Connect with us
Pakote Ahi

Nasionál

Ajente Administrasaun Públiku Besik Rihun 20 La Rejista iha SIGAP

Published

on

Hatutan.com, (25 Juñu 2024), Díli-Rezultadu diagnostika ne’ebé halo husi Komisaun  Funsaun Públika (CFP-sigla portugés) hatudu katak funsionáriu estadu besik rihun 20 la rejista sistema kontrolu CFP ka la tama iha Sistema Integradu bá Jestaun Administrasaun Públika nian (SIGAP-sigla portugés).

Lee Mós: CFP Sei Foti Medida Hasoru Funsionáriu Públiku Sira Ne’ebé Envolve GAM-GAR

Prezidente CFP Prezidente CFP, Agostinho Letêncio de Deus akompaña husi nia komisáriu nain-rua. Foto/Tome da Silva

Diagnostika CFP nian mós hatudu katak ajente Estadu nian barak sei iha problema kona-bá saláriu, tanba ministériu ida-idak mak define rasik tabela salariál bá nia funsionáriu sira.

Prezidente CFP, Agostinho Letêncio de Deus hatete, atividade diagnóstika ne’ebé sira halo ne’e tanba orientasaun hosi Primeiru-Ministru Kay Rala Xanana Gusmão rasik, ne’ebé mak husu atu halo diagnóstiku bá liña ministeriál sira atu hatene forsa traballu funsionáriu nian, kona-bá situasaun atuál hosi funsionál tomak.

Advertisement

Hosi rezultadu diagnóstiku ida ne’ebé halo, CFP laiha kontrolu bá tamañu ka totál funsionáriu públiku nian. Tanba bainhira haree iha Sistema Integradu bá Jestaun Administrasaun Públika nian (SIGAP-sigla portugés) nu’udár sistema funsaun públika iha funsionáriu besik rihun 36 ka rihun 37.

“Kuandu ita haree hosi parte salariál, kuaze 50 mill resin maka kada fulan simu saláriu. Signifika katak, ita iha hela pur-volta  20 mill ida hanesan ne’e, ita ladún iha kontrolu. Ne’e primeiru. Situasaun segundu maka ita haree dehan, ita nia problema mós problema saláriu. Ita iha entre ministériu ida ho ministériu seluk ida-idak iha nia definisaun bá saláriu sira,” Prezidente CFP, Agostinho Letêncio de Deus hatete bá Jornalista sira hafoin ho komisáriu sira aprezenta relatóriu diagnóstika no planu reforma administrasaun públika nian bá Primeiru-Ministru Kay Rala Xanana Gusmão iha Palásiu Governu, Díli, Tersa (25/06/2024).

“Entre ida ne’e, iha mós funsionáriu permanente, ho funsionáriu ajente. Maibé, ne’ebé mak akontese iha liña ministeriál sira, kerdizér mais ida ne’e, katak, iha funsionáriu lubuk ida, tantu nia ajente ka kazuál ne’e la liuhosi kontrolu  CFP,” nia tenik.

Prezidente CFP ne’e fó ezemplu seluk maka hanesan iha institutu públiku sira, ne’ebé mak ninia rekrutamentu ne’e diretamente hosi instituisaun refere. Entaun, sira ne’e hotu la hola parte iha sistema SIGAP CFP . Tanba ida ne’e duni mak ohin komponente ne’ebé mak sira hato’o tiha ona bá PM Xanana atu sé bele ne’e iha baze dadus sentraliza ida para sira bele hatene loloos forsa de traballu nível territorial ne’e hira.

CFP deteta mós problema prinsipál balu maka ajente administrasaun públika nian ne’ebé maka rekruta hela iha kada liña ministeriál tantu ajente administrasaun ka kazuál sira ne’ebé maka la-beim definidu, no ladún define nia funsaun ne’e saida, montante salariál hira mak nia tenke hetan no seluk tán.

Advertisement

Situasaun sira ne’e CFP identikadu, haree mós referénsia ida mai hosi Planu Estratéjiku Dezenvolvimentu Nasionál (PEDN), nune’e mós CFP ninian planu estratéjiku ne’ebé define to’o tinan 2030, sira hahú aprezenta komponente-komponente lubuk ida, katak, iha komponente 18 ne’ebé mak sai baze fundamentál bá reforma rekursus umanus, administrasaun públika Timor-Leste nian, atu hadi’a, mellora, ka mantein.

Prosesu Diagnóstika

Kona-bá diagnóstiku ne’e, komisáriu CFP Agostinho Letêncio de Deus esplika, iha modalidade rua ne’ebé sira uza atu deteta ka halo diagnóstiku. Primeiru mak sira nia ekipa bá hasoru direta jestór sira iha ministériu sira atu husu kona-bá sira nian problema. Modalidade ida seluk maka sira bá halo vizita surpréza.

Hosi modalidade rua ne’e, ekipa CFP halo ona diagnóstika bá ministériu tolu, inklui bá ona munisipiu balu. Buat ne’ebé sira deteta maka kona-bá lista prezensa, tama tarde no seluk tán.

Púrezemplu, sé nia tama tarde, konsekuénsia saida mak nia hetan. Nia la halo servisu loloos, konsekuénsia saida mak nia hetan. Hirak ne’e hotu iha estatutu funsaun públika nian sempre iha medida.

Advertisement

Kona-bá ministériu balu ne’ebé oras ne’e sei uza nafatin lista prezensa manual, no possível funsionáriu balu bele bosok, prezidente komisaun funsaun públika ne’e dehan, mekanizmu ida mak ekipa sira kompostu hosi CFP ho Inspesaun Jerál Estadu (IJE) ho Comissão Anti Corrupção (CAC) bá vizita urjente ne’e.

Iha dijitalizasaun ne’e parte ida mak ko’alia ona mós kona-bá lista prezensa dijitál, ne’ebé mak sira sei liga direta entre mákina ne’e ho nia sistema pagamentu. Entaun, púrezemplu, sé nia mai mak tarde iha oras ida, oras rua, konserteza nia saláriu ne’e ko’a automátiku. Maibé, atu implementa sistema kontrolu ida ne’e, komisáriu CFP ne’e dehan, agora daudaun sira finaliza ona planu reforma nian.

Kona-bá Prosesu Reforma

Prezidente CFP, Agostinho Letêncio atualiza katak, faze ida bá preparasaun reforma nian ne’e, komponente ida mak ohin sira aprezenta ona bá PM Xanana Gusmão kona-bá planu sira bá reforma iha administrasaun públika nian.

Nia mós haktuir katak, iha 24 fulan-Abríl 2024, Governu liuhosi sorumutuk konsellu ministru aprova Projetu Proposta Lei bá autorizasaun lejizlativa kona-bá fiksasaun limite idade, relasiona ho serbisu funsionáriu públiku no ajente administrativu sira nian. Projetu Proposta Lei ne’e aprezenta hosi Ministru Prezidénsia Konsellu Ministru ein ezersísiu, Adérito Hugo da Costa.

Advertisement

Tuir Governu, objetivu bá projetu Proposta Lei ida-ne’e maka atu Parlamentu Nasionál autoriza hodi fiksa limite idade ne’ebé fó kauza bá sesasaun relasiona ho serbisu iha Administrasaun Públika.

Objetivu hosi projetu Proposta Lei ida-ne’e atu estabelese mekanizmu nesesáriu sira ne’ebé fó dalan atu promove profisionál joven sira iha Administrasaun Públika nasionál, nune’e bele lori kompeténsia foun bá iha funsionalizmu públiku.

Renovasaun bá kuadru iha Administrasaun Públika ne’e nu’udár medida esensiál ida atu assegura melloria servisu sira ne’ebé presta bá populasaun.

Ministru Prezidénsia Konsellu Ministru ein-ezersísiu, iha tempu ne’ebá, Adérito Hugo da Costa esplika iha aprezentasaun ne’ebé partisipa mós komisáriu sira hosi CFPhodi fiksa idade fiksu bá reforma obrigatóriu mak tinan 60.

Jornalista: Rogério Pereira Cárceres

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Ramos-Horta husu Komisaun Organizadora Vizita Papa Francisco Servisu ho Másimu

Published

on

Hatutan.com, (18 Jullu 2024), Díli- Prezidente Repúblika (PR), José Ramos-Horta husu atu komisaun organizadora vizita Papa Francisco mai Timor-Leste atu halo servisu ho másimu atu lori susesu ba vizita pastorál ne’e.

(more…)

Kontinua Le'e

Nasionál

SekJer ONU ho Xefe UNAMET Partisipa Selebrasaun Tinan XXV Konsulta Populár

Published

on

Hatutan.com, (18 Jullu 2024), Díli- Sekretáriu Jerál (Sekjer) Nasoins Unidas (ONU), António Guterres ho Xefe UNAMET (United Nation Administration Mission In East Timor), Ian Martin, konfirmandu partisipa selebrasaun tinan XXI loron Konsulta Populár, 30 Agostu 2024.

(more…)

Kontinua Le'e

Nasionál

Xanana Sei Ta’es Membru Governu sira iha Jornada Orsamentál 2025

Published

on

Hatutan.com, (18 Jullu 2024), Díli- Primeiru-Ministru (PM), Kay Rala Xanana Gusmão, sei halo avaliasaun ho rigór, identifika no ta’es planu membru Governu sira nian iha jornada orsamentál 2025.

(more…)

Kontinua Le'e
Advertisement

Trending