai hanesan alvu ida ba Partidu KHUNTO.

Prezidente Partidu ne’e mós husu atu delegadu sira no kongresista sira kontinua halibur forsa no lolo-liman ba malu hodi fó susesu ba kongresu nasionál partidu nian no lori vitória ba Partidu KHUNTO iha eleisaun sira ne’ebé sei mai.

Advertisement

Papél ParPol Importante

Prezidente CNE, José Agustinho Belo hateten CNE hanesan órgaun independente ne’ebé konstituisaun fó dalan para oinsá mak servisu hamutuk ho partidu polítiku hotu-hotu.

Prezidente CNE, José Agustinho Belo. Foto/Elio dos Santos da Costa

Nia afirma ko’alia kona-bá demokrasia papél ida importante mak partidu polítiku sira, no prosesu tomak Partidu polítiku nian atu la’o di’ak presiza iha órgaun ida ne’ebé halo balansu, servisu ho di’ak atu nune’e partidu polítiku sira nafatin mantein iha orden no prinsípiu demokrasia.

“Funsaun ida importante iha ParPol mak rekrutamentu ba lideransa nasionál. Tamba atu sai Prezidente ida di’ak, Membru Parlamentu Nasionál ida di’ak, membru Governu ne’ebé di’ak nia tenke liu husi partidu polítiku.”

Nia hatutan tanba partidu mak iha papél importante bá hamosu lideransa bá nasaun nune’e Estadu no Governu investe bá partidu polítiku liu husi subvensaun públiku. Partidu polítiku mak sai hanesan eskola ida oinsá atu transforma sidadaun ida sai lideransa iha futuru

Tuir dadus husi komisaun organizadora, delegadu ousi munisípiu sanulu resin rua no RAEOA hamutuk 850 mak partisipa iha kongresu nasionál Partidu KHUNTO nian ba da-IV ne’e, maibé iha rejistrasaun bá loron dahuluk ne’e partisipante 2000-resin mak partisipa.

Advertisement

Tuir ajenda kongresu nasionál Partidu KHUNTO nian bá da-IV ne’e sei hala’o durante loron rua; hahú ohin no sei remata iha loron Domingu (21/04/2024).

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Prezidente Repúblika Simu Karta Kredensiál Hosi Embaixadór Extraordináriu-Plenipotensiáriu Repúblika Ángola

Published

on

Hatutan.com, (23 Maiu 2024), Díli—Prezidente Repúblika (PR), José Ramos-Horta, Kinta (23/05/2024) ne’e simu karta kredensiál husi Embaixadór foun Extraordinário no Plenipotensiáriu Repúblika Angola José Andrade de Lemos, iha Palásiu Prezidensiál.

(more…)

Kontinua Le'e

Polítika

Públiku Seidauk iha Koñesimentu bá Dekretu-Lei Kona-bá Asesu Dokumentu Ofisiál sira

Published

on

Hatutan.com, (23  Maiu 2024), Díli–Parlamentu Nasionál (PN) liuhosi membru Bankada FRETILIN, Joaquin dos Santos, rekoñese  públiku seidauk iha koñesimentu kona-bá Dekretu-Lei nú.43/2016, 16 fulan-Outubru,  regra sira kona-bá asesu dokumentu ofisiál sira tanba laiha sosializasaun.

(more…)

Kontinua Le'e

Polítika

Ramós-Horta Fó Posse bá Embaixadór Dezignadu TL bá Vietnam ho Malázia

Published

on

Hatutan.com, (22 Maiu 2024), DíliPrezidente Repúblika (PR), José Ramós-Horta fó posse bá Embaixadór dezignadu Timor-Leste (TL) nian bá Repúblika Sosialísta Vietnam, João Pereira no Lizualdo Gaspar nu’udár Embaixadór foun bá Malázia.

(more…)

Kontinua Le'e
Advertisement

Trending