Connect with us
Pakote Ahi

Polítika

Bankada CNRT ho FRETILIN Hein Prezensa Ministra Saúde Élia Amaral iha PN

Published

on

Hatutan.com, (12 Juñu 2024), Díli– Bankada Parlamentár  CNRT no FRETILIN husu  bá Primeiru-Ministru (PM), Kay Rala Xanana Gusmão atu fó autorizasaun bá Ministra Saúde Élia A.A dos Reis Amaral marka prezensa iha Parlamentu Nasionál hodi buka solusaun bá problema saúde iha Timor-Leste.

Lee Mós: Ministériu Saúde Sei Hadi’a Mekanizmu Distribuisaun Ai-moruk Atu Evita Sunu Tanba Expired

Ministra Saúde, Élia A.A. dos Reis Amaral.

“Ha’u hanoin asuntu saúde preokupante duni tanba ita rona kazu barak, informasaun barak mai husi povu no ita-nia familia rasik liga ho asuntu ida-ne’e, la’ós problema estoke ai-moruk de’it maibé bá atendimentu no buat hotu ne’ebé iha  ospitál nia kondisaun,” membru PN husi Bankada CNRT, Virgínia  Ana Belo bá jornalista sira iha PN, Kuarta (12/06/2024).

Sekretaria Meza Parlamentár ne’e mós  hatutan horiuluk  Parlamentu Nasionál hanoin hela atu bolu Ministra Saúde Élia A.A dos Reis Amaral, maibé, seidauk hetan autorizasaun husi Primeiru Ministru hanesan xefe Governu tanba ne’e to’o loron ohin Ministra Saúde Élia Amaral seidauk bele marka ninian prezensa iha PN.

Advertisement

“Ami espera katák Governu bele mai fali Parlamentu Nasionál no Primeiru-Ministru bele fó autorizasaun bá ita nian Ministra Saúde Élia Amaral para bele mai fó took esplikasaun bá reprezentante povu iha PN no bá povu sira atu bele iha esklaresidu no tenkei buka atu rezolve situasaun ida-ne’e,” Deputada Virgínia Ana Belo hateten.

Nia hatutan Governu tenki buka duni solusaun bá asuntu saúde tanba sé ema barak mak kestiona inkluí  pasiénte no populasaun signifiká iha buat ruma laloos.

Iha parté seluk membru  Bankada Parlamentár FRETILIN Nurima Ribeiro Alkatiri haktuir Bankada FRETILIN levanta beibeik problema saúde iha uma fukun Parlamentu Nasionál.

“Ami bolu presiza atensaun  Governu urjente no presiza solusaun urjente atu bele rezolve maibé to’o ohin loron ami seidauk bele hasoru malu direitamente ho Ministra Saúde Élia Amaral tanba Ministra Saúde la mai Parlamentu Nasionál bainhira PN konvida,” Nurima Ribeiro Alkatiri haktuir iha PN.

To’o agora laiha resposta konkretu bá situasaun ida-ne’e Bankada FRETILIN mós preokupa boot tanba husi informasaun ne’ebé iha situasaun Saúde bele sai aat liután tanba seidauk iha solusaun ne’ebé bele garante katák atu responde problema ai-moruk.

Advertisement

Nurima Alkatiri hateten problema la’ós iha Hospital Nasional Guido Valadares (HNGV) maibé iha teritóriu nasionál tomak iha ospitál referral  no sentru saúde sira no antes ne’e Bankada FRETILIN preokupa beibeik sei akontese kolapsu iha sistema saúde no akontese duni tanba afeita direita bá povu nian moris.

“Rekomenda bá IX Governu atu rekoñese failla ne’ebé mak iha no hamutuk hodi buka solusaun tanba ida-ne’e liga direita bá povu nian moris Ministra Saúde tenki iha kapasidade atu lidera no rekomenda atu halo avaliasaun bá sistema saúde  tomak,” Deputada Nurima Alkatiri hateten.

Jornalista Estajiária : Zita Menezes

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Rogério Lobato Sei Aprezenta Prova Irregularidade Aviaun ZEESM ho Ró Haksolok Bá Governu

Published

on

Hatutan.com, (19 Jullu 2024), Díli- Prezidente Autoridade Rejiaun Administrativa Espesiál Oé-cusse-Ambeno (RAEOA), Rogério Tiago de Fátima Lobato, sei aprezenta  prova sira kona-bá irregularidade sira  Aviaun ZEESM ho Ró Haksolok atu fasilita Governu halo auditória ba RAEOA.

(more…)

Kontinua Le'e

Polítika

Fidelis Magalhães ho Mericio Akara La Submete Karta Rezignasaun bá PLP no Rejeita Harii Partidu Seluk

Published

on

Hatutan.com, (17 Jullu 2024), Díli- Fidelis Leite Magalhães no Mericio Juvenál dos Reis Akara to’o agora la submete karta rezignasaun ba Partidu Libertasaun Populár (PLP) no sira rejeita informasaun ne’ebé espalla dehan sira atu  harii partidu seluk.

(more…)

Kontinua Le'e

Polítika

Parlamentu Nasionál Resesu Fulan-Rua

Published

on

Hatutan.com, (16 Jullu 2024), Díli– Parlamentu Nasionál (PN) hahú resesu durante fulan-rua (2)  husi loron 16 fulan-Jullu to’o loron 16 fulan-Setembru 2024.

(more…)

Kontinua Le'e
Advertisement

Trending