Hatutan.com, (16 Maiu 2024), Díli—Primeiru-Ministru (PM), Xanana Gusmão, deklara Governu prontu defende Timor Gap iha prosesu hosu hasoru empreza konsultór ENERPROCO  iha Tribunál Arbitrajen iha Singapura.   

Lee Mós: Prosesu To’o Tribunál Arbitrajen Sei iha Risku Kustu Administrativu no Judisiál

PM Xanana Gusmāo hatan jornalista sira hafoin hasoru malu ho PR Ramos-Horta iha Pálasiu Prezidensiál, KInta (16/05/2024). Foto/Tome da Silva

“Sei responde, dala ruma ita lalika tauk, tanba iha inu nasional ne’e imperalismu inimigo dos povus ne’e tanba ema sira uluk kria buat sira ne’e marxista sira hotu, mak tau buat sira ne’e,” Xanana hateten hodi responde Hatutan.com iha Palásiu Prezidensiál, Díli, Kinta (16/05/2024).

Xanana hateten karik komprende, sira ne’ebe riku nain agora ne’e tau osan barak bá sosa kilat husi empreza kilat ne’e hodi halao nafatin funu iha Ukránia, sira lakohi haree labarik ida mate, ferik mate, lakohi hatene importante osan, tanba ne’e Xanana dehan, lalika tauk buat ida.

“Klaru Governu labele bá defende fali kompañia estatál Timor Gap ne’e oinsá? Ami koñese malu ona ne’ebe dala ruma ita atu ko’alia hanesan ne’e, ita haree ema ne’e at tebes-tebes, ne’ebe ita fó oan tiha bá  nia  ne’e para nia bá tiha, ita laika haree tiha nia,” Xanana hatan ho analojia.

Tuir Xanana  buat sira ne’e hotu tenke sukat no tenke konese malu, la’ós katak Timor-Leste tauk buat sira ne’e, ne’ebe sira seluk la vale ne’e mai bosok fali Timor.  Tanba tuir Xanana,

Timor-Leste daudaun ne’e iha  hela probema  hasoru kompania 2 dollar husi Autrália to’o agora, kona-bá mudnsa klímatiku.

ENERPROCO LLC nu’udár empreza Teknolojia, Produsaun Petroleu no Gas  husi Estadus Unidus Amérika (“ENERPRO”) ho baze iha Houston, Taxas,  hato’o ona pedidu Arbitrajen (RFA”) iha Tribunál Internasionál Arbitrajen ICC Singapura bá rezolusaun disputa kontratu kontra TIMOR GAP, E.P. (“TIMOR GAP”), korporasaun Estadu no Kompañia Nasional Petroleu no Gas Republika Demokrátika Timor-Leste.

Disputa kontratuál ida-ne’e mosu entre parte tanba ENERPROCO konsidera violasaun materiál bá kontratu servisu husi parte TIMOR GAP relativamente ho servisu iha Bayu Undan Faze 2 kona-bá Karbon Capture and Storage (“CCS”) (Projetu”).

Lee Mós: ENERPROCO Vs Timor Gap, Prontu Ona bá Tribunál Arbitrajen iha Singapura

Jornalista : Leopoldina de Carvalho