Connect with us
Pakote Ahi

Ekonomia

Timoroan iha Diaspora Prontu Apoiu Governu Promove Turizmu TL iha Mundu

Published

on

Hatutan.com, (25 Juñu 2024), Díli- Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay hateten Timoroan sira ne’ebé hela iha diaspora iha kompromisu boot atu apoiu Governu hodi promove turizmu Timor-Leste iha mundu.

Lee Mós: Vise-Primeiru-Ministru Francisco Kalbuadi Lay Fó Pose bá Dirijente Institutu Públiku Na’in-Ualu

Timoroan sira iha diasporta hasoru Vise-PM Francisco Kalbuadi Lay, Tersa (25/06/2024). Foto/Elio dos Santos da Costa

Komunidade Timoroan sira ne’ebé oras ne’e hela iha Portugál, Singapura, Macau no ikus liu halibur malu iha Austráli, Tersa (25/06/2024), hasoru malu Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay hodi hato’o sira-nia kompromisu forte atu promove turizmu Timor-Leste ba mundu nu’udár meiu ida kontribui hasae kreximentu ekonómiku Timor-Leste nian no lori dezenvolvimentu ba país ne’e.

“Ohin, ha’u sente ksolok no onra tebes bele hasoru ita-nia maluk Timoroan sira ne’ebé mak uluk iha 1974-1975 sai husi Timor pois ba iha  Portugál, Singapura, Macau no ikus liu halibur malu iha Austrália. Sira hakarak ajuda Governu promove turizmu Timor-Leste ba mundu.” Francisco Kalbuadi Lay hateten.

Advertisement

Governante ne’e hatutan Timoroan sira ne’e husik hela Timor-Leste iha tinan 50 ba kotuk no oras ne’e sira fila ho kompromisu forte hakarak promove turizmu Timor-Leste ba mundu.

Timoroan sira ne’e haksolok bele fila hikas mai vizita Timor-Leste no orgullu ho dezenvolvimentu ne’ebé iha hafoin de Timor-Leste hetan ukun an no sira iha esperansa atu aban bainrua oan no bei oan sira bele kontribui diak liután ba Timor-Leste nia dezenvolvimentu.

Iha Fatin hanesan, reprezentante Timoroan iha Diaspora Oimi Tam hateten sente kontente no orgullu ho Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente Francisco Kalbuadi Lay hanesan amigu di’ak no kolega eskola iha tempu uluk sei estuda iha Baucau.

Nia afirma liután katak mesmu kleur ona husik hela Timor-Leste maibé fuan nafatin iha Timor. “Mesmu ami hela kleur iha Austrália, iha ami nia fuan nafatin hanoin kona Timor-Leste, tamba ami moris iha ne’e no ami sempre iha hakarak atu fila mai iha ne’e hodi kontribui ba dezenvolvimentu rai ne’e nian. Ho ami nia vizita ida ne’e ami komprometidu atu promove Turizmu Timor-Leste ba mundu liu husi ami nia servisu no relasaun diak ho ema seluk iha mundu,” Oimi Tam hateten.

Komunidade Timoroan iha diaspora sira ne’e sei hala’o sira nia tour durante loron sanulu iha Timor-Leste no sei vizita sítiu turístiku sira ne’ebé Timor-Leste iha no sei halo promosaun ba mundu hodi atrai turista sira no dada mós investidór sira mai investe iha área turizmu iha Timor-Leste hodi tulun dezenvolvimentu nasionál iha país ne’e.

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

EIF Konsidera Timor-Leste Nia Adezaun Ba OMK Sei Tulun Dezenvolvimentu Setór Ekonómiku

Published

on

Hatutan.com, (18 Jullu 2024), Díli- Diretór Ezekutivu Enhanced Integrated Framework (EIF) Ratnakar Adhikari hateten Timor-Leste nia adezaun ba Organizasaun Mundiál Komérsiu (OMK) nu’udár pasu pozitivu ba dezenvolvimentu ekonómiku iha país ne’e.

(more…)

Kontinua Le'e

Ekonomia

BTN-Indonézia Hakarak Investe Fó Kréditu Uma bá Povu Timor-Leste

Published

on

Hatutan.com, (18 Jullu 2024), DíliBanku Tabungan Negara (BTN) husi Indonézia hahú halo aproximasaun iha Timor-Leste hodi aprezenta sira-nia intensaun investimentu iha área fó kréditu uma bá funsionáriu públiku sira ho mós povu Timor-Leste ein-jerál.   

(more…)

Kontinua Le'e

Ekonomia

East Timor Trading Group Sei Haluan Nia “Business Industrial Joint” Iha Fomentu II

Published

on

Hatutan.com, (18 Jullu 2024), Díli-East Timor Trading Group planea atu haluan nia investimentu iha Timor-Leste liuhosi projetu ida ne’ebé sira hanaran “Business Industrial Joint” iha área Fomentu II, Suku Comoro, Postu Administrativu Dom Aleixo, Munisipiu Díli.

(more…)

Kontinua Le'e
Advertisement

Trending