Connect with us
Pakote Ahi

Divertimentu

Xanana Selebra Loron Moris bá Dala-78 ho Kiik-oan Sira iha Palásiu Prezidensiál

Published

on

Hatutan.com, (20 Juñu 2024), Díli—Primeiru-Ministru (PM), Kay Rala Xanana Gusmão, selebra nia aniversáriu natalisiu ba dala-78 (20 Juñu 1946-20 Juñu 2024) ho Preizdente Repúblika (PR), José Ramos-Horta no labarik sira iha Palásiu Prezidensiál Nicolau Lobato Bairru-Pité.

Xanana selebra loron moris bá dala-78 ho kiik-oan sira iha Kantina Matak, Palásiu Prezidensiál, Díli, Kinta (20/06/2024). Foto/Elio dos Santos da Costa

Selebrasaun simples ne’e realiza hafoin enkontru semanál ho Prezidente Repúblika José Ramos-Horta,  Kinta (20/06/2024). Nune’e, PR Ramos-Horta akompaña Xanana hakat direta bá iha Kantina Matak iha Palásiu Prezidensiál kotuk hodi hamutuk ho labarik sira ne’ebé kada loron bá han iha ne’eba.

Bainhira Primeiru-Minustru Kay Rala Xanana Gusmão hakat tama bá Kantina Matak, labarik sira simu kedan ho basa-liman no haklalak fó parabéns.

“Imi di’ak ka la’e? Imi kontente ka la’e? Tenke estuda, badinas no mós disiplina,” Primeiru-Ministru hasé labarik sira ho kontente.

Advertisement

Komandande ein-Xefe FALINTIL ne’e simu mós prendas Tais hosi Jestora kafetaria BCB no prezente dose tinan nian hosi jestór sira Kantina Matak hamutuk ho labarik sira iha fatin ne’e.

Iha fatin ne’e Prezidente Repúblika José Ramos-Horta fó parabéns bá Primeiru-Ministru Kay Rala Xanana Gusmão ne’ebé selebra aniversáriu natalisiu.

“Parabéns bo’ot Avo Nana, nia halo tinan-78, maibé saúde di’ak loos. Maski kalan toba iha tuku 01 dader, tanba halo servisu barak, estuda no partisipa Konferénsia virtuál oin-oin maibé hader sedu iha tuku 04 dader no lokraik la deskansa maibé nia saúde di’ak loos. Idade la’o daudaun bá oin nafatin servi povu ne’e,” Ramos-Horta parabeniza.

Iha dadeer, Primeiru-Ministru Kay Rala Xanana Gusmão selebra ona ho misa agradesimentu iha Igreja Parókia Imaculada da Conceição Balide.

Jornalista: Vito Salvadór

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Divertimentu

Wizz Baker Semarakkan Gebyar Pentas Budaya Persahabatan RI–TL di Oé-Cusse

Published

on

Hatutan.com, (10 Juli 2024), Dili–Ribuan masyarakat  wilayah Otoritas Oé-cusse, Senin malam (08/07/2024), padati lapangan Palaban, Oé-cusse, untuk menikmati dan menyaksikan Gebyar Pentas Budaya Persahabatan yang diselenggarakan Kedutaan Besar Republik Indonesia di Dili.

(more…)

Kontinua Le'e

Divertimentu

Ramos-Horta Entrega Ona “Moke” bá Liurai Brunei Darussalam

Published

on

Hatutan.com, (10 Juñu 2024), Díli—Prezidente Repúblika, José Ramos-Horta, entrega ona nia karreta estimadu no lendáriu, mini moke bá Liurai Brunei Darussalam, Sua Majestade Sultan Haji Hassanal Bolkiah Mu’izzaddin Waddaulah.

(more…)

Kontinua Le'e

Divertimentu

Neo-Maira Lansa Múzika Da-huluk ho Títulu “Ha’u-Nia Mehi”

Published

on

Hatutan.com, (24 Maiu 2024), Díli—Neo Francisco Limeco da Silva Gusmão ho Maira Peregrina Amelia Limeco da Silva Gusmão ho naran estimadu Neo ho Maira lansa múzika dahuluk ho títulu “Ha’u-nia mehi” oferese espesialmente bá labarik hotu-hotu iha Timor-Leste (TL).

(more…)

Kontinua Le'e
Advertisement

Trending