Hatutan.com, (26 Marsu 2026), Díli-Primeiru Ministru (PM) Kay Rala Xanana Gusmão, informa iha  sorumutu ho Prezidente Repúblika, José Ramos Horta,  informa desizaun balu Konsellu Ministru nian hodi halo rezolusaun balun kria Komisaun ida atu kontrola ka tau-matan ba presu komustivel iha merkadu garantia to’o fulan-neen.

Lee Mós: Governu Sei Foti Medida Nesesáriu Hodi Estabiliza Folin Kombustível

Kombustivel nia folin hahús sa’e iha merkadu nasionál Timor-Leste husi implikasuan funu iha médiu oriente. Foto/Zita Menezes

“Iha reuniaun Konsellu Ministru (KM), Kuarta horiseik, ami halo rezolusaun balun, ita temi kona-ba kria Komisaun ida atu haree ba presu kombustível, oinsá komisaun ne’e sei haree se karik bele ita garantia to’o fulan-neen nune’e labele falta ba nesesidade konsumedor nasionál,”  Xanana Gusmao ba jornalista sira hafoin enkontru semanál ho Prezidente Repúblika iha Palásiu Prezidensiál, Kinta (26/03/2026).

Governu aprova ona dekretu-lei nú.13/2026, loron 25 fulan-Marsu, kona-ba medida estabilizasaun temporária ba folin kombustível no seguransa ba fornesimentu. Nune’e, define presu kombustível iha merkadu nasionál ba konsumidor sira la bele liu husi folin determinadu mak hanesan;  Gazuliña ho presu US$1.50 kada litru,  Gazóleu US$1.65 kada litru,  Avtur US$2.50 kada litru no  Gáz  (LPG) US$4.20 kada kilograma. 

Jornalista: Juvinal Cabral dos Santos