Hatutan.com, (17 Novembru 2025),Díli— Ministériu Públiku (MP),  Segunda (17/11/2025), halo ona destruisaun ba droga ho tipu kokaína hamutuk kilograma 2.09.

Lee Mós: Ministériu Públiku Sei Halo Destroisaun Ba Droga Kilograma 2,094 ho Tipu Kokaína

Autoridade kompetente sira halo destuisaun ba droga iha HNGV, SEgunda (17/11/2025). Foto/Marcelino Tomae

Prokuradora Lídia Soares ne’ebé akompañia prosesu destruisaun iha Ospitál Nasionál Guido Valadares (HNGV), haktuir katak droga ne’e tama Timor-Leste ho ajénsia DHL atraves aviaun komersiál Citilink  ho kilograma 2.0094, depois  amostra uitoan  hela de’it kilograma 2.094 ne’ebé maka halo destroisaun.

“Destruisaun ne’e ho desizaun judisiál  bazeia bá  pepidu Ministériu Públiku nian  deklara lakon a-favor bá Estadu, tanba sasán la bele rai klreur tenke halo destruisaun,” Prokuradóra Lídia Soares hateten.

Nia esplika, droga ne’e antes tama mai  ho tipiu kokaína, maibé depois   teste  bá laboratórium  ho komnirmasaun katak ninia kontein  tipu loloos ne’e Ketanína,  hanesan tipu droga ne’ebé tama    iha lei droga nian númeiru 2/2007 anexu  iha aliña 7 ne’ebé konsidera hensan tipu droga. Uluk  halo aprensaun  1 ons de’it hetan $100-resin, kada grama 300 resin.

Iha fatin  hanesan Adjunta Prokuradór Jerál Repúblika Angelina Joaninha Saldanha, agaradese  bá parte HNGV ne’ebé maka sempre  ajuda ba objetu krime  dorga ne’ebé  atu halo teste laboratóriu.

“Ita mós agradese bá Polísia Sientifika Investigasaun Kriminál (PCIC) ho Polísia Nasionál Servisu Kriminál ne’ebé fasilita hodi  halo  destroisaun ba droga ida-ne’e, agradese bá parte hotu- n’ebé partisipa iha proseu ida-ne’e, nune’e ita deskobre  krime ne’e nia objetu,”  Angelina Joaninha Saldanh hateten.

Jornalista:Marcelino Tomae