Hatutan.com, (18 Juñu 2025), Díli—Ministériu Justisa hahú verfika   pedidu ne’ebé hato’o husi Ferederasaun Futeból Timor-Leste  (FFTL) atu konstrui kampu futsal indoor  padraun internasionál foun iha Tasi-tolu, Díli.

Lee Mós: Governu Aprova Proposta FFTL Reabilita no Halo Konstrusaun Estádiu Foun ho Kampu Futsal Indoor

Dezeñu futuru kampu futsal indoor padraun internasionál atu konstrui iha Tasi-tolu, Díli. Foto/FFTL

Ministru Jusitisa, Sérgio da Costa Hornai hateten, ekipa tekníku sira iha Ministériu Justisa  halo ona verifikasaun bá pedidu sira ne’ebé tama, inklui mós pedidu husi FFTL.

“Lor-loron pedidu tama barak ha’u simu, inklui pedidu FFTL nian,  ekipa tekníku husi Ministériu Justisa  halo servisu   hodi bele indentifika no terenu imoveis bele kuandu priénse rekejitu sira,” Ministru Justisa, Sérgio  da Costa Hornai hatete bá Jornalista sira hafoin reniaun Konsellu Ministru iha  Palasiu Governu, Kuarta (18/06/2025).

Husi parte Ministériu Justisa nian sei halo reiuniaun ho ministériu relevante hodi ko’alia kona-bá ambiente,  ko’alia kona-bá urbanizasaun  no mós investimentu,  oinsá maka  atu halo atribuisaun bá iha terenu  sira.

Fó hanoin fila fali  katak XI Governu Konstitusionál liuhosi reuniaun Konsellu Ministru, Kuarta (04/06/2025), aprova ona proposta FFTL nian  atu halo reabilitasaun ba Estádiu Munisipál Díli no halo tán konstrusaun foun ba Estádiu ho kampu futsal indoor tuir padraun internasionál iha Tasi-tolu.

Ekipa Federasaun Futebol Timor-Leste (FFTL) ne’ebé lidera husi prezidente Nilton Telmo Gusmão dos Santos, iha loron 13 fulan-Juñu ne’e, halo sorumutuk koordenasaun ho  Diresaun Jerál Terras no Propriedade (DJTP) kona-bá servisu levantamentu dadus ba rai, ne’ebe atu konstrui Estádiu ho kampu futsal indoor padraun internasionál foun iha Tasi-tolu ne’e.

Jornalista:  Marcelino Tomae