Hatutan.com, (10 Jullu 2025), Díli- Prezidente Repúblika, Jose Ramos Horta, hateten tuir nian haree katak povu agora kontente tanba atividade infrastrutura barak maka halo iha mandatu IX Governu nian.

Projetu reabilitasaun Estrada Maliana. Foto/Espesiál

Prezidente Repúblika Jose Ramos Horta hateten, durante nia enkontru ho Primeiru-Ministru Kay Rala Xanana Gusmão mós kontínua ko’alia no fó atensaun  ba asuntu sira hanesan seguransa no polítika internasionál.

“Ha’u haree populasaun agora hanesan kontente liu fali ona, tanba atividade infraestrutura barak loos,” Prezidente Repúblika José Ramos-Horta hateten bá jornalista sira iha edifísiu Ministériu Negósiu Estranjeiru no Kooperasaun (MNEK), Kinta (10/07/2025).

Xefe Estadu  esplika, Governu selu kompensasaun bá uma sira ne’ebé hetan eviksaun, ema hotu-hotu simu ona kompensasaun, dezenvolvimentu boot sei akontese mós iha Tasi-Tolu, iha tasi ibun husi Portu Díli to’o Kristu Rei ne’ebá.

Jornalista:  Zita Menezes